Köktemnıŋ jarqyn merekesı – Nauryz meiramyn «Qazaqstan Halyq Bankı» AQ Astana öŋırlık filialynyŋ qyzmetkerlerı elordalyqtarmen bırge qarsy aldy.
Ūlystyŋ ūly künınde «Qazaqstan Halyq bankı» AQ Astana öŋırlık filialy da «Qazaq elı» monumentınıŋ aldyna aqşaŋqan kiız üi tıgıp, ata-baba saltymen bas şahar tūrǧyndary men qala qonaqtaryna arnap merekelık dastarhan jaidy.
Halqymyzdyŋ süiıktı meiramyna ainalǧan jyl basy – Nauryz toiy künı Täuelsızdık daŋǧylynyŋ boiyna ornalasqan «Qazaq elı» monumentı maŋyna aǧylǧandar az bolmady. Olardyŋ arasynda eŋbek ardagerlerı men qariialardyŋ qarasy köp boldy. Ūlystyŋ ūly künıne arnalǧan dumanda «Qazaqstan Halyq bankı» AQ Astana öŋırlık filialynyŋ direktory Nūrlybek Erjıgıtūly Seidahmet qazyna qarttarymyz – aqsaqaldarymyz ben Ūly Otan soǧysynyŋ ardagerlerın, jalpy merekenı tamaşalauǧa jinalǧan barlyq aǧaiyndy Nauryz meiramymen qūttyqtap, olarǧa airyqşa qūrmet körsettı.
Nauryz – dostyqtyŋ, yntymaq pen yrystyŋ, berekenıŋ, jaŋarudyŋ merekesı, halyqtar bırlıgı men tatulyǧynyŋ bastauy. Sondyqtan da, būl meiram bır ūltqa ǧana emes, jalpy jūrtşylyqqa ortaq bolyp, ūlystardyŋ ūiytqy boluymen şyn peiıldegı jalpyhalyqtyŋ meiramyna ainalyp kele jatqanyn tılge tiek etken N.Seidahmet dastarhan basyna jinalǧan jamaǧatqa jaqsylyq, denderıne saulyq, otbastaryna bereke-bırlık, yntymaq pen yrys tıledı. Ülkender jaǧy bank ūjymyna şynaiy alǧystaryn jetkızıp, bata berdı. Söitıp, mereilı merekede kiız üige bas sūqqan är adam qymyz ben nauryz köjeden däm tatyp, dastarhanǧa tögılgen bauyrsaqtan, sondai-aq, jent, ırımşık, qūrt sekıldı basqa da ūlttyq taǧamnyŋ aluan türınen auyz tidı.
Ūlttyq naqyşta bezendırılgen kiız üidıŋ ışı halqymyzdyŋ kündelıktı tūrmysqa qajettı qūral-saimandary men oiuly būiymdaryna tolǧan. Qoldan örılgen qamşy men ükılı dombyra törden oryn alǧan. Odan ärı qatar-qatar ılıngen sauyt, ertoqym, örnektı beldıkter közdıŋ jauyn alady.
Kün men tünnıŋ teŋelıp, jan-dünienı tırıltken, şaruanyŋ bır maly ekeu bolyp, arqa-basy keŋıp, aqqa auzy tigen, qytymyr qystyŋ yzǧarynan qūtylyp, aldaǧy şuaqty künderden ümıttendırgen Nauryz merekesı ejelden halyqtyq mereke bolatyn. Būl mereke är uaqytta halqymyzda ırgesı sögılmegen bırlıktıŋ, eŋselı erlıktıŋ, yrys pen baq-berekenıŋ merekesı bolyp sanalatyn.
Jalpy, biylǧy jyl – «Qazaqstan Halyq bankı» üşın erekşe jyl. Būǧan deiın habarlaǧanymyzdai, biyl «Qazaqstan Halyq bankı» AQ-nyŋ qūrylǧanyna 90 jyl tolyp otyr. Osyǧan orai, üstımızdegı jyldyŋ basynan berı är ai saiyn banktıŋ mereitoiyna orailastyrylǧan şaralar jalǧasyn tabuda. Mäselen, qaŋtar aiynda banktıŋ Astana qalalyq filialy «Alau» mūz aidynynda «Halyq start» aksiiasyn ūiymdastyryp, oǧan osyndaǧy mektep oquşylary, balalar üilerınıŋ tärbelenuşılerı qatysty. Ärtürlı jarystarda jüldeger dep tanylǧan balalar syi-siiapatqa ie bolyp, märe-säre küide tarqassa, osyndai igı şaranyŋ bırı aqpan aiynda elordamyzdaǧy «Tılep Qobyz» saraiynda jalǧasty. Būl joly «Halyq önerı» baǧdarlamasy aiasynda banktıŋ demeuşılıgımen atalmyş saraidyŋ «Kök türkıler» folklorlyq ansamblı köpşılıkke öz önerın ūsyndy. Konsertke arnaiy şaqyrylǧan qonaqtar qatarynda bank klientterı: ardagerler men zeinetkerler, mektep mūǧalımderı men aq halatty abzal jandar, iaǧni medisina qyzmetkerlerı boldy. Köpşılıktı mereitoiymen ortaqtasuǧa şaqyrǧan «Halyq bankınıŋ» basşylyǧy osyndai igılıktı şaralardy aldaǧy uaqytta da jalǧastyratynyn jetkızdı.
Gülbarşyn ÖKEŞQYZY
