Astana qalalyq mäslihatynyŋ deputattary Qazaqstan Prezidentınıŋ Parlamenttıŋ qos palatasynyŋ bırıkken otyrysynda ūsynǧan bes äleumettık bastamasyn zor quanyşpen qabyldady.
Baspanany qalai aluǧa bolady, oǧan jeŋıldıkpen qol jetkızudıŋ joly bar ma? Elorda tūrǧyndary men bas şaharǧa köşıp kelgen adamdar köteretın mäselelerdıŋ bırı osy turaly bolyp otyr. Astanada jyl saiyn bır million şarşy metrden astam tūrǧyn üi nemese 18 myŋǧa juyq päter tapsyrylyp jatsa da, būdan tys eskı, apatty tūrǧyn üilerdı ysyru qanatqaqty jobasy jüzege asyp jatsa da, baspanaǧa ie bolu mäselesı özektılıgın joimai tūr. Oǧan jauap tabyldy dep oilaimyn. Memleket basşysy öz ündeuınde bes bastamasynyŋ bırın aityp: «Nesie ösımınıŋ mölşerlemesı qazırgıdei 14-16 emes, jylyna 7 prosentten aspaityn bolady. Nesie aluşynyŋ ai saiynǧy tölemın azaitu üşın onyŋ merzımı 10-15 emes, 25 jylǧa deiın bolady» dedı. Būl bastamany baspanaǧa zar bolyp jürgen är adam quana qabyldaitynyna senımdımız.
Astanaǧa gaz tartu turaly Elbasy bırneşe märte aitty, bügıngı ündeuınde de bes bastamanyŋ bırı retınde astyn syzyp tūryp atap körsettı. Astanalyq deputattar da qalaǧa gaz tartu ısı bügıngı künnıŋ eŋ basty da maŋyzdy, qala tūrǧyndaryn tolǧandyratyn mäsele dep sanaidy. Soŋǧy uaqyttarda jeke sektorda jaǧylatyn peş pen qaladaǧy JEO qaldyqtary saldarynan şahar tütınnıŋ qūrsauynda qalyp jür. Jergılıktı atqaruşy organdar būdan arylu üşın alǧaşqy qadamdy jasady. Auany lastaityn qaldyqtardy azaitu maqsatynda investordy tartyp, jeke sektor men avtonomdy qazandyqtardy balamaly otynǧa (gaz) köşırudı bastady. «Tūran» atty tabiǧi gaz stansasynyŋ qūrylysy aiaqtalyp, sūiytylǧan gaz alǧaşqy tūtynuşy «Nazarbaev Universitet» DBBŪ-ǧa berılude. Būl jüiege Qazaqstan Respublikasy Ǧaryş ortalyǧy men Qazaqstan Respublikasy Qorǧanys ministrlıgı akademiiasyn qosu jūmystary jalǧasuda. Astanany gazdandyru jalpy alǧanda qaladaǧy ekologiialyq jaǧdaidy şeşuge järdemdesedı.
Bız, astanalyq mäslihat deputattary, Elbasynyŋ jalaqysy tömen qazaqstandyqtardy qoldau üşın 2019 jyldyŋ 1 qaŋtarynan bastap olardyŋ salyq jüktemesın 10 esege azaityp, 1 prosent qana salyq salu ūsynysyn qoldaimyz. «Nätijesınde, elımızdegı barşa jaldamaly jūmyskerlerdıŋ kemınde üşten bırınıŋ, būl 2 millionnan astam adam, jalaqysy jūmys beruşıge salmaq salmai-aq köbeietın bolady» dep atap öttı Prezident.
Nūrsūltan Äbışūly Nazarbaev kürdelı kezeŋde memleket halqyn qoldauǧa daiyn ekendıgın taǧy atap öttı. Är memlekettık organ, är ūiym Elbasy aldymyzǧa qoiǧan mındetterdıŋ oryndaluyna atsalysyp, Elbasy bızden kütken oŋ nätijelerge qol jetkızuge tiıspız.
Janat NŪRPEIISOV,
Astana qalalyq
mäslihatynyŋ hatşysy
