Keşeden berı Būqaralyq aqparat qūraldary qyzmetkerlerı künıne orai jurnalist qauymyn qūttyqtauşylar qatary tolastar emes. Qalam men mikrofon ūstaǧan märtebelı mamandyq ielerın käsıbi merekelerımen Nūr-Sūltan qalasynyŋ äkımı Altai Kölgınov te qūttyqtady.
Memleket basşysy Q.Toqaevtyŋ Alǧys hatyn bır top jurnaliske tapsyrǧan soŋ, elorda basşysynyŋ merekelık tılegın Nūr-Sūltan qalasy äkımınıŋ orynbasary Mälika Bektūrova jetkızdı. «Sızder elordamyzdyŋ qoǧamdyq-saiasi jäne äleumettık-ekonomikalyq damuyn jan-jaqty aqparattyq tūrǧyda jariialap, tūrǧyndar nazaryna jetkızuge erekşe üles qosyp kelesızder. Aldaǧy uaqytta da el ömırındegı maŋyzdy jaŋalyqtardy jariialap, şynaiy aqparat jazatyn qalamdaryŋyz qarymdy bola bersın» delıngen qala äkımınıŋ qūttyqtau sözınde.
Şyn mänınde, jurnalist – talant pen bılımdı, aşyqtyq pen adaldyqty talap etetın erekşe mamandyqtyŋ iesı. Sondyqtan da būqaralyq aqparat qūraldary qyzmetkerlerı qoǧam men bilıktıŋ arasyndaǧy san qyrly bailanystyŋ, yntymaqtastyqtyŋ dänekerı bolyp tabylady.
Jurnalister merekesıne arnalǧan şarada «Elorda Aqparat» kompaniiasy qūramyndaǧy «Astana aqşamy», «Vecherniaia Astana» gazetterı men «Elorda İnfo» saitynyŋ basşylary men ūjymdaryna da marapat jasaldy.
Töl merekemız qūtty bolsyn, ärıptester!
