Aqseleu jäne auyzşa tarih arqauy
1. Aqseleu Seidımbek folklorlyq mūra – şejıre janrynda
Qazaq halqynyŋ tüp tarihy – şejıre. Qasiettı ruhani küş şejıreşıldık türkınıŋ bır būtaǧy qazaqtardyŋ genetikalyq bolmysynda älı tereŋ saqtalǧan. Şejırenı ūmytu, han jarlyǧymen bekıgen jetı ataǧa tolmai qyz alyspau dästürın joǧaltyp alu – ūlt retınde qūruǧa bastaityn qater. Bız şejırelık sipatymyzdy jan-tänımızben süietın halyqpyz.
Sondyqtan ǧalam bırtūtastanǧan, qarabaiyr tobyrlanǧan saiyn şejırenı ǧylym retınde damyta tüsıp, jer tūrǧanşa joǧaltpauymyz kerek.
Şejıre – qazır älemge yqpaly zor bolyp otyrǧan evrei elı üşın de asa maŋyzdy. «Taurat. Köne ösiet» – būl İzraildıŋ 12 buynynyŋ şejırelık jylnamasy. Evreiler Mysyr qūldyǧynan qūtylyp, halyq retınde küşeiuıne, qaita örleuıne yqpal jasaǧan jasampaz küş – el bastaǧan dınbasylary häm kösemderı arqyly myzǧymaǧan şejırelık jady myqtylyǧynyŋ äserı. Tekten airylmaudyŋ artyqşylyǧyn olar bılgen.
Aqseleu Seidımbek – qazaq halqynyŋ şejırelık tarihyn bergı zamanda klassifikasiialap, ensiklopediia türınde bır jüiege keltırıp, ūltqa ūitqy ekenın aiqyndap, babymen jinaqtap ketken asyldyŋ synyǧy. XX ǧasyr basynda ūlt köşbasşysy Ahmet Baitūrsynov: «Qazaq joq ızdeuşı» degende, sol ızgı mūratqa adal bolǧandardyŋ bırı Aqseleu Seidımbek ekenı dau tudyrmas. Teksızdık naǧyz qazaq jirenetın ūsaqtalu, azyp-tozumen teŋ.
Täŋırınıŋ özı bergen künınde
Han ūlynan artyq edı menım nesıbem!
XVI ǧasyrda ömır sürgen noǧailynyŋ Dospambet jyrauy teŋdık saltanat qūrǧan däuırdıŋ azattyǧyn qalai asqaq sezınedı, şırkın! Sol qasiet qazaqtyŋ qanynda, qūdaiǧa şükır, älı bar, joǧalmaidy.
Aqseleudıŋ qazyna ūstauşylyǧy – jyr būlaǧy jyraulardan jalǧasqan qūdırettı ruhty öltırmeudı, folklorlyq baiandy jaŋǧyrtudy mūrat etken mirasqorlyq. Ol-daǧy bır keruenbasy. Köş-keruenın ūzatyp, keiıngı ūrpaqqa amanattap tapsyruşy. Könenıŋ körıktı düniesınen basy bütın aiyryludy jany qalamauşylyq. El ümıtın aqtaǧan er ataǧyn endı elı saqtaidy. Aqseleu missiiasy osyndai biık. Onyŋ eŋ basty kıtabynyŋ bırı – «Qazaqtyŋ auyzşa tarihy».
Äsırese, şetten kelgen qazaq ziialylary qazaqtyŋ ruhani assimiliiasiiaǧa ūşyraǧanyn közımen körıp, qoryndy. Etnograf ǧalym Jaǧda Babalyqūly aqyn Qasymhan Begmanovqa bergen etnografiialyq sūhbattarynda: «Qazaq jerınıŋ tabiǧaty būzyldy. Qazaq elınıŋ şaŋyraǧy şaiqalyp, elı tozdy. Qazaq ūltynyŋ tūrmys yrǧaǧy būzyldy. … Osy asa uly saiasi assimiliiasiianyŋ kesırınen qazaq ūltynda ūltsyzdanu qasıretı töbe körsete bas-tady» dep nalidy. Sovettık zamanda ösken Aqseleu Slanūly ūltsyzdanuǧa ıştei narazylyǧyn özındık pafos-pen, qazaqtyŋ özınen tuǧan ūlǧa tän tüisıkpen berdı.
