Biyl 9 aida elorda oquşylaryna 1 mlrd teŋgege medisinalyq kömek körsetılgen. Būl turaly «Äleumettık medisinalyq saqtandyru qorynyŋ» Astana qalasy boiynşa filialynyŋ baspasöz qyzmetı mälımdedı.
Mektep medisinasy bılım beru ūiymdarynda, iaǧni tıkelei mektepterde, balabaqşalarda, şaǧyn ortalyqtarda nemese basqa da bılım beru ūiymdaryndaǧy balalarǧa medisinalyq qyzmet körsetudı közdeidı. Būryn mektep medisinasy uchaskelık qyzmetke bölıngen qarajat esebınen qarjylandyrylǧan. MÄMS jüiesın engızu arqyly ol jeke ūstanym retınde bölek qarastyryla bastady. Būl mektep jasyndaǧy balalarǧa arnalǧan aldyn alu şaralarynyŋ keŋ auqymyn qamtuǧa mümkındık beredı.
– Bılım beru mekemelerınıŋ oquşylary men tärbielenuşılerın medisinalyq kömekpen qamtamasyz etu balalar emhanasynyŋ mektepke deiıngı mektep bölımşesıne jüktelgen. Būl bölımşe balalar emhanasynyŋ barlyq basqa bölımşelerımen tyǧyz bailanysta jūmys ısteidı. Mektep medisinasy bölımşesınıŋ qūrylymyna bılım beru mekemelerındegı medisinalyq kabinetter kıredı. Bızdıŋ emhana aumaǧy boiynşa bölımşede 16 mektep pen 10 memlekettık balabaqşa bar, – deidı Astana qalasyndaǧy №9 emhananyŋ mektep medisinasy bölımşesınıŋ meŋgeruşısı Azamat Myŋbaev.
Mektep medisinasynyŋ tarifıne vaksinasiia, jyl saiynǧy profilaktikalyq tekseru, tıs därıgerınıŋ tıkelei oqu ornynda jürgızetın tekseruı kıredı. Sondai-aq oqu ornyndaǧy därıgerler balalarǧa salauatty ömır saltyn ūstanu jönınde ıs-şaralar ötkızedı. Eger profilaktikalyq tekserude patologiia anyqtalǧan bolsa, onda bala tırkelgen jerı boiynşa emhanaǧa medisinalyq tekseruge jıberıledı. Şūǧyl jaǧdailarda medisinalyq punktte jedel järdem brigadasy kelgenge deiın balalarǧa alǧaşqy kömek körsetıledı.
