Biyl elordada 6 myŋǧa juyq oquşy mekteptı tämamdaidy. Olardyŋ 275-ı «Altyn belgıge» ümıtker atanyp otyr. Emtihandardan soŋ, bılım ordasyna tarydai bolyp kırgen balalar tälım bergen ūstazdarymen qoştasyp, ülken ömırge qadam baspaq.
Astana qalasy Bılım basqarmasynyŋ taratqan mälımetı boiynşa, biyl mektep bıtıru keşı jalpyqalalyq deŋgeide bolmaidy. Bır apta būryn barlyq mektepterde attestat tabystaldy. «24 mamyr künı dästür boiynşa halyqaralyq, respublikalyq olimpiadalardyŋ jäne ǧylymi jobalardyŋ jeŋımpazdaryna arnalǧan «Triumf» balyn ötkızemız. Al mausym aiynyŋ soŋynda «Altyn belgı» iegerlerın «Elorda maqtanyşy» saltanatynda marapattaityn bolamyz» dedı basqarmanyŋ baspasöz hatşysy Jazira Asanova.
Sondai-aq, Bılım basqarmasy mektep bıtıru keşıne qoiylatyn talaptar turaly mälımet berdı. «Eşqandai talap joq. Keştı qai jerde qalai ötkızetının balalardyŋ äke-şeşesı bırıgıp şeşedı. Mektep basşylyǧy keştıŋ bolatyn jerı men uaqytyn belgılegende, bız kestege säikes mūǧalımder men inspektorlardy kezekşılıkke qoiamyz» dedı J.Asanova.
Basqarma basşylyǧy mekteptıŋ akt zaly men sport zaly soŋǧy qoştasu keşın ötkızuge eŋ qolaily jer dep sanaidy.
– Eger ǧimarat saltanatty şarany ötkızuge qolaily bolsa, ata-ananyŋ da qaltasy qaǧylmaidy. Keide belgılı bır sebepterge bailanysty saltanatty keştı ötkızuge jaǧdai bola bermeidı. Sol kezde ata-ana qauymy merekenı atap ötudıŋ basqa amaldaryn qarastyrady, – dep jauap berdı osy rette basqarma ökılı.
Elımızde bılım ūiasynan tülep ūşqan tülekter ūstazdar men direktorǧa estelık syilyqtaryn tabys etuı jyl saiynǧy dästürge ainalǧan. Osy rette qalalyq Bılım basqarmasy ata-analarǧa baǧaly syilyqtardy äkelmeudı sūraidy. «Bız är jinalysta bılım ordasynyŋ basşylyǧy men ūstazdarǧa baǧaly syilyqtardy qabyldamaudy ötınemız. Mektep pen balabaqşalarda da ata-analardy jinap, syilyqqa dep eşqandai aqşa qoryn aşpaudy ötınemız. Oquşylar tek yqylas gülımen şektelse eken deimız. Sebebı ūstaz üşın eŋ baǧaly syilyq – alǧys» dep mekeme öz ūstanymyn bıldırdı.