Jazuşy, zertteuşı Myrzakeldı Kemel «Aqseleu asu» atty tanymdyq eŋbegınde: «Aqseleu Seidımbektıŋ janry aluan stilge toly. Mūnda dala äŋgımelerı de, qorǧandar men dınder aŋyzdary da, küi şejıresı de, qazaqtyŋ auyzşa şejıre-tarihy da, jüz-taipa-ru taralymdary da, ertekter de, maqal-mätelder men qazaq bolmysyn aşyp körsetetın aŋyzǧa bergısız bastan ötkendı äŋgımeleu de, qara öleŋ de, estelıkter de, audarmalar da bar», – dep şyndyqty saralap jazady. Sonymen qosa, ol Aqseleu Seidımbek mūrasynyŋ negızgı tūjyrymdaryn termeleidı. Sonyŋ bır-ekısın qaitalasaq: «Aqseleu Seidımbek qazaq etnologiiasynyŋ ǧylymi terminologiiasyn qalyptastyrdy. Aqaŋ «Qazaqtyŋ auyzşa tarihy» arqyly qazaq memlekettıgınıŋ qūrylymyn ǧylymi negızdedı. Jetı ataǧa deiın qyz alyspau dästürın ūstanatyn qazaqtan basqa etnosty jer betınde bar ekenın bız bıle almadyq» dep ūltymyzdyŋ būl erekşelıgınıŋ qasietın därıpteidı. Būl tyiymnyŋ qazaqtardyŋ tūqymdyq sūryptaluyna sebepşı bolumen bırge, etnomädeni bırtūtastyǧyn saqtaudyŋ bırden-bır tetıgı bolǧandyǧyn aitady».
Älhissa, būl kıtapta ne joq, qazaq üşın qasiettı häm qasterlı sanalatyn dünietanymdyq ūǧym-ideia, belgı-nyşannyŋ bärı bar. Keŋ dalamyzda ösıp-öngen taipalar men rular, ūlystardyŋ bır-bırımen tamyrlasqan, budandasqan, qaptaldasqan, bauyrlasqan şynaiy tarihy bar. Oqyluy kei sät myŋ bır tündei körkem şejıre ädebiettegı nebır janrlardyŋ bır arnada toǧysqandyǧymen ozyq. Onyŋ mazmūny tym tereŋ, ışı toly qūndy derekter, kısılık kelbet, qily jazmyş. Qazaq asqan filosof halyq ekenın būl kıtap aşa tüsedı.
Aqseleutanu – öztanu. Qazaqtyqqa taǧzym. Al qazaqtyq erkındık aŋsaudan, azattyqqa süiıspenşılıkten tuǧanyn qazır ūmytsaq ta, tüisıktegı ūly zerdemız, jadtyq taŋba, ūlttyq kod ūmyttyrmaidy.
«Köşpelı ömır-salt Ūly dala (Qazaq dalasy deuge de bolady) tūrǧyndary üşın ūzaq uaqyt tiımdı ömır sürudıŋ bırden-bır oŋtaily ülgısı boldy» («Qazaqtyŋ auyzşa tarihy», 485-bet).
«Alaş üstırtı – Resei Federasiiasyna qarasty Tyba respublikasynyŋ jerındegı Batys Saian tau sılemderı. Būl tau sılemderınen aǧatyn eŋ bır arnaly özen – Sütköl (Sut-Hol)» (489-bet).
