Sapar AHMETOV, «Nūr Otan» partiiasy Astana qalalyq filialy töraǧasynyŋ bırınşı orynbasary: TUFAN ELDI TYLETUDIN TIREGI

Biyl elımız eŋsesı biık elorda – Astananyŋ on alty jyldyq mereitoiyn atap ötedı. Būl – barşa qazaqstandyqtardyŋ köz quanyşy, ortaq merekesı. 1998 jyly atyn aidai älemge jariialaǧan jas qala qazırgı taŋda sänı men saltanaty jarasqan bas şaharǧa ainalyp otyr. Elımızdıŋ bügıngı künge deiıngı äleumettık-ekonomikalyq jäne saiasi reformalardy qarqyndy jürgızıp, bäsekelestıktıŋ biık belesterın baǧyndyruy araily Astananyŋ damuymen tyǧyz bailanysty.

Täuelsız Qazaqstan tarihynda Astananyŋ qalyptasuy erekşe maŋyzdy oryn alady. Astanany salu – Memleket basşysy Nūrsūltan Äbışūly Nazarbaevtyŋ erık-jıgerımen jäne saiasi köregendıgımen jüzege asyrylǧan teŋdessız joba. Ol – memlekettıŋ strategiialyq maqsattardy sättı jüzege asyruynyŋ, eldıŋ tūraqty damuynyŋ aiqyn körınısı.

Qazaqstan halqy on alty jyl kölemınde qūbatöbel eskı şahardyŋ tübegeilı qaita qūrylyp, jaŋa äkımşılık ortalyqtyŋ qalyptasqanyna, el egemendıgın aişyqtaityn auqymdy qūrylystardyŋ, mädeni-ruhani oryndardyŋ boi kötergenıne, tamyry tereŋ tarihi eskertkışterdıŋ, ataulardyŋ halyqpen qauyşqanyna kuä boldy. Älemdık ülgıdegı ärı ūlttyq naqyştaǧy arhitekturalyq nysandar Euraziia kındıgınde ornalasqan Qazaqstan Respublikasynyŋ älemge aşyqtyǧyn, beibıtşılık pen tatulyqty tu etken memleket ekendıgınen habar beredı. Qysqa merzım aralyǧynda qala qazırgı zamanǧy megapolis deŋgeiıne köterılıp, aimaqtaǧy özara yqpaldasu men yntymaqtastyqtyŋ ūiasyna ainaldy.

Aǧymdaǧy jyldyŋ elımız ben Astana tarihyndaǧy alatyn orny airyqşa. Öitkenı, Elbasy Joldauynan bastalǧan 2014 jyl «Qazaqstan-2050: beibıtşılık, ruhaniiat jäne kelısım mädenietı» taqyrybymen ötken Qazaqstan halqy assambleiasynyŋ HHI sessiiasy, VII Astana ekonomikalyq forumy, XII Euraziialyq media forumy syndy maŋyzdy ıs-şaralarmen tolyqty. Osy oraida, elımızdıŋ eŋsesın köterıp, ekonomikalyq äleuetın arttyratyn Euraziia ekonomikalyq odaǧynyŋ qūryluyn erekşe atap ötuımız qajet. Atalǧan Odaqty qūru turaly kelısımşartqa qol qoiu räsımınıŋ Qazaqstanda jäne Astana qalasynda ötkızıluı ūiymnyŋ memleketımız üşın strategiialyq maŋyzdylyǧynan habar beredı. Elbasy N.Ä. Nazarbaev 2011 jyly jariialanǧan «Euraziialyq odaq: ideiadan bolaşaqtyŋ tarihyna» atty maqalasynda: «Euraziialyq odaq – bügıngı kün men bolaşaqtyŋ kürdelı synaqtarymen ölşenetın megajoba. Ol qalyptasuy tarihtaǧy eŋ küştı jahandyq qarjy-ekonomikalyq daǧdarystar yqpalymen bastalǧan jaŋa älemdık arhitekturanyŋ organikalyq bölşegı boludyŋ barlyq mümkındıkterıne ie» dep, onyŋ keleşektegı kemel jetıstıkterıne senım artty. EEO qūru ideiasy «Nūr Otan» partiiasynyŋ basşylyǧy men partiialastar tarapynan qoldau tauyp, Astana qalasynda elımızdıŋ ekonomikalyq damu perspektivalaryn talqylauǧa arnalǧan kelelı kezdesuler ötkızıldı.

