Qazaqstan Prezidentı Qasym-Jomart Toqaev Almaty qalasynda ötken Qazaqstan halqynyŋ bırlıgı künıne arnalǧan saltanatty ıs-şaraǧa qatysty.
Memleket basşysy jiynǧa qatysuşylar aldynda söilegen sözınde bügıngı merekenıŋ elımızdegı barlyq halyq pen ūlt ökılderın bırıktıretının aitty.
– Elbasy Qazaqstan halqy Assambleiasynda söilegen sözınde Qazaqstandaǧy ūltaralyq kelısımnıŋ maŋyzy zor ekenın atap öttı. Nūrsūltan Nazarbaevtyŋ qajyrly eŋbegınıŋ arqasynda Qazaqstan bügınde köptegen ūlt ökılderınıŋ kielı şaŋyraǧyna ainaldy, – dedı Prezident.
Qazaqstan Prezidentı köp etnosty, köp konfessiialy elımızdıŋ keleşegı turaly türlı terıs boljamdar aitylǧanyna qaramastan, Elbasynyŋ ortaq Otanymyzda beibıtşılık pen kelısımdı saqtai bılgenın aitty.
Memleket basşysy Almatynyŋ Qazaqstan tarihyndaǧy maŋyzdy rölıne nazar audaryp, osy qalada memleketımızdıŋ täuelsızdıgı jariialanǧanyna toqtaldy.
Qazaqstan Prezidentı ärtürlı etnikalyq top ökılderınıŋ özara syilastyǧynyŋ, auyzbırşılıgı men jasampaz eŋbegınıŋ arqasynda täuelsızdıgımızdı nyǧaityp, ekonomikada tabystarǧa jetkenımızdı atap öttı.
– Bügınde ärbır qazaqstandyq qai etnikalyq topqa jatatynyna qaramastan özderın bırtūtas ülken otbasynyŋ müşesı sezınedı. Bırlık pen kelısım – halqymyzdyŋ qiyn-qystau jyldarda da saqtai bılgen qūndylyqtary. «Äraluandyqtan bırlıkke» – bızdıŋ saiasatymyzdyŋ mänı. Bärımız bırge özımızdıŋ eŋbeksüigıştıgımızben, tabandylyǧymyzben ǧana quatty ärı damyǧan memleket qūra alamyz, – dedı Qasym-Jomart Toqaev.
Memleket basşysy jiynǧa qatysuşylardyŋ bärın Qazaqstan halqynyŋ bırlıgı künımen qūttyqtap, baqyt, amandyq jäne jaŋa tabystar tıledı.