Qazaq bıledı, qazır Tyba atanǧan el būrynǧy ūranqailyqtar, dälıregı, qalmaqtyŋ bır atasy. O basta monǧoldanǧan türkınıŋ bır būtaǧy boluy kerek. Bıraq beibıt el jiı şabylǧan būlǧaqta qazaqty qan qaqsatqan taipanyŋ bırı. Al mynau etnotoponimnen körınıp tūrǧandai, jer atauy taza qazaq tılınde. Osynyŋ bärı keiıngılerdı oilandyrary sözsız. Sütköl degen atauda tūnyp tūrǧan öleŋ bar. Süt taǧamdary – sütten taza, sudan aq uyzdai dünienı süietın malqor qazaqtyŋ ūlttyq asy.
«Arǧyn taipasynyŋ taŋbasy «köz taŋba» nemese «kün taŋba» dep atalady. Sevan kölınıŋ baiyrǧy atauy – Kökşe (Gokcha)» (492-bet).
Aqseleu aǧa qazaqtyqtyŋ uyz tabiǧatyn küllı älemnen ızdep tabady, ärı aiǧaqsyz söz söilemeidı. Ol äŋgıme jelısın aqyn jyrlarymen ädıptep otyrady. Eskınıŋ estı sözderı qainar būlaqtai saulap şyǧa beredı. Mysaly, «Nūrdan jaralǧan Adai» turaly aitqanda: «Qaşaǧan Kürjımanūlynyŋ «Adai tegı» degen jyrymen ündes» dei kele, jyrdan üzındı keltıredı (315-bet). Öleŋ dese jany.
Anasy jas närestenı jeroşaqqa jasyryp jürgennen Oşaqty atalǧan desedı. Bır rudyŋ atasy osylai tuady, jäne osy tektes nūrdan jaraldy delınetın ülken atalardyŋ şyǧu tarihy ondap-otyzdap kezdesedı. Demek, jalǧan dındarlyq äu basta qazaqta bolmaǧan. Auyzekı şejırenıŋ bır ǧajaby, adam balasyn aiyptau, söge jamandaudan aulaq, sonysymen anarhiiasy joq erkın halyqtyŋ erkebūlan qalybyn daralap tūratyndyǧy. Sonymen qatar qazaqta ru atyna şyqqan ūly analardyŋ az emestıgın Aqseleu Slanūly eren süiınışpen, öz aldyna daralai jazady. Olardyŋ bır taipanyŋ ülken şeşesı ǧana emes, äulielık jaratylysyn qosa qamtidy. Mysaly, äigılı Domalaq ana.
Aqseleu Slanūly epostyq stilge etene, onyŋ prozasynan eskı asylyn joimaǧan qazaqtyŋ qaimaǧy būzylmaǧan aqsüiek qalpyn köresız. Qazaqtyŋ bauyrmaldyǧy men aduyndyǧyn qatar körsetedı. Mysaly, orta jüzdegı qazaqqa sıŋgen qyrǧyz ruy turaly aitqanda, ol öz atasy taraqty Mätımūsaūly Seidımbektıŋ basynan ötken tektılıkke qatysty bır oqiǧany bipazdai jetkızedı. Soǧym basyna şaqyryp, dämdes bolǧan ekı adamnyŋ arasyndaǧy ata tegıne qatysty şyndyq äŋgımenıŋ şarpuy tüptep kelgende qazaq ūltyna tän şejıreşıldıktıŋ de anyq baiany. Tübı qyrǧyz Qazylyq baidyŋ bır sözıne şamdanǧan Seidımbek aqsaqal ataly sözın qūr jıbermei: «Senıŋ arǧy ataŋ Alataudan şyǧyp, Arqaǧa bas sauǧalap kelgende aşytqylyq qymyzyn qanjyǧasyna bökterıp kelıp pe edı! Ony bızden almaǧanda, qaidan aldyŋ!» – degen eken», (356-bet).
