Memleket basşysy Nūrsūltan Nazarbaevtyŋ «Qazaqstan – 2050» Strategiiasy: qalyptasqan memlekettıŋ jaŋa saiasi baǧyty» atty Joldauynda aitylǧandai, bäsekege qabılettı damyǧan memleket bolu üşın bız sauattylyǧy joǧary elge ainaluymyz kerek. Elbasy öz sözınde bılım beru salasyndaǧy basymdyqtardyŋ bırı retınde «Bükıl älemdegı siiaqty, Qazaqstan mektepke deiıngı bılım berudıŋ jaŋa ädısterıne köşu kerek» dep aityp öttı. Prezident aityp otyrǧan sondai jaŋa ädısterdıŋ bırı dep qosymşa bılım beru mekemelerınıŋ köptep aşyluyn aitar edım. Öitkenı, oquşylardyŋ şyǧarmaşylyq qabıletterın damytyp, jalpy önerge baulu, tanym örısın keŋeitu üşın qosymşa bılım beru mekemelerınıŋ maŋyzy zor.
Qazaqstan Respublikasynyŋ Bılım beru ısınıŋ üzdıgı, salanyŋ qūrmettı qyzmetkerı Baqyt Äbdıraşitova basşylyq etetın Astanadaǧy №1 öner mektebı osy tūrǧyda qyruar şarua atqaryp keledı.
Mektepte muzyka, körkemöner, horeografiia, daiyndyq jäne 3-6 jastaǧy büldırşınderdıŋ oi-örısın damytu üiırmelerı jūmys ısteidı.
Ūjymymyzda 34 pedagog qyzmet etedı. Osy jandardyŋ eŋbegınıŋ arqasynda mektep oquşylarynyŋ auyz toltyryp aitarlyq jetıstıkterı bar. Bızdıŋ balalar qalalyq, respublikalyq jäne älemdık baiqaularǧa qatysyp, jüldelı oryndarǧa ie bolyp jür.
Jaŋa oqu jyly bastalǧaly Memlekettık Tıl merekesıne arnalǧan mektepışılık «Bolaşaǧyŋ jarqyn senıŋ, Qazaqstan!» atty intellektualdy oiyn, Qazaqstan Respublikasy Ata Zaŋy merekesıne orai «Adam jäne zaŋ» III qalalyq suret baiqauy ūiymdastyryldy.
Oquşylarǧa täuelsızdık jolynda qūrban bolǧan aǧa ūrpaqtyŋ erlıgın ülgı etu maqsatynda «Tuy biık, tūǧyrly el» konserttık baǧdarlamasy ötkızıldı.
Jaŋa jyl qarsaŋynda «Eŋ üzdık jaŋa jyldyq kiım» atty IV qalalyq balalar baiqauy da öner mektebı ūjymynyŋ ūiymdastyruymen öttı.
Baiqauǧa jalpy bılım beretın 49 mektepten 8-10 jas aralyǧyndaǧy oquşylar qatysqan bolatyn. Bas jüldenı jeŋıp alǧan jeŋımpaz Prezidenttık şyrşaǧa, I oryn iegerıne qala äkımınıŋ şyrşasyna, al ekınşı, üşınşı oryn ielerı elorda audandary ūiymdastyrǧan Jaŋa jyldyq merekelık keşke qatysyp qaitty.
Tärbielık mänı zor halqymyzdyŋ ejelden jelısı üzılmei jetken köne salt-dästürlerınıŋ bırı, kün men tünnıŋ teŋesetın Ūlystyŋ Ūly künı – Nauryz merekesın toilau da mekteptıŋ oqu-tärbielık josparyna säikes erekşe atalyp öttı.
Merekege qatysqan ärbır jan jer şaryndaǧy köptegen halyqtardyŋ dästürlı meiramyna ainalyp otyrǧan būl merekenıŋ tarihy turaly tolyq maǧlūmat alyp jäne ata saltyn saqtauǧa, otansüigıştık, ūltjandylyq qasietterın boiynda qalyptastyru arqyly özderınıŋ şyǧarmaşylyq qabıletterın aşuǧa mümkındık aldy.
Sondai-aq, säuır aiynda Oŋtüstık Afrika Respublikasynyŋ Täuelsızdıgı merekesıne orai Astanadaǧy Oŋtüstık Afrika Respublikasy elşılıgımen bırlesıp mädeni şara ötkızu dästürge ainalǧan.
Ūly Jeŋıstıŋ taǧylymdaryn jas ūrpaqtyŋ boiyna daryta bılu, sol arqyly olardyŋ otansüigıştık sezımın arttyru da mektep ūjymynyŋ nazarynan tys qalyp körgen emes. Jyl saiyn 7 mamyrda Ūly Otan soǧysy ardagerlerıne arnap «Ardagerge kädesyi» atty qalalyq qolöner baiqau-aksiiasy ötkızıledı.
Özım 2009 jyldan berı osy mekemede ūrpaq tärbiesı jolynda eŋbek etıp kelemın. Astanalyq jas talanttardy tärbieleude menıŋ ūjymymdaǧy oqytuşylardyŋ ülesı zor dep senımdı aita alamyn.
Elmira ALTYNBAEVA,
№1 öner mektebı direktorynyŋ tärbie ısı jönındegı orynbasary