Jastar men oqu oryndarynyŋ tülekterı üşın jūmys oryndarynyŋ qoljetımdılıgın arttyru jäne olardyŋ jūmysqa ornalasuyna järdemdesu maqsatynda Jūmyspen qamtu jäne äleumettık qorǧau basqarmasy İnvestisiialar jäne käsıpkerlıktı damytu, Bılım jäne Jastar saiasaty basqarmalary, sondai-aq halyqty jūmyspen qamtu ortalyǧymen bırlesıp, jastar men JOO, kolledj tülekterı üşın bos oryndar järmeŋkesın ötkızdı.
Järmeŋkege jas maman ızdep jürgen 60-tan astam jūmys beruşı myŋǧa juyq jūmys ornyn ūsyndy. Būlardyŋ denı – önerkäsıp, turizm jäne sauda salasyndaǧy ırı biznes kompaniia ökılderı.
«Bız järmeŋkege ekınşı ret qatysyp otyrmyz. Mūndai ıs-şaralar öte qajet dep aita alamyn. Ümıtkerlermen tıkelei qarym-qatynas, sūhbattasu onyŋ deŋgeiın tüsınuge jäne ūjymnyŋ bolaşaq mamany retınde baǧalauǧa mümkındık beredı. Būl sūhbatqa şaqyrudan görı tiımdı. Jūmys ızdeitınder üşın, menıŋ oiymşa, bır jerde bırneşe saǧat ışınde bırneşe jūmys beruşını ainalyp ötıp, özıne ūnaǧanyn taŋdau öte yŋǧaily. Qaladaǧy mekemelerdı aralauǧa ekı-üş apta jūmsamai, jūmys beruşılermen bır jerde jüzdesuge mümkındık beredı. Sonymen qatar bızdıŋ kompaniiaǧa «Jastar täjıribesı» baǧdarlamasy öte ūnady. Al bügın bızge «Ūrpaqtar kelısımşarty» jäne «Alǧaşqy jūmys orny» baǧdarlamalary ūsynylady. Halyqty jūmyspen qamtu ortalyǧy qyzmetkerge 18 ai ışınde 30 AEK-ke deiın özı töleidı. Osy uaqyt ışınde bızde jaŋadan kelgen qyzmetkerdıŋ qūzyrettılıgın tanuǧa mümkındık bar» dep tüsındırdı «Qazaqtelekom» kompaniiasynyŋ ökılı Läzzat Baelova.
Menedjment jäne biznes kolledjınıŋ studentı Şyŋǧys Qanatov ta öz äserımen bölıstı.
«Men bolaşaq baǧdarlamaşymyn, biyl soŋǧy kursqa köştım. Maǧan mındettı türde diplomaldy praktikadan ötu kerek. Özım saittar arqyly oryn tabuǧa tyrystym, bıraq ökınışke qarai, kompaniialar praktikanttardy alyp, olardy oqytqysy kelmeidı. Bıraq bız, jastar, qaida täjıribe jinaimyz? Öitkenı taǧylymdamadan ötu problemasyna tap bolǧan men ǧana emes qoi. Mūndai mäsele menıŋ barlyq qūrdastarymda bar. Osy bos oryndar järmeŋkesı siiaqty ıs-şaralardy ūiymdastyrǧandarǧa raqmet» dedı ol.
Ūiymdastyruşylar järmeŋkenıŋ maqsaty – jūmyssyz azamattardy, bılım beru ūiymdarynyŋ tülekterın jäne jastardy jūmys beruşı men jūmys ızdeuşı arasyndaǧy tıkelei bailanys arqyly jūmysqa ornalastyru.
«Jyl soŋyna deiın taǧy 10 järmeŋke ötkızudı josparlap otyrmyz. Is-şaranyŋ negızgı maqsaty – jastardy jūmysqa ornalastyru, olardyŋ äleuetın aşu, käsıbi daǧdylaryn damytu. Bügınde mūnda 60-tan astam jūmys beruşı – ırı biznes ökılderı, sonyŋ ışınde önerkäsıp, qūrylys, turizm jäne sauda salasynda jūmys ısteidı. Mūndai ıs-şaralarǧa qatysu özınıŋ mansaptyq jolyn bastaǧan jas ūrpaq üşın maŋyzdy, öitkenı ol qyzmettıŋ eŋ qyzyqty salalaryn jäne qyzmetker retınde özınıŋ «qūnyn» anyqtauǧa kömektesedı. Izdenuşıler özderıne ūnaityn kompaniiany taŋdap, eŋbek naryǧyn baǧdarlai alady» dep qorytyndylady järmeŋke jūmysyn Nūr-Sūltan qalasy äkımdıgı Halyqty jūmyspen qamtu ortalyǧynyŋ direktory Azamat Baitasov.
Bos oryndar järmeŋkesı kompaniialar üşın de, ızdenuşıler üşın de aqysyz negızde ötkızıldı.
