El medisinasynyŋ adymy ılgerılei tüstı. Ilkımdı ısterımen ırgelengen elordadaǧy Ūlttyq ǧylymi kardiohirurgiia ortalyǧy taǧy bır tyŋ jaǧalyǧymen jūrtty eleŋ etkızdı. Älemde alǧaş ret mehanikalyq jürek implantyn ornatu operasiiasyn sättı oryndady. Operasiiany Düniejüzılık kardiotorakaldy hirurgtar qoǧamynyŋ (WSCTS) 27-ınşı prezidentı, Densaulyq saqtau ministrlıgınıŋ bas kardiohirurgı, Qazaqstannyŋ Eŋbek Erı Iýrii Pia bastaǧan top Chehiia, İzrail, İtaliia jäne AQŞ-taǧy serıktesterımen bırlesıp jasady.
Älemde balamasy joq FIVAD atty symsyz qanainalym qūrylǧysynyŋ basty erekşelıgı – syrtqy quat közderıne tıkelei jalǧanbaǧan. Mūnyŋ qyzmetı kädımgı kardiostimuliatormen bırdei. Bıraq apparat keudenıŋ ışınde ornatylǧan, symdary şyǧyp tūrmaidy. Ony arnaiy belbeu arqyly magnittık tolqynmen quattaidy. Quaty 8 saǧatqa jetedı. Būl pasienttıŋ aǧzasyn asqyndyrmai, emın-erkın qimyl-qozǧalysyna mümkındık beredı. Būǧan qosa, jürektıŋ soǧysyn, qannyŋ qysymyn jäne taǧy basqa derekterdı körsetıp tūratyn arnaiy qolsaǧaty bar.
Osyndai bıregei qūrylǧy 24 jastaǧy almatylyq İsmail Tūrsynovtyŋ jüregıne ornatyldy. Operasiia 2018 jyldyŋ 15 jeltoqsanynda öttı.
«Men İsmail Tūrsynovty tūŋǧyş ǧaryşkerge teŋeimın. Ol auruhanaǧa tüskende öz bölmesınen şyǧa almaityn, qatty demıkpesı bar edı. Ünemı därıgerdıŋ baqylauynda boldy. Qazır jaǧdaiy jaqsy, dalada seruendeidı, sport zalda jattyǧady, tıptı basseinge de tüse alady» dedı Ūlttyq ǧylymi kardiohirurgiia ortalyǧynyŋ basşysy Iýrii Pia.
Būryn tek tösekke taŋylyp jatqan İsmail operasiiadan ekı künnen keiın aiaǧynan tık tūrǧanyn, özın jaqsy sezınetının, salmaǧy 94 kelıden 67 kelıge tüskenın aitty.
Altyn qoldy, ülken jürektı Iýrii Pia osydan 50 jyl būryn älemde tūŋǧyş ret Qytaida, Oŋtüstık Afrikada jürek transplantasiiasy jasalǧanyn, al endı adam ömırın ūzartqan tūŋǧyş jasandy jürek imlantantyn ornatu Astanada jüzege asqanyn aityp, aǧynan jaryldy. Ol būnyŋ Qazaqstan medisinasynyŋ äleuetın körsetetının, jürek jetıspei tūrǧan jaǧdaida şyn mänınde serpındı joba bolǧanyn jäne halyqaralyq jobanyŋ elımızde oryndalǧanyna maqtanatynyn jetkızdı.
Halyqaralyq statistikaǧa säikes älemde 26 million adam sozylmaly jürek jetkılıksızdıgı auruyna ūşyraǧan. Būlardyŋ qatary jyl saiyn 900 myŋǧa artady. Onyŋ ışınde 800 myŋ nauqasqa jürek transplantasiiasy qajet. Donor jetpei bes jylda qaitys bolǧandardyŋ sany 7%-dan 50%-ǧa deiın jetedı eken. Al Qazaqstanda 200 adam jürek almastyruǧa mūqtaj bolsa, sonyŋ 10-yna ǧana transplantasiia jasalady.
Iýrii Pianyŋ aituynşa, būl patologiiany emdeudıŋ altyn standarty – transplantasiia. Alaida donor jetıspegendıkten, jürektıŋ mehanikalyq kömekşı qūralyn qoldanu belsendı damyp keledı. Sondyqtan LeviticusCardioLtd kompaniiasy jasap şyǧarǧan FIVAD qūrylǧysyna europalyq sertifikat alyp, Europada jäne Amerikada eksperiment jürgızılmek. Sodan keiın innovasiialyq qūrylǧyny tegın medisinalyq kömektıŋ sanatyna qosyp, qazaqstandyqtarǧa tegın ornatuǧa mümkındık bar.
