Amerikalyq boksşy Mūhammed Äli 3 mausym künı ömırınıŋ 74 jasynda dünieden ozdy. Onyŋ densaulyǧynyŋ kürt tömendeuıne 1984 jyly şaldyqqan Parkinson auruy sebep bolǧan.
Mūhammed Äli özınıŋ 20 jylǧa juyq sporttyq mansabynda 56 märte jeŋıske jetken. Ata-anasyna qarjylai kömek beru maqsatynda sportşy ring alaŋyna 12 jasynda kelgen. 1960 jyly Rimde ötken olimpiadada chempion atanǧannan keiın Äli amerikalyqtardyŋ kumirıne ainaldy.
Onyŋ balalyq şaǧy Amerikadaǧy näsıldık bölınuşılık kezeŋıne para-par kelgen. «Men är jeksenbı saiyn anammen bırge şırkeuge baratynmyn. Ainalama qarap barlyǧyn qyzyqtaitynmyn. Sonda menı taŋqaldyrǧany nelıkten jaqsynyŋ barlyǧy aq tüstı, al jamandyq qara tüstı?! Nege İisus aqqūba kelgen kök közdı jıgıt?! 1960 jyly Olimpiadany jeŋgennen keiın Amerikadaǧy qara näsıldılerge tamaqtanuǧa rūqsat etılmegen dämhanalardyŋ bırıne bardym. Moinymda medalım, boiymda ataǧym bar, olardy oryndaryna qoiamyn degen senımmen kırıp jaiǧastym. Alaida, daiaşy maǧan būl jerde otyruǧa bolmaitynyn aitty. Men özımnıŋ kedei emes ekenımdı aitqanymnan tük şyqpady. Qara näsıldılerdı kırgızbeimız dep şyǧaryp jıberdı. Jan düniemde bolǧan alasapyrannan moinymdaǧy medaldı özenge tastap jıberdım» deidı ol özınıŋ bır estelıgınde. Keiın Mūhammed Äli 1965 jyly islam dının qabyldaǧan.
Ǧaziza TOQTARBEKOVA,
L.Gumilev atyndaǧy Euraziia ūlttyq universitetınıŋ
2-kurs studentı