Elordanyŋ biık eŋsesı onyŋ ışkı damuymen bıte qainasyp jatyr. Öitkenı, ışkı damu men tūraqtylyq – syrtqy belsendılıktıŋ negızı. Astana qalasynyŋ äkımı,«Nūr Otan» partiiasy Astana qalalyq filialynyŋ töraǧasy İ.N. Tasmaǧambetovtıŋ jyl basyndaǧy qala tūrǧyndarymen kezdesuınde aitylǧandai, qalanyŋ ışkı öŋırlık önımı 2 trln 700 mlrd teŋgenı qūrap, memlekettık biudjetke 610 mlrd teŋge qarajat tüsken. Şaǧyn jäne orta käsıpkerlıkke körsetılgen qoldaudyŋ nätijesınde olardyŋ sany 55 myŋǧa jetıp, 1 trln 200 mlrd teŋgenıŋ önımı öndırıldı. Būl sala qalamyzda 190 myŋnan astam adamdy jūmyspen qamtyp otyr. Iаǧni, Astana – özın-özı tolyǧymen qamtamasyz etıp, halyqtyŋ ömır süruıne meilınşe qolaily jaǧdai jasaityn, eldıŋ ışkı äleuetın nyǧaituǧa üles qosatyn bıregei ortalyq ekendıgı sözsız.

2012 jyly 14 jeltoqsanda Elbasy ūsynǧan «Qazaqstan-2050» strategiiasy aibarly Astananyŋ damuyna tyŋ serpılıs berdı. Ol turaly qala künıne orai jariialanǧan «Astana – Qazaqstannyŋ ūly däuırı jäne strategiialyq vektory» atty maqalasynda Elbasy: «Bügınde elordany «Qazaqstan-2050» strategiiasynyŋ ömırge joldama alǧan jerı dep aituǧa tolyq negız bar. Osy jerde «inemen qūdyq qazǧandai» onyŋ tūjyrymdamalyq beinesı jasaldy» dep atap körsetken edı. Prezident Joldauy negızınde Astananyŋ 2050 jylǧa deiıngı damuynyŋ strategiialyq jospary daiyndalyp, ony jüzege asyru boiynşa tiıstı atqaruşy organdarǧa tapsyrmalar berıldı. Osy oraida Memleket basşysynyŋ tapsyrmasyn ıske asyrudaǧy tūǧyrly tıregı – «Nūr Otan» partiiasynyŋ Astana qalasynyŋ güldenuındegı ornyn aituymyz qajet.

2013 jyly 18 qazanda ötken «Nūr Otan» partiiasynyŋ kezekten tys XV sezınen keiın partiianyŋ Astana qalalyq filialy tyŋ serpılıspen jaŋa jūmys baǧytyna köştı. Aǧymdaǧy jyly «Nūr Otan» partiiasy Elbasy tapsyrmalaryn jüielı oryndau, halyqpen nätijelı jūmys jürgızu maqsatynda 12 partiialyq jobany ıske asyrudy qolǧa aldy. Onyŋ ışınde «Ardagerlerdı ardaqtaiyq!», «Kedergısız keleşek», «Partiianyŋ 50 jaŋa tūlǧasy» jobalary halyq arasynda keŋınen tanylyp ülgerdı. Bır ǧana «Ardagerlerdı ardaqtaiyq!» jobasy boiynşa qalamyzdaǧy 253 Ūly Otan soǧysy ardagerıne filialdyŋ bastauyş partiia ūiymdary bekıtılıp, olardyŋ tolyq äleumettık kartasy jasaldy.