«Ūly Abaidyŋ aqyn şäkırtterı Kökbai Janataiūly men Ärıp Täŋırbergenūly naǧaşyly-jiendı bolyp keledı. Sonsoŋ da olar ömır boiy bırımen bırı öleŋmen qaǧysyp, önerlerın jarystyryp, tuysqandyq sezımderın ūtqyr äzıl-qaljyŋmen aiǧaqtap otyrǧan» (190-bet) dei kele, avtor äl üstınde jatqan Ärıptıŋ köŋılın sūrai kelgen naǧaşysy Kökbai qazaqtyŋ ajaldyŋ özın keide qaljyŋǧa salyp, jalǧan düniege moiynsūnbai, qūsa-lanbai qaraityn ǧadetımen, jienıne äzıl aitady. Oǧan ölgelı jatqan Ärıp qarap qalmai, «Ketemın dünienı saǧan tastap, / Osymen k..tı qysyp toqtaimysyŋ?!» äzılmen jauap qaitaryp, ekeuı öleŋmen aitysyp baqūldasady. Osy ekı aqynnyŋ ölım filosofiiasyn tereŋ tüisınıp, Abai aitqan: «Tuǧanda dünie esıgın aşady öleŋ. / Öleŋmen jer qoinyna kırer deneŋ» degen aqiqatty jatsynbai tūrǧany isı ūlttyŋ ūly mınezın tanytady.
Şejırelık derekterde Aqseleu Seidımbek atalardyŋ mınezın, peiılın öz sözımen örnektep aşady. Solardyŋ auzynan şyqqan sözderın altyn kenışındei ardaqtaidy.
Qazaqtyŋ etnogenezın tüzgen jaitqa tän şyndyqtyŋ bärı aitylady. Rulyq jüienı tarqata, onyŋ taŋǧajaiyp şeber qūrylys, dalalyqtarǧa laiyq bırden-bır eldık jüie bolǧanyn därıptei kele, etnograf ǧalym qazaq halqynyŋ rulyq jüiesı myzǧymas, berık, qatyp qalǧan, qamal emestıgın, bır rudan bır ruǧa ışınara atalar qosylyp, äbden sıŋıp, kırıgıp ketkenın aiqyn jazady. Söitıp, tübın qazsa, jüzge kıretın qazaq ta, jüzge kırmeitın qazaq ta bır qazaq ekenın ol erekşe süiıspenşılıkpen tanytady.
«Eŋ ǧajaby, qazaqtyŋ şejıre taratu dästürınde sıŋıstı atalar, kırme äuletter, asyrandy balalar jäne olardyŋ ösıp-öngen ūrpaqtary eş bükpesız şynşyldyqpen baiandalady. Soǧan qaramastan, enşılestık institutymen bekemdelgen ru-taipa müşelerınıŋ qylausyz bırtūtastyqtaǧy müddelestıgı tıpten qairan qaldyrady». Ol «Qazaq şejıresı …ru-taipalardyŋ ūly bırlık ideiasyn därıpteuge baǧyttalǧan jaŋa tüzılım bolyp tabylady» (21-bet) dei kele, qazırgı traibalizm, jıkşıldık degen qauesettıŋ negızsız ekenın perzenttık paryzyn biık ūstap, janyn sala däleldep şyǧady. Rasynda, qazaq – bırtūtas halyq. Jıkşıldık – bıren-saran dünieqoŋyz, mansapqūmarlardan şyqqan älek. Jalpaq halyqta onyŋ em qonbaityn arsyz dertı joq.
Al tübın jasyrmaityn mınezı, «Qūl ǧana atasyn jasyrady», ertedegı qazaqtyŋ tym şynşyl bolǧanynyŋ belgısı! Ötırıkke baspaǧan baba Qazaq!
Aqseleu – köne dünielerdıŋ dara tuǧan hattauşysy. Onyŋ jazuşy-ǧalym, etnograf, tarihşy, mädeniettanuşy, önertanuşylyq san aluan talanty bır arnada toǧysyp, baǧasy barǧan saiyn zoraia tüspekşı qūndylyqtardy öşpestei qylyp, taŋbalady. Ol şejırelık aŋyzdardyŋ öz janryn qalyptastyryp kettı. Aqseleu yjdahatpen jiǧan ortaq qazynadan jas ūrpaq, kel de, kösıp ala ber. Öitkenı ol – senıŋ töl tarihyŋ. Ol qazaqtyŋ yrys-nesıbesın tüzetın igılıkterdı qyzǧyştai qoryp häm qorǧap kettı. Sonysymen prometeilık taudai eŋbek jasady. Jauhar ärı jalqy eŋbek. Qazaq halqynyŋ etnogenezıne şejırelık maǧlūmattardyŋ tıkelei äserı bar deidı ol. «Jer betınde etnomädeni bolmysy bırtūtas jalǧyz ūlt bolsa, ol – qazaq ūlty» (4-bet).
