Premer-ministr Asqar Mamin eldıŋ äleumettık-ekonomikalyq damuy boiynşa ministrlıkter men äkımdıkterge tapsyrmalar berdı. Onyŋ aituynşa, 6 negızgı körsetkış boiynşa 9 öŋırde ösım baiqalyp otyr.
Olar – Aqmola, Aqtöbe, Atyrau, Şyǧys Qazaqstan, Qostanai, Maŋǧystau, Pavlodar, Türkıstan oblystary men Almaty qalasy. 5 körsetkış boiynşa ekı öŋırdıŋ serpını jaqsy. Būl – Qyzylorda men Soltüstık Qazaqstan oblystary. Al Qaraǧandy, Batys Qazaqstan oblystarynyŋ körsetkışterı eŋ tömen.
«Jalpy azyq-tülık infliasiiasynyŋ ösuın tejei aldyq. Osy baǧytta belsendı jūmysty jalǧastyru qajet. Ministrlıkter men äkımdıkterge otandyq öndırıstı barynşa qoldaudy, investisiialar tartudy, eksportty damytu, halyqtyŋ jūmyspen qamtyluyn saqtaudy jäne tūraqty jūmys oryndaryn qūrudy tapsyramyn. Biudjet qarajatyn uaqytyly igeru boiynşa da şara qabyldaŋyzdar» dedı Asqar Mamin.
Elımızdıŋ ekonomikasy senımdı ösu qarqynyn jalǧastyruda. 10 aidyŋ qorytyndysy boiynşa jalpy ışkı önımnıŋ ösuı 3,5 paiyzǧa deiın jedeldedı. Naqty sektorda öndırıstıŋ ornyqty ösu qarqyny baiqalyp otyr.
«Mäselen, öŋdeu önerkäsıbınıŋ öndırıs kölemı 5,3 paiyzǧa östı. Onyŋ ışınde maşina jasauda 19,5 paiyzǧa, sonyŋ ışınde avtomobil jasauda 23,4, lokomotivter men vagondar öndırısınde 59, qūrylys materialdarynda 9,3, farmasevtikada 33,6, plastmassa būiymdarynyŋ öndırısınde 36,5, kiım öndırısınde 11,4 paiyzǧa, jihaz öndırısınde 11,8, daiyn metall būiymdar öndırısınde 16,4 paiyzǧa ösım baiqalyp otyr» dedı Ükımet basşysy.
Karantindık şaralardy kezeŋ-kezeŋımen jeŋıldetudıŋ arqasynda qyzmet körsetu sektoryndaǧy ıskerlık belsendılık 3,4 paiyzǧa deiın qalpyna kelgen, būl bailanys qyzmetterı men sauda qarqynynyŋ joǧary boluyna bailanysty.
«İnvestisiialardyŋ ösu qarqyny bırtındep qalpyna kelude – ösım 2,5 paiyzǧa, al tau-ken öndırudı eseptemegende 14 paiyz ösıp otyr. Negızgı kapitalǧa investisiialardyŋ joǧary ösımı qūrylysta, öŋdeu önerkäsıbınde, auyl şaruaşylyǧynda, saudada, jyljymaityn mülıkpen operasiialarda, qarjy qyzmetınde baiqalyp otyr. Qaŋtar-qazan ailarynyŋ qorytyndysy boiynşa Almaty, Jambyl oblystary men Nūr-Sūltan jäne Şymkent qalalarynda barlyq negızgı makrokörsetkışter ösken» dep atap öttı A.Mamin.
