Jahandy jailaǧan ındettıŋ betın ekınşı ret qaitardyq. Alaida aldyŋǧy karantinnen sabaq alyp, barlyq sanitarlyq-profilaktikalyq normalardy qataŋ saqtau ǧana infeksiia jūqtyrudyŋ qaita öspeuıne kömektesetının eskeruımız kerek. Därıgerler karantindı bırtındep alyp tastau bosaŋsuǧa sebep bolmauy tiıs deidı. Sondyqtan toilar men köpşılıktık ıs-şaralardy ötkızuge älı de tyiym salynady.
Elordanyŋ Qoǧamdyq densaulyq saqtau basqarmasynyŋ basşysy Timur Mūratov künı keşe ötken «Medisinalyq ūiymdar qyzmetınıŋ qaita ıske qosyluy jäne emdelıp şyqqandardy oŋaltu şaralary» atty brifingte densaulyǧymyzǧa mūqiiat bolyp, ortaq jauapkerşılıktı sezınuge, tiıstı sanitarlyq-profilaktikalyq normalardy saqtau infeksiianyŋ taraluyn boldyrmauǧa mümkındık beretının este saqtauǧa şaqyrdy.
– Qazırgı taŋda KVİ men pnevmoniiadan zardap şekkenderdı oŋaltudyŋ üşınşı kezeŋı jürude. Nauqastar jattyǧu terapiiasy, massaj, fizioterapiia siiaqty qalpyna keltıru kömegınıŋ kölemı men ūzaqtyǧyn anyqtaityn reabilitolog-därıgerdıŋ keŋesın alady. Bügınde ambulatoriialyq deŋgeide medisinalyq oŋaltu, aqparattyq-kommunikasiialyq tehnologiialar kömegımen qaşyqtan medisinalyq qyzmetterdı ūsynu üşın normativtık qūqyqtyq aktıler men emdeu hattamalary jasaluda. Nauqastarǧa arnalǧan nūsqaulyq jäne medisinalyq qyzmetkerlerge tynys aludy qalpyna keltıru boiynşa nūsqaulyqtar jasalyp, bekıtıldı, – deidı ol.
Emhanalar jūmysy jandandy
Elordanyŋ barlyq emhanalary aldyn ala jazylu boiynşa josparly türde qabyldau jürgızudı bastady. Därıgerler eresekter men balalarǧa profilaktikalyq tekseru jürgızude. Sonyŋ ışınde skrining, josparly stomatologiialyq qyzmetter, oŋaltu qyzmetterı, medisinalyq-äleumettık qoldau, medisinalyq-äleumettık saraptamaǧa medisinalyq qūjattardy resımdeu, psihologiialyq kömek, kündızgı stasionarlardyŋ jūmysy, täulıktık jäne kündızgı stasionarlarǧa josparly emdeuge jatqyzuǧa jıberu qyzmetterı bar. Is-şaralardy jürgızu barysynda küşeitılgen sanitarlyq-epidemiologiialyq normalar qataŋ saqtalady. Emhanalar taŋerteŋ saǧat 08:00-den 17:00-ge deiın jūmys ısteidı. Sondai-aq koronavirus infeksiiasynyŋ belgılerı bar adamdardy qabyldaityn filtr-kabinet jūmysy jalǧasuda. Qazırgı uaqytta qalada täulıgıne 5,5 myŋ zertteu quaty bar 9 PTR-zerthana jūmys ıstep tūr. Olarda barlyǧy 305 myŋnan astam zertteu jürgızıldı.
– Äkımdık medisina mekemelerıne 600-den astam floumetr, 500 ottegı konsentratory, 500 arnaiy kereuet, ökpenı jasandy jeldetu qūraldary jäne kompiuterlık tomografiia apparattaryn jetkızdı. Şılde aiynda ekı apta ışınde qalaǧa pnevmoniia, koronavirus jäne basqa da aurulardy emdeude qajet 110 tonnadan astam därı-därmek jetkızıldı. Būl jūmystardy äkımdık tūraqty negızde jürgızedı, – dedı basqarma basşysy.
Pnevmoniianyŋ betı qaitty
Elordada koronavirus pen pnevmoniianyŋ tömendeuıne bailanysty nauqastardy emdeitın stasionarlar bosatyluda. Auruhanaǧa jatqyzylǧandardyŋ sany bır jarym aida 10 ese azaidy. Bügınde Nūr-Sūltan qalasynyŋ stasionarynda koronavirus pen pnevmoniiadan 343 adam emdelude.
KVİ anyqtalǧan jüktı, bosanatyn jäne bosanǧan äielderge uaqytyly medisinalyq kömek körsetu üşın 18 mausymnan bastap 185 tösekke arnalǧan №1 KQA-da akuşerlık blogy jūmys ısteidı. Biyl 5 şıldeden bastap auruhanaǧa jatqyzylǧan nauqastardyŋ sany 4 myŋnan 343 adamǧa nemese 10 ese azaidy. Tiısınşe tösek qorynyŋ jüktemesı 99 paiyzdan 17,2 paiyzǧa deiın kemıdı. Stasionarlardaǧy KVİ rastalyp, auruhanaǧa jatqyzylǧan nauqastar sany 2000-nan 137-ge deiın nemese 14 esege, pnevmoniiamen auyrǧandar 1333-ten 198-ge deiın nemese 7 ese tömendedı.
Pandemiianyŋ örşuı basylǧanyna bailanysty KVİ-men küresuge jūmyldyrylǧan densaulyq saqtau obektılerınıŋ sany qysqaruda. Osylaişa, negızgı qyzmetın qaita bastaǧan 6 densaulyq saqtau nysany kezeŋ-kezeŋımen jabyldy. Epidemiologiialyq jaǧdai asqynǧan jaǧdaida, olardyŋ jūmysy jedel qalpyna keltırıledı. Qazırgı uaqytta 10 stasionar ıske qosylǧan.
