Astana qalasy mäslihatynyŋ hatşysy Erlan Kanalimov bastaǧan mäslihat deputattary elordada kürdelı jöndeu jūmystary jürıp jatqan bırqatar emhanalardy aralady.
Deputattar, eŋ aldymen, densaulyq saqtau qyzmetkerlerıne arnap A 103 köşesınde salynyp jatqan jataqhana qūrylysymen tanysty. 9 qabatty jataqhanadan därıgerlerge 303 päter berılmek. Olardyŋ 158-ı – bır bölmelı, 145-ı – 2 bölmelı päter. Būdan soŋ olar №8 qalalyq emhanaǧa baryp, ǧimaratty kürdelı jöndeu jūmystary qalai jürıp jatqanyn kördı. Jospar boiynşa mūndaǧy jöndeu jūmystary jeltoqsan aiynda aiaqtaluy tiıs. Emhananyŋ eresekter korpusynyŋ ǧimaraty 2007 jyly salynyp, paidalanuǧa berılgen bolatyn. Ǧimarat – tört qabatty, P pışını tärızdes. Onyŋ jalpy audany – 3995,9 şarşy metr, al ǧimarat uchaskesınıŋ audany 1,023 ga-ny qūraidy. Saraptama qorytyndysy körsetkendei, 2021 jyly ǧimarattyŋ tozu koeffisientı 1%-dy qūraǧan. Emhanada jeldetu, auany baptau, elektr jaryǧy, beinebaqylau jäne avtomatty ört dabyly jüielerın auystyru ūsynyldy. Qazırgı uaqytta ǧimarattyŋ şatyry men kıreberısterındegı jūmystar tolyǧymen aiaqtaldy. Qasbetı, terezelerı, vitrajdary, kärızderı, stiajkalary boiynşa jäne abattandyru jūmystary aiaqtaldy. Jeldetu jäne auany baptau, ışkı ärleu, elektr montajdau jūmystary jürgızılude.
Sodan keiın deputattar men mäslihat hatşysy №1 qalalyq emhanaǧa baryp, ǧimaratty rekonstruksiialau jūmystarynyŋ oryndalu barysymen tanysty. «Elordanyŋ densaulyq saqtau jüiesın damytudyŋ 2021-2025 jyldarǧa arnalǧan keşendı jospary» aiasynda jöndeu jūmystary men qajettı zamanaui qūral-jabdyqtardy satyp aluǧa mäslihat qarajat böludı qoldaǧan edı. Būl halyqqa körsetıletın medisinalyq qyzmetterdıŋ kölemı men sapasyna tıkelei äser etetını sözsız. Keler jyldyŋ soŋyna deiın elordadaǧy 10 medisinalyq mekemede kürdelı jöndeu jūmystary aiaqtalady.