Būl kıtap avtor özı jazǧandai, «Qazaq dalasynda este joq eskı zamanda bastau alyp, sol qazaq dalasynda aiaqtalǧan (XX ǧ.) köşpelı ömır – saltty «epikalyq köşpelı ömır-salt» dep aiyryp ataudyŋ qisyny bar», (8-bet) dei kele, ol özın sonyŋ şyraqşysy, «Men özımdı köşpelı ömır-salttyŋ ärı syrt köz baqylauşysy, ärı aiǧaqşysy (nositel, etnofora) retınde sezınemın» dep oqyrmanǧa tanystyrady.
Osy qūbylysqa adaldyqty Aqseleu Seidımbek aqqudyŋ qoştasu änındei körıp, biık tragediialyq pafospen qabyldaidy.
«Bır ǧana öŋırde – Saryarqanyŋ Betpaqdalamen şektesken japsarynda dästürlı epikalyq köşpelı ömır-salt saqtalyp qaldy. Köş kölıgı – tüie, baspanasy – kiız üi. Qoǧamdyq ömırde kısılık pen parasat basşylyqqa alynyp, adamdar ǧajaiyp asqaq sezımderge bölene alatyn.
Mıne, men ösken öŋır, menı qalyptastyrǧan äleumettık orta osyndai edı. Būl ortany epikalyq köşpelı ömır-salttyŋ saba tübı sarqyndysy, eŋ soŋǧy jūqanasy deuge bolady. Öz basym tarih pen etnografiiaǧa den qoiyp jürgen adam retınde mūndai ömır-saltty körıp ülgergenımdı taǧdyrdyŋ syiyna balaimyn» (8-9 bet).
Dalalyq tūrmys-salt, qoǧamdyq, äleumettık, mädeni älemnıŋ jüielı ensiklopediiasyn, tıl ūşynda, zerdede tūnǧan ūly tarihyn Aqseleu Seidımbek elınıŋ taŋdauly ūly bolyp qūlai jazdy.
2. Şejıre – tek pen zerde
Möŋke Bi Tıleuūly (1675-1756):
Alystaǧy dūşpannyŋ
Jaǧaǧa qoly jetpeske,
Artynda tuysqannyŋ köbı igı.
Ekıtalai ıs bolyp,
Eŋseŋe dūşpan taban qoiǧanda,
Özıŋmenen bırıgıp,
Qyr basyna şyqpaǧan,
Aǧaiynnyŋ künınde,
Barynan da joǧy igı.
Şejıre syry, eldıŋ bylaiǧy küiı osy joldarda anyq.
Qazaqtan basqa halyqtar şejırenıŋ rölı men maŋyzyn janama bolsyn tanyp bıldı, al bılmese opyndy. Mysaly, köne ellindık tragediianyŋ marqasqasy Sofokldyŋ «Edip patşa» atty tūŋǧiyq dramasynyŋ leitmotivı – şyqqan tegın bılmei sūmdyqqa ūrynǧan adam taǧdyry, qūiynşa soqqan jazmyş tauqymetı. Jetı atasyn bılmegen jetesız. Şejıresın bılmei qor bolǧan, asyrandy ösken Edip aqyry sūmdyq qasıretke duşar bolady. Ol tuǧan äkesın öltırıp, patşalyqqa taǧaiyndalyp, sol eldıŋ zaŋy boiynşa ölgen patşanyŋ äielıne üilenedı. Edip öz anasyn alǧan, äkesın bılmegendıkten jazym etken. Būl äuletke äkesınıŋ ıstegen qara ısı üşın qarǧys tigen. Qazırgı adamdar Edip patşany köbınese jaŋa zamanǧy filosof Zigmund Freidtıŋ «Edip kompleksı» dep ataǧan psihologiialyq auytqulardy zertteulerı arqyly köbırek bıletın siiaqty. Sofokldyŋ ūly talanty olarǧa beimälım.
