Qazaqstan 2050 jylǧa qarai älemnıŋ eŋ damyǧan otyz elınıŋ qatarynda boluǧa tiıs. Memleket basşysy N.Nazarbaev «Qazaqstan-2050» Strategiiasy: qalyptasqan memlekettıŋ jaŋa saiasi baǧyty» atty Joldauynda osylai degen edı.
Sondai-aq, Prezidentımız özınıŋ Qazaqstan halqyna Joldauynda elımızdıŋ būdan ärı qaryştap, eselep damuyna jol körsetıp berdı. 1997 jylǧy «Qazaqstan-2030» Strategiialyq baǧdarlamasy jariialanyp, elımız öz tarihynda būryn-soŋdy bolmaǧan damudyŋ daŋǧyl jolyna tüstı. Būl rette elımızdıŋ damyp, özge keregesı keŋ eldermen terezesın teŋestırıp jatqany – Elbasymyzdyŋ köregen, sarabdal saiasatynyŋ jemısı. Qazaqta «ötken künnen alys joq, keler künnen jaqyn joq» degen söz bar. Būl söz tekten-tek aitylmasa kerek. Bız Täuelsızdık alyp, jeke-dara memleket bolǧan kezde el tızgının qolǧa alǧan N.Nazarbaevtyŋ arqasynda Qazaqstan kemeldene tüstı.
Mūnyŋ barlyǧy – eselı eŋbekke, qajyr-qairatpen jasalǧan jūmysqa berılgen baǧa.
Jalpy, el bırlıgı – eŋ asyl qasiet. «Bırlık, yntymaq, sabyrlylyq pen parasattylyq eŋ aldymen özımızge – qazaqtarǧa kerek. Qazaqty eşuaqytta syrttan jau alǧan emes» degen Prezidentımız üidıŋ berekesı qabyrǧasynyŋ qiiuymen emes, teŋınıŋ jiiuymen, otbasyndaǧy syilastyqpen, tatulyqpen kıretının, eger bız küştı bolsaq, basqa elderdıŋ bızben sanasatynyn esımızge saldy. Osyǧan orai, bızdıŋ mekemede de Elbasy tapsyrmalaryn oryndau maqsatynda igı ıster atqaryluda.
Türlı otbasy mäselelerımen ärbır adam öz ömırınde bır ret bolsa da AHAT esıgın aşatyny sözsız. Öitkenı, būl mekeme ömırge kelgen närestelerden bastap, nekelesu, ajyrasu, ömırden ötu siiaqty otbasynda kezdesetın kezeŋderdı zaŋdastyrady.
Neke, erlı-zaiyptylardyŋ otbasyndaǧy qūqyqtary men mındetterın belgıleitın räsım bolǧandyqtan, azamat üilengen alǧaşqy jyldan bastap, ömır boiy erlı-zaiypty ǧūmyryn balalarymen, nemere-şöberelerımen şirek ǧasyr, jarty ǧasyr, bırge ömır keşken, abzal jandardyŋ baqytty kezeŋderın atap ötıp, räsımdeu eŋ bır maŋyzdy ıster bolyp tabylady.
Qazaqstan Respublikasynyŋ «Neke (erlı-zaiyptylyq) jäne otbasy turaly» Kodeksıne säikes, AHAT mekemelerınde memlekettık tırkeuge jatatyn jetı türlı azamattyq hal aktılerı tırkeledı, atap aitar bolsaq, olar: dünie esıgın aşqan säbidıŋ tuuyn, äkelıktı anyqtaudy, bala asyrap aludy, neke qiiudy, nekenı būzudy, azamattyŋ tegın, esımın, äkesınıŋ atyn özgertudı jäne qaitys bolǧan azamattardy tırkeu bolyp tabylady, iaǧni, adam ömırındegı eŋ maŋyzdy otbasyna negızdelgen oqiǧalardy zaŋdastyrady.
Sonymen qatar, hal aktılerıne özgerıster, tüzetuler, tolyqtyrular engızedı, qalpyna keltıredı jäne olardy sebepterıne qarai joiady, joǧalǧan nemese bülıngen kuälıkterdı qaitalap beredı. Osy atalǧan azamattyq hal aktılerı Qazaqstan Respublikasy Ädılet Ministrınıŋ 2012 jyldyŋ 28-ı aqpanyndaǧy №99 būiryǧymen bekıtılgen «Azamattyq hal aktılerın memlekettık tırkeudı, azamattyq hal aktılerı jazbalaryna özgerıster engızu, qalpyna keltıru, joiudy ūiymdastyru turaly Erejesıne säikes jürgızıledı.
Astana qalasynyŋ AHAT bölımderımen 2013 jyldyŋ basynan bastap 4 myŋdai ömırge kelgen bala tırkeldı, 1200-ge juyq otbasy qūryldy. Osyndai ülken jūmystardy atqaruda AHAT qyzmetkerlerı abyroily da jauapty ısterdıŋ basy-qasynda jürıp, özderıne jüktelgen mındetterın mınsız atqaruda.
Bahytjamal ABYLAIQYZY,
Astana qalasy Esıl audandyq AHAT bölımınıŋ bastyǧy