Elordada 69 memlekettık mekeme bolsa, onda 3500-den astam qyzmetşı jūmys ısteidı. Memlekettık qyzmetşılerdıŋ jūmys barysyndaǧy azamattarmen qarym-qatynasy, qyzmet körsetu sapasy ünemı baqylauda. Memlekettık qyzmette tärtıp būzǧan keibır azamattar arnaiy keŋes otyrysynda tärtıptık jazaǧa tartylady. Jalpy, astanalyq memlekettık qyzmetşılerdıŋ mındetı, olardyŋ bılıktılıgı, memlekettık mekemelerde kezdesetın sybailas jemqorlyqtyŋ aldyn alu turaly Memlekettık qyzmet ısterı jäne sybailas jemqorlyqqa qarsy ıs-qimyl Agenttıgı Astana qalasy boiynşa departament basşysynyŋ mındetın atqaruşy Tılegen Qaskinmen äŋgımelesken edık.
Tılegen QASKİN,
QR memlekettık qyzmet ısterı jäne sybailas jemqorlyqqa qarsy ıs-qimyl agenttıgı Astana qalasy boiynşa departament basşysynyŋ mındetın atqaruşy
– Tılegen Tölegenūly, abyroily mındettıŋ bırı – memlekettık qyzmet. Osy salada jūmys ısteitın elordalyq azamattardyŋ bügıngı qūramy men bılıktılıgıne köŋılıŋız tola ma?
– Memlekettık qyzmet, ärine, ülken jauapkerşılıktı qajet etedı. Memlekettık saiasatty dūrys jüzege asyryp, azamattarǧa sapaly qyzmet körsetuge mındetteidı. Astanalyq memlekettık qyzmetşılerdıŋ qazırgı jaǧdaiyna taldau jasasam, memlekettık organdarda 3966 azamat jūmys ısteidı. Jergılıktı atqaruşy organdarda – 932, ortalyq memlekettık organdarda – 3034. Onyŋ ışınde, saiasi memlekettık lauazymda – 6, «A» korpusynyŋ äkımşılık memlekettık lauazymynda – 9 jäne «B» korpusynda – 3517. Memlekettık qyzmetşılerdıŋ 60%-yn äielder qūraidy. Al, qyzmetşılerdıŋ basym bölıgı – 30 jasqa deiıngı azamattar. Joǧary bılımdıler – 93%.
– Qyzmetke qabyldanu konkurs boiynşa jürgızıletını belgılı. Jyl basynan berı qanşa konkurs ūiymdastyryldy?
– Memlekettık organdardaǧy 1362 äkımşılık qyzmetke azamattardy qabyldau üşın 343 konkurs ötkızılgen bolatyn. Ötkızılgen 343 konkursqa 346 adam baqylauşy retınde qatyssa, ekspert retınde 304 adam qatysty.
– Özıŋız bılesız, sybailas jemqorlyq köp jaǧdaida memlekettık organdarda kezdesedı. Onyŋ aldyn alu üşın qandai jūmystar atqaryluda?
– Departament 18 memlekettık organnyŋ qyzmetıne taldau jürgızgen edı. Nätijesınde, 250 sybailas jemqorlyq täuekelderı anyqtaldy. Būl ötken jyldyŋ säikes kezeŋımen salystyrǧanda eke esege artqanyn bıldıredı.
Jalpy, memlekettık qyzmetşıler üşın ötkızılgen ıs-şaralardyŋ paidasy köp. Jyl basynan berı 136 seminar jäne därıster ötkızılse, oǧan 6 myŋnan astam adam qatysty. Mysaly, Departament «Nūr Otan» partiiasynyŋ «Sybailas jemqorlyq joq el – örkendeuşı el» baǧdarlamasy aiasynda Astanada meimanhana aşyp käsıbın döŋgeletken käsıpkerlerge memlekettıŋ jemqorlyqqa qarsy küres zaŋnamasyn tüsındıru boiynşa ıs-şara ötkızdı. Konstitusiia künıne «Ata Zaŋ – qūqyqtyq memleket qalyptastyru jolyn belgılegen Qazaqstan halqynyŋ tarihi taŋdauy» qalalyq ǧylymi-täjıribelık konferensiia da köptıŋ qyzyǧuşylyǧyn tuǧyzdy. Jiynda Ata Zaŋdy qūrmetteu, onyŋ erejelerı, zamanaui, qūqyqtyq memleket turaly aityldy. Odan keiın «Sybailas jemqorlyqqa qarsy saiasat memlekettık mülıktı basqaru tiımdılıgın qamtamasyz etudıŋ, memlekettıŋ funksiialardy äleumettık-mädeni jüzege asyrudyŋ bır negızı» taqyrybynda memlekettık käsıporyndar, kvazimemlekettık sektor subektılerı, ükımettık emes ūiym basşylarynyŋ qatysuymen qalalyq konferensiia öttı. Al, Ūlttyq biuro departamentımen bırlese zaŋdylyqty saqtau jäne sybailas jemqorlyqtyŋ aldyn alu sūraqtary boiynşa «QazMūnaiGaz» Barlau Öndıru» Aksionerlık qoǧamynyŋ qyzmetkerler ūjymymen tüsındıru kezdesuın ötkızdık. Bes reformany ıske asyru boiynşa aqparattyq-anyqtamalyq materialdardy äzırleudı qamtamasyz etu jäne BAQ-qa jıberu maqsatynda 2000 buklet qūrastyrylyp, taratyldy. Departament boiynşa telefon jäne mekenjai turaly jazylǧan aqparat, tıptı BTT tölem tızımdemesıne engızıldı.