Pust chem ugodno razrazitsia.
Iа hochu uznat svoi rod – pust on nichtojen!
Takov moi rod – i mne ne byt inym.
Iа doljen znat svoe proishojdenie.
(Sofokl. «Edip-sar». Audarma: S.Şervinskii ).
Būl – jüregı bır sūmdyqty sezgen Edip patşanyŋ jan dauysy. Sonda anasy ärı jary İokasta, ol-daǧy udai jazmyştan qūtylmaǧanyn ūǧyp: «Neschastnyi! O, ne uznavai, kto ty!» dep qūsamen jauap beredı. Edip jan tözgısız qaiǧyly azaptan özın-özı soqyr qylyp jazalau arqyly, ūzamai jetken ölım arqyly arylady. Jaza ony lastan tazartardai qabyldaidy.
Şejıre türkı halyqtarynyŋ bärınde bar. Qaraqalpaq aqyny Berdaq Qarǧabaiūly:
Köriŋler halyqtyŋ şejiresın,
Esit şejirenıŋ mänisin,
Bärşenıŋ ata-babasyn,
Aityp baian qylǧan eken:
Änes, Mälik ekki kisi,
Paiǧambardyŋ sahabasy,
Änes – qazaqtyŋ babasy,
Şundyn «alaş» bolǧan eken.
Mäliktıŋ ūǧly – Razyhaq,
Iаşlyǧynda qoidy ǧūlpaq,
kigen eken qara qalpaq,
Şundyn «qalpaq» bolǧan eken.
Sahra halqy köşip gezbek,
Käntli jerden uatan düzbek,
Qalpaqtyŋ ūǧlydür özbek,
Özbek jekke bolǧan eken.
1827 jyly tuǧan Berdaq Abaidan 22 jasqa ülken. Myna öleŋ joldarynda Berdaq qazaq, qaraqalpaq, özbek – üş halyqtyŋ şyqqan tegı bır ekenın äigılep tūr. Tübın qazsa, «Özbek – öz aǧam» degen söz ras. Qazaqqa başqūrt pen noǧaidyŋ basqalardan ǧörı jaqyndyǧy taǧy aian. Eşbır dälel, aiǧaqsyz, änşeiın osy ekı halyqtyŋ qalyŋ ortasyna tap bolsaŋyz, qazaqtan eş aiyrma körmeisız.
Vladych v Seiilhane, baba Ersary!
Ty slaven moguşestvom s drevnei pory,
Deianiia tvoi spravedlivy, mudry:
Za bednyh vstaval ty stenoiu, byvalo.
Būl – Seidi, türkmen klassik aqyny, ata-baba aruaǧyn asyra söileu keŋ dalanyŋ ūldaryna etene tän mınez. Özınıŋ ersary ruynan şyqqanyn aqyn maqtan qylyp, jyrǧa qosady.
Vse teke, salyry, ersary pridut,
Budut vse saryki – ves turkmenskii liud.
Vse, kogo turkmenskim liudom ni zovut,
Vse verhom priskachut, vse pridut, naverno.
(Orysşaǧa audarǧan S.İvanov).
Seididıŋ būl jyrynda türkmennıŋ söiler tılı – Maqtymqūlynyŋ ruy köklen atalmaǧanmen, üş-tört ru bar. Qazaq – ru attaryn süiıp aitatyn halyq, sol dästürge türkmender de berık. Evraziialyq jad.