Bügınde partiianyŋ Astana qalalyq filialynda 328 bastauyş partiia ūiymy, 27 partiialyq baqylau beketı, 26 qoǧamdyq qabyldau bölımı bar. Bedelı artyp, biıgı asqaqtap kele jatqan «Nūr Otan» partiiasy biyl partiia müşelerıne jaŋa ülgıdegı biletterdı tabystau jūmystaryn qarqyndy jürgızude. Osy baǧytta qalalyq bastauyş partiia ūiymdarynda müşeler tızımı qaita jaŋartylyp, olardyŋ sapalyq qūramyna köŋıl bölıne bastady. Qazırgı kezde Astana qalasy boiynşa partiia müşelerınıŋ sany 35198 adamǧa jettı.

Nūrotandyqtar qala damuynyŋ barlyq salasyna qatysa otyryp, «Qazaqstan-2050» strategiiasy memlekettık jäne partiialyq baǧdarlamalardy tiımdı jüzege asyryp keledı. Biyl partiia töraǧasynyŋ nūsqauyna säikes, «Qazaqstan. 2017 maqsattary. Ūlttyq ıs-qimyl jospary» atty sailaualdy tūǧyrnamasyn jüzege asyru boiynşa bilıktıŋ atqaruşy organdaryna partiialyq baqylaudy küşeitu jūmystary jalǧastyryldy. «Üdemelı industrialdy-innovasiialyq damu», «Balapan», «Aq būlaq», «100 mektep, 100 auruhana», «Tūrǧyn üi-kommunaldyq şaruaşylyǧyn jaŋǧyrtu», «Biznestıŋ jol kartasy – 2020» syndy äleumettık-ekonomikalyq baǧdarlamalar aiasynda qūrylys jūmystarynyŋ sapaly jäne uaqtyly jürgızıluı, bölıngen qarajattyŋ maqsatty jūmsaluy, jemqorlyq qareketterınıŋ aldyn alu mäselelerı filial janyndaǧy Partiialyq baqylau komissiiasy tarapynan ūdaiy baqylanyp keledı.

Bügınde «Nūr Otan» partiiasy qoǧamnyŋ bırden-bır qozǧauşy küşıne ainalyp ülgerdı. Partiia memlekettık organdardy äleumettık-saiasi maŋyzdy mäselelerdı talqylauǧa, qoǧamdyq ıs-şaralarǧa qatysuǧa, halyqpen tyǧyz bailanys ornatuǧa şaqyrady. Astananyŋ aişyqty ajary – onyŋ tūrǧyndary ekenın eskerer bolsaq, elordalyq partiia ūiymyna osy baǧytta ülken jauapkerşılık jüktelgen. Sebebı, Astana – ärtürlı ūlttar men ūlystardy, är sala mamandaryn, bılım alyp, jūmys ısteuge kelgen jastardy, şeteldık qonaqtardy bırıktıretın orta. Jalpy sany bır millionǧa jetıp qalǧan qala tūrǧyndarynyŋ basym köpşılıgı – elımızdıŋ şet aimaqtarynan kelgen azamattar. Olardy ortaq mūratqa jūmyldyru, Astananyŋ kündelıktı tynymsyz tırşılıgıne aralastyru, jalpy Astanaǧa tän dästür qalyptastyruda partiianyŋ alatyn orny ülken bolmaq. Būl baǧyttaǧy jūmystar qarqyndy jürgızılıp kele jatyr.

Astana – elımızdıŋ ainasy. Şet elderden, Qazaqstannyŋ tükpır-tükpırınen kelgen qonaqtar qala tūrǧyndaryna qarap oi tüiedı. Bügıngı astanalyq jaŋa qazaqstandyq patriotizmnıŋ, tärbienıŋ, tazalyqtyŋ ülgısın körsete bıluı qajet. Otanǧa, elge degen süiıspenşılık sezımı ärkımnıŋ öz qalasy men aulasynan bastalatynyna azamattar Astanaǧa kelgende köz jetkızuı kerek. Astanany qūrmettep, tek mereitoiynda ǧana emes, jyl on ekı aida tazalyqqa, süiıspenşılıkke böleitın bolsaq, onyŋ da tūrