Ūlaǧatty ūstaz, eŋbek ardagerı, Aqmola qalasynyŋ qadırlı azamaty Erkın Däueşūly ötken ǧasyrdyŋ jetpısınşı jyldarynyŋ basynda qyzmet babymen oblystaǧy Qarabūlaq eldı mekenıne auystyrylady. Sol kezeŋde jeŋgemız Hamilanyŋ aiaǧy auyr edı. Jalpy kım bolsa da otbasynda bıryŋǧai ūl bolsa, kelesı säbiı qyz boluyn, al qyz balalar bolsa, ūl boluyn qalaityny zaŋdylyq emes pe?! Erekeŋ men jeŋgemız bolsa Gülnara, Gülşat jäne Dinara esımdı qyzdaryna ını boluyn tılep jüredı. 
Keŋşar basşylyǧy jas mamannyŋ otbasyna jaŋa salynǧan üiden päter beredı. Mektep direktorynyŋ jūmysy bıtken be, Erkın Däueşūly jūmysqa bılek türenıp kırısıp ketken. Sol jylǧy qystyŋ alǧaşqy aiynyŋ ekınşı jartysynda Hamila Qūlbekqyzy Stepnogorsk qalasynyŋ auruhanasynyŋ bosanu bölımıne jatty. Däl osy tūsta ıstemei tūrǧan qūrylǧylar ıske qosylyp, üige jylu da berıledı. Osyndai künderdıŋ bırınde perzenthanadan quanyşty habar da jetedı. Aqjoltai habardy estıgen Erekeŋnıŋ tänı de, ışkı düniesı de jylyp ketedı. Jan düniesı qalaǧan ūl balasy ömır esıgın aşady. Paŋ Nūrmaǧambettıŋ elınde tuǧandyqtan, ülkender sol kısınıŋ esımın berudı ūsynady. Bıraq otaǧasy balalarmen aqyldasa otyryp, Marat degen esımdı berudı şeşedı. Osylai ata-ana armany oryndalyp, qazaqtyŋ bır ūly bırte-bırte ösıp jetıle bastady. Ärine, basqa otbasyndaǧydai jalǧyz ūl erekşe qamqorlyqta boldy, äsırese būǧan anasy erekşe köŋıl bölıp jürdı, ülken balalaryna Maratty renjıtpeŋder dep aitatyn. Erkelıgı sondai üidıŋ syrtynda şoq qaraǧai bolypty, balabaqşaǧa bara jatqanda sol aǧaşqa örmelep şyǧyp ketıp, anasyn, apalaryn bıraz äureleitın körınedı. Bırde balabaqşada aulaǧa oinauǧa şyqqanda bır-ekı dosyn ertıp alyp, bes-alty şaqyrym jerdegı Stepnogorsk qalasyna ketıp qalady. Tärbieşılerınıŋ zärelerı ūşyp, bıraq ata-anasyna habarlamaidy. Balalar bolsa qala dükenderın aralap, tiyn-tebenderıne tättıler alyp jep, jūmys aiaǧyna deiın balabaqşaǧa qaityp kelıptı.
Ata-babamyzda «Alla bala ber, bala berseŋ sana ber, sana bermeseŋ ala ber» degen söz bar. Marat sanaly, erke bolypty. Mektepte oqyp jürgenınde ata-anasyna sezdırmei qyrmanda tüngı ausymda jūmys ıstep, tabys tauyp, ony üige äkelıp berıp jürıptı.
Qazan qalasynda universitette oqyp jürgenınde, toqsanynşy jyldardyŋ orta şenınde, qiyn jyldary, kommersiianyŋ jaŋa bastalǧan kezeŋınde saudamen ainalysyp, ata-anasyna salmaq salmai özın-özı qarjylandyra otyryp, qosymşa qarajat tauyp, sol kezdegı Aqmola qalasynan ekı bölmelı päter satyp alady.
Sıletı orta mektebınde oqyp jürgende anasy Hamila Qūlbekqyzy synyp jetekşısı bolady. Anasyna joldastaryn ūiymdastyryp synyptarynyŋ alda boluyna qolǧabysyn tigızıp jürıptı. Aqköl qalasynyŋ №1 orta mektebın üzdık bıtırıp, Qazan qalasyndaǧy tehnikalyq universitettı de oidaǧydai aiaqtap, Aqmola qalasyna oralady. Sol kezde kompiuterlık tehnikany bıletınder öte az bolatyn. Özımen kompiuterler ala kelıp, öz üiınde qala qyzmetkerlerın oqyta bastaidy. Aqmola oblysynyŋ bır salalyq basqarmasy qyzmetke şaqyrady. Onda bıraz ıstegennen keiın Prezidenttıŋ Is Basqarmasyna qyzmetke auysady. Būl qyzmette de ūzaq bolmai respublikalyq Memlekettık qyzmet Agenttıgıne konkurs jariialanyp, sonda jeŋıp şyǧyp, osy agenttıktıŋ qyzmetkerı bolyp şyǧa keledı. Mıne, osy kezeŋnen bastap memlekettık qyzmettı atqaryp keledı. Odan keiın Prezident äkımşılıgıne de konkurspen ötedı. Osy mekemede jiyrma jyldan astam qyzmet atqaryp, bölım meŋgeruşısı därejesıne deiın köterıledı. Ötken jyly Memlekettık qyzmet Agenttıgı qūrylǧanda täjıribelı maman retınde basşynyŋ bırınşı orynbasary qyzmetıne auystyrady.
Marat Erkınūly ǧūmyrynyŋ jartysynan artyǧyn memlekettık qyzmetke arnap keledı. Osy abyroily ısı baǧalausyz qalǧan joq. «Parasat», «Qūrmet» ordenderımen qosa köptegen memlekettık marapattardyŋ iegerı.
Osyndai joǧary därejelı qyzmette jürse de, ömırde qarapaiym, ülkenge ını, kışıge aǧa bolyp, qolynan kelgenınşe kömektesuge tyrysady. Synyptas dostarymen osy künge deiın bailanysyn üzbeptı. Seksennıŋ seŋgırıne şyqqan ata-anasynyŋ qamqorşysy. AQŞ, İzrail, Germaniia, Koreia siiaqty medisinasy damyǧan elderge barǧanda bızde joq därılerdı, vitaminderdı äkelıp berıp, ülkenderınıŋ ūzaq baqytty ǧūmyr keşuıne tıleuqor bolyp jür.
Keiıpkerımız – önegelı otbasynyŋ otaǧasy. Alty balanyŋ äkesı, ülkenderı Hadişa Mäskeude oqysa, Rabiǧa qazaq-türık liseiınıŋ soŋǧy synybynda aldyŋǧy qatarly oquşy, İbrahim matematikalyq mektepke tüstı, Fatima men Älihan gimnaziianyŋ bastauyş synyp oquşylary, kenjelerı Haidar biyl köktemde dünie esıgın aşypty.
Jyl soŋynda bızdıŋ keiıpkerımız Marat Erkınūly Däueşov özınıŋ jarty ǧasyrlyq ǧūmyryn osyndai egemen elıne adal qyzmet etuımen, önegelı otbasy boluymen, adamgerşılıgın saqtap, älı de halqyna qyzmet etemın degen nietpen qarsy almaqşy oiy bar. Bız tek qana sättılık tıleimız!