Qazaq ru taipalarynyŋ ataulary köbınese taŋba nemese adam öŋındegı nyşan ataularynan şyǧady: şapyraşty, qaŋly, şanyşqyly, sırgelı, oşaqty, ysty, oiyq, tılık, üştaŋbaly, tutaŋbaly, qaişyly, qanjyǧaly, tobyqty, joǧary şektı, tömen şektı, baǧanaly, baltaly, ergenektı, terıstaŋbaly, köldeneŋ, qaraqas, şeruşı, şimoiyn, aşamaily kerei, taraqty, şektı, baibaqty, oŋtaŋbaly tabyn, terıs taŋbaly tabyn, qaraqoily, jaǧalbaily. Jer ataulary da osylaişa qoiylady: Jylandy, Būǧyly, Qūlandy, Būlandy, Terektı, Qaiyŋdy, Şielı, Baqaly, Almaly, Tekelı, Qūlyndy bolyp köktegı tyrnalardai tızılıp kete beredı.
Şejıre – tektanu. Al filosofiiada «Özıŋdı özıŋ tany» – ömırdıŋ mänıne jaqyn ūǧym. Şyqqan tektıŋ ūrpaqtyŋ ömır süru saltyna ärı taǧdyryna üstemdıgı zor. Qazaqtyŋ «Jaqsydan jaman tusa da, Jamannan jaqsy tusa da, Tartpai ketpes negızge» deuı sony tereŋ bılgendıkten.
Aqseleu aǧa qazaq jappai tekten jaŋylady-au degen sūmdyq sürei oidan sanany araşalaidy. Onyŋ tek turaly tanymdyq kıtabyna tıptı oqymai-aq bır közı tüsken isı qazaq balasy qazyǧyn ainalǧan atqa ūqsap, namysy oianyp, dür sılkınıp şyǧa kelerı anyq. Ol endı qazaqtyǧynan ainymaityn örelı, sanaly azamatqa ainalady.
Sondyqtan būl kıtap – taŋǧajaiyp baǧbannyŋ käusarly baǧynan aumaidy.
«Iliias Esenberlin «Jantalasta» jyraular äŋgımesı türınde qanşama naqtyly tarihi aŋyzdardy syiystyrǧan, būl kezge deiın auyzşa taralyp kelgen, şyndyǧy, qiialy aralas şejırenıŋ oraiyn tauyp ornalastyrǧan», – dep jazady akademik Rahmanqūl Berdıbai. «Köşpendıler» tarihi roman-trilogiiasymen qazaqtyŋ ruhy jaŋǧyrǧany aian.
Şejırege halyq ru-ruymen enedı. «Aǧaiyn bır ölıde, bır tırıde» deidı qazaq. Şejırelık saryndy bolsyn, jaqsy men jaman aiyrmasyn jyraular tegıs jyrlap ötken.
Jaǧaǧa dūspan qoly timeske,
Artyŋda tuysqannyŋ köbı igı.
Künderdıŋ künı bolǧanda,
Qyrǧa şyqpas jamannyŋ
Barynan da joǧy igı!
Şalkiız jyraudyŋ būl öleŋı qazaqtyŋ ūlttyq sanasynda berık qalyptasqan aksioma: «Aǧaiyndy jıgıttıŋ kereqarys jaly bar, jalǧyz basty jıgıttıŋ şyǧar-şyqpas jany bar» degenınen alşaq tüspeidı. Al Äbubäkır Divaev jinaǧan qazaq maqal-mätelınde: «Üiı jyrtyqty tamşy jeidı, / Aǧaiyny az qamşy jeidı», «Jalǧyzdyŋ ünı şyqpas, / Jaiaudyŋ şaŋy şyqpas». Taǧy sol Divaevta: «Köşken jūrttyŋ qadırı qonǧanda öter».
Būdan qazaq şejıresınıŋ folklorlyq janr, asyl mūra ekenın äbden ūǧuǧa bolady.
«Tös aiyldyŋ batqanyn iesı bılmes, at bıler, / Aǧaiynnyŋ qadırın jaqyny bılmes, jat bıler».
