Nūr-Sūltan qalasy äkımınıŋ orynbasary Ashat Oralovtyŋ töraǧalyǧymen bılım beru ūiymdaryndaǧy qauıpsızdık şaralary, sanitarlyq normalardyŋ saqtaluy jäne COVID-19-dyŋ aldyn alu jäne onyŋ taraluyna jol bermeu maqsatynda onlain-kezdesu öttı.
Jiyn barysynda tehnikalyq jäne käsıptık bılım beru ūiymdarynyŋ basşylarymen ǧimarattarda jäne oǧan jaqyn aumaqtarda sanitarlyq qauıpsızdıktı qamtamasyz etu, ışkı jäne syrtqy beinebaqylau jüielerın tolyǧymen Polisiia departamentınıŋ jedel basqaru ortalyǧyna qosu jäne COVID-19-dyŋ aldyn alu ärı onyŋ taraluyna jol bermeu maqsatynda kündelıktı sanitarlyq-profilaktikalyq şaralardy küşeitu mäselelerı talqylandy.
Nūr-Sūltan qalasy äkımınıŋ orynbasary Ashat Oralov bılım beru ūiymdarynda qauıpsızdıktı qamtamasyz etu jäne koronavirustyq infeksiianyŋ taraluyn boldyrmau üşın sanitarlyq-epidemiologiialyq talaptardyŋ saqtaluy basty mındet ekenın airyqşa atap öttı.
«Ūjymdyq immunitettı qalyptastyru öte maŋyzdy. Qazırgı uaqytta qala tūrǧyndarynyŋ 68 paiyzdan astamy KVİ-ǧa qarsy vaksinanyŋ bırınşı komponentın aldy. Tolyq immundaudan 405 myŋ azamat öttı. Bügınde elordada vaksinasiia punktterı 36 medisinalyq mekemede, 5 sauda ortalyǧy men temırjol vokzaldarynda jäne Nūrsūltan Nazarbaev halyqaralyq äuejaiynda ūiymdastyrylǧan. Būl şaralardyŋ bärı halyqqa ekpe aluǧa yŋǧaily bolu üşın qabyldanyp jatyr» dedı A.Oralov.
Jiyn barysynda bılım beru ūiymdaryndaǧy Ashyq qosymşasy talaptarynyŋ saqtaluy jäne qyzmetkerlerdıŋ vaksinalanu statusy, dezinfeksiialau rejimınıŋ oryndaluy, maska rejimı jäne äleumettık qaşyqtyqtyŋ saqtaluyn qamtamasyz etu jaiy talqylandy. Sol siiaqty oqu prosesınde studentterge koronavirustan qorǧau jüielerı, iaǧni termometrlerdı, reserkuliatorlardy, sanitaizerlerdı jäne jeke qorǧanys qūraldaryn qoldanudyŋ maŋyzdy ekenıne nazar audartu, jataqhanalarda epidemiiaǧa qarsy şaralar keşenın tūraqty jürgızu, tūrǧyn jailardy ünemı jeldetu, jataqhanalarda tūratyndardyŋ bailanysyn barynşa azaitu mäselelerı talqylandy. Osyǧan bailanysty bılım beru ūiymdarynyŋ äkımşılıgıne qauıpsızdıktı qamtamasyz etu jäne infeksiianyŋ taraluyn boldyrmau şaralaryn küşeitu tapsyryldy. Tiıstı tekserulerdı qalalyq sanitarlyq-epidemiologiialyq qyzmetter ärı qarai da jalǧastyrady.
