MÜMKINDIGI KEMDERDIŊ QŪQYǦY ŞEKTELMEIDI
Qazaqstan Respublikasy Prezidentınıŋ «Qazaqstan-2050» Strategiiasy: qalyptasqan memlekettıŋ jaŋa saiasi baǧyty» atty Joldauynda äleumettık saiasattyŋ jaŋa qaǧidalary baian etıldı. Memleket äleumettık qoldaudy tek būǧan mūqtaj toptarǧa ǧana körsetuı tiıs dep atap körsetıldı. Būl özım jetekşılık etetın «Qazaqstan mügedekter konfederasiiasy» qoǧamdyq qorynyŋ qyzmetıne tyǧyz bailanysty. Respublikamyzda bes myŋnan astam «koliasochnikter» bar. Tek astananyŋ özınde «qol arbaǧa taŋylǧandardyŋ» sany 600-den asady. Sonyŋ arasynda bır müşesınıŋ kemtarlyǧy bolǧanymen kökırek közı sairap tūrǧan, qandai jūmysty bolsa da üiırıp äketetınderı joq emes.
Şetelde mügedekter dep oilau qabıletın joǧaltqandardy ǧana aitady. Apatqa ūşyrap, ne bolmasa basqa da sebeppen aiaǧynan aiyrylǧandar qoǧamnyŋ tolyqqandy azamaty dep esepteledı, olardyŋ qūqyǧy şektelmeidı. Germaniiada 85 paiyzy jūmyspen qamtylsa, bızdıŋ elde mūndai jandardyŋ üş paiyzynyŋ ǧana jūmysy bar. Būl olqylyqtyŋ orny tolady dep senemız. Ol turaly Elbasy halyqqa Joldauynda bylai dep aiqyndap berdı: «Memleket qoǧamnyŋ äleumettık jaǧdaiy tömen toptaryna – zeinetkerlerge, mügedekterge, eŋbekke jaramsyzdarǧa, nauqas balalarǧa jäne t.b. atauly kömek üşın tolyq jauapkerşılık alatyn bolady. Jūmys beruşıler halyqtyŋ äleumettık jaǧdaiy tömen toptaryn jūmysqa belsene tartyp, olardy eŋbekaqymen qamtamasyz etetındei jaǧdai tuǧyzu qajettıgı maŋyzdy. Eŋ aldymen, būl mümkındıgı şekteulı adamdarǧa qatysty. Älemnıŋ damyǧan elderınde osylai jasaidy. Bız olardyŋ tolyqqandy eŋbek etuıne jaǧdai tuǧyzuǧa tiıspız. Memlekettık järdemaqyny tek şynymen naqty jūmys ıstei almaityndar ǧana aluy tiıs. Jūmysqa mügedekterdı alyp, olarǧa jaǧdai jasaityn kompaniialar men korporasiialardy kötermeleu kerek» delıngen. Mümkındıgı şekteulı azamattardyŋ memleket tarapynan körsetıletın qamqorlyqqa da, materialdyq kömekke de täueldı bolatyny belgılı. Alaida, mügedekterdıŋ basym köpşılıgı eşkımnıŋ moinyna masyl bolǧysy kelmeidı. Onyŋ bır dälelı mügedekterdıŋ erkın jürıp-tūruyna qolaily «İnvotaksi» qyzmetı aşylǧaly berı köptegen azamattarymyz jūmysqa ornalasyp, qoǧam ömırıne aralasuǧa degen qūştarlyǧy quantuda. Köptegen käsıporyndar men mekeme basşylary da mügedekter mäselesıne moiyn būryp,olarǧa arnalǧan jūmys ornyn aşuda. Mügedekterdıŋ oqşau ömırıne özgerıs enıp, müddesı qorǧalatynyna sengım keledı.
Janat OMARBEKOVA,
«Qazaqstan mügedekter konfederasiiasy»
qoǧamdyq qorynyŋ töraiymy