Astana qalasy mäslihatynyŋ kezektı sessiiasynda qala äkımınıŋ orynbasary Andrei Lukin mäslihattyŋ 2015 jylǧy 11 jeltoqsandaǧy «Astana qalasynyŋ 2016-2018 jyldarǧa arnalǧan biudjetı turaly» şeşımıne özgerıster men tolyqtyru engızu turaly ūsynys jasady.
Qala äkımınıŋ orynbasary A.Lukin elordanyŋ ekonomikalyq jäne äleumettık damuynyŋ negızgı körsetkışterınıŋ damuyna bailanysty qala biudjetın qosymşa 12 mlrd 223 mln teŋgege ūlǧaitudy ūsyndy. Būl qarajat elımızdıŋ bas qalasyn damytuǧa baǧyttalǧan mındetterdı jüzege asyruǧa jūmsalyp, qarjy operatorlary bolyp tabylatyn basqarmalarǧa bölınetının aitty.
Qarjynyŋ kelesı bır bölıgı Esıl özenınıŋ jaǧalauyn abattandyruǧa, bırqatar äleumettık maŋyzy bar ǧimarattardy kürdelı jöndeuge jūmsalmaq. Qalanyŋ kölık infraqūrylymdaryn damytuǧa, joldardy jöndeuge jäne äleumettık maŋyzy bar baǧyttardy subsidiialauǧa da biudjetten qarjy bölınbek. Qosymşa bölınetın qarajattyŋ kelesı bır bölıgı – jeke ielıkterdegı jer telımderın memleket qajettılıgıne alu üşın qarastyrylyp otyr.
Qarjy bölınetın būdan basqa da salalardy saralai kele baiandamaşy Andrei Lukin atalǧan özgerısterdı qamtyǧanda 2016 jylǧy Astana biudjetı 352 mlrd 776 mln teŋgenı qūraitynyn aitty.
Sessiianyŋ kün tärtıbıne qarai Jolauşylar kölıgı basqarmasynyŋ basşysy Edıl Süleimenov Astana qalasy mäslihatynyŋ 2012 jyldyŋ 6 mausymdaǧy «Astana qalasynyŋ äleumettık maŋyzdy baǧyttarynyŋ tızbesın bekıtu turaly» şeşımıne özgerıster men tolyqtyrular engızu turaly mäselenı deputattar talqysyna saldy. Sonymen qatar, basqarma basşysy astanalyq jäne qala maŋy baǧdarlaryna jolauşylar men jüktı avtomobil kölıgımen tūraqty tasymaldau tarifterın kelısu turaly baiandady.
Osy sessiianyŋ jūmysy barysynda Astana qalasynda jer uchaskelerın beru jönındegı komissiianyŋ qūramy bekıtıldı.
Sessiia jūmysynyŋ soŋynda kün tärtıbıne qoiylǧan şeşımderdı negızge ala otyryp, mäslihat deputattary qoldaityndaryn bıldırıp, dauys berdı.
Aigül UAISOVA