Dospambet jyrau:
Jaǧdaisyz, jaman qalyp baramyn
Janymda bır tuǧannyŋ joǧynan!…
Aqtanberdı jyraudyŋ nelıkten «Qūlym bır ūldai kiınse» dep adamşylyqty därıptegenı jalǧyzdyqty kemıstık körgenınen anyq sezıledı:
Jaǧama qoldyŋ tigenın,
Jalǧyzdyq, senen köremın.
Jamauly kiım kigenım,
Jarlylyq, senen köremın.
Atadan tudym jalqy bop,
Jaqynnan kördım talqy köp.
Al Aqseleu Seidımbektıŋ babasy taraqty Baiǧozy batyrdyŋ mälımetı kerei Qojabergen jyrauda bar:
Taraqty er Baiǧozy qoldyŋ basy,
Jiyrmanyŋ altauyna kelgen jasy.
Būl-daǧy kışı jüzge küieu eken,
Erlıgın kördı eldıŋ kärı-jasy.
Baiǧozy qolma-qolda eken küştı,
Er bolyp, jeke şyǧyp, közge tüstı.
Atysqa ǧadettengen qalmaqtardyŋ,
Betpe-bet kezdeskende zäresı ūşty.
Şejırelık derekter arqyly tūtas bır rudyŋ atyna ainalǧan atalardyŋ tarihyn bılemız. Ony qara öleŋ soŋyna, ūrpaqtap jadyna ūmytylmastai qaldyryp otyrdy.
Adamqoja er jetıp,
Özı jönın bılgesın,
At jalyn tartyp mıngesın,
Älım menen Şömenge
Bır sebepten ökpelep,
Basqa saldy ırgesın.
Sonysyna halyq at qoiǧan,
Osy jūrtqa «Kete» dep.
Ruly el – ūialy terek bolsa, onyŋ būtaqtary taramdanyp, ūşqan qūsşa qanatyn keŋ jaiyp öspei me! Syr süleiı Nūrtuǧan Kenjeǧūlūly kışı jüzde Qarakesekten taraityn kete ruy osylai atalu sebebın tüsındıredı. Al Aqseleu Seidımbek «Qazaqtyŋ auyzşa tarihynda» qarakesek atasynyŋ orta jüz arǧynda da, kışı jüz älımde de bar ekenın jazady.
Ru attary qazaq halqynda än men jyrǧa qosyldy. «Änıme men salaiyn «Tıleu-Qabaq», «Sūrasaŋ ruymdy Qarakesek», «Tegımdı menıŋ sūrasaŋ, / Qalyŋ naiman nuynan», än-jyrdy qoiyp, küi atauy «Adai» bolyp şalqidy. Dulat Babataiūly, Qūrmanǧazy, Mädi Bapiūly – qazaqtyqtyŋ qyran qanat ūly ruhynan jaralǧan kıleŋ tektıler. Rulyq jüie qazaqty jüzjyldyqtar auysqan saiyn saqtap keldı. Qan arqyly tuystyq, bauyrmaldyq ideiasy, bır atadan tarau ūltty ūiystyrdy.
Jetısudyŋ marqasqasy Süiınbai aqyn qyrǧyzdyŋ Qataǧan aqynymen aitysyp, qazaǧyn aibar qylyp tügendep beruı, söitıp qarsylasyna myqtap ses körsetuı Abaidyŋ «Qalyŋ elım, qazaǧym, qairan jūrtym» degen asqan perzenttık mahabbatymen ündes. «Kökte – qūdai, jerde – türkı» dep äuelden el atyn sanasynda ükılegen halyqtyŋ ūrpaǧy osylai söileuge qaqyly.
Tegınen tanbaityn asyl ǧūryp tehnogendık ǧasyrda halqymyzdy syrt faktorlardan saqtauşy jasampaz küş bolyp qalaryna senemız. Oǧan sendıretın ruhani älem qazaqta küştı.
«Qazaqtyŋ auyzşa tarihy» atty kıtaptyŋ qūndy häm qasiettı jügı älı talai zertteulerge, şyǧarmalarǧa astar bolaryna dau joq.
Aigül Kemelbaeva,
jazuşy, kinodramaturg