Ädep jönıne kelsek, Astana qalasynyŋ äkımdıgınıŋ qoldauymen «KAMEDA» qoǧamdyq qorymen bırlesıp, «Azamattyq baqylau» jobasyn ūiymdastyrdyq. Ol boiynşa «Sybailas jemqorlyqqa qarsy mädeniettı qalyptastyrudaǧy ädep jönındegı uäkılderdıŋ rölı» taqyrybynda seminar-keŋes ötken edı.
– Bır sözıŋızde memlekettık mekemeler qyzmetıne taldau jürgızıldı dep aityp qaldyŋyz. Naqty qai memlekettık organdarda jemqorlyq köp tırkelgenın aita ketseŋız?
– Naqtyraq aitsam, ūiymdastyruşylyq-äkımşılık qyzmette 87 derek tırkeldı. Ötken jyldyŋ qaŋtar-mausym ailarymen salystyrǧanda 61%-ǧa artqan. Sonymen qatar, jasyryn memlekettık körsetıletın qyzmet türlerı –27, satyp alu baǧalaryn (tauarlar, jūmystar, qyzmet körsetuler) joǧarylatudyŋ 20 faktısı anyqtady. Nätijesınde, memlekettık satyp alu konkursy boiynşa jalpy somasy 181 913 710 kölemındegı biudjet qarajatynyŋ tiımsız şyǧyndaryna jol berılmedı.
– Ädep jönındegı keŋes otyrysynda köptegen tūlǧalar jauapqa tartylyp jatady. Osy uaqytqa deiın qanşa lauazymdy tūlǧanyŋ tärtıbı qaraldy?
– Ädep jönındegı keŋestıŋ 5 otyrysy ötkızıldı, onda 25 mäsele qamtyldy. Onyŋ köbı basşylyq lauazymdaǧy azamattardyŋ tärtıptık ısıne qatysty. Otyrys soŋynda ekı azamatqa sögıs jariialansa, bıreuıne eskertu berıldı jäne bıreuıne jūmystan şyǧartuǧa ūsynys engızıldı. Sonymen qatar Bılım, Densaulyq saqtau, Mädeniet, mūraǧattar men qūjattamalar, Işkı saiasat jäne Tabiǧi resurstar jäne tabiǧatty paidalanu jūmys qorytyndylary tyŋdaldy.
– Endı qyzmet körsetu salasyna oiyssaq. Memlekettık qyzmet körsetudıŋ sapasy qandai?
– Memlekettık mekemelerdıŋ bergen esebıne süiensem, 2016 jyldyŋ toǧyz aiynda 7 306 148 memlekettık qyzmet körsetılgen. Ötken jyldyŋ osy kezeŋımen salystyrǧanda memlekettık qyzmet körsetu 131%-ǧa ösken.
Memlekettık qyzmet körsetudıŋ 64%-y standartqa säikes körsetılgen. 18%-y Memlekettık Korporasiia filialdary nemese «elektrondyq ükımet» portaly arqyly ūsynylǧan. Memlekettık qyzmet körsetu kezınde 67 kolliziialyq jäne problemalyq sūraqtar anyqtaldy. Osyǧan bailanysty mamyr aiynda Departamentpen jäne Astana qalasynyŋ Halyqqa qyzmet körsetu ortalyqtarymen bırge äreket etu jönınde memorandumǧa qol qoiyldy. Memorandum boiynşa jaŋa jūmys toby qūrylyp, halyqqa qyzmet körsetu kezındegı problemalyq sūraqtardy oŋtaily şeşudı, azamattardyŋ memlekettık qyzmet alu barysynda äkımşılık kedergılerdı boldyrmau maqsatyn közdeidı.
– Äŋgımeŋızge rahmet!
Gülmira AIMAǦANBET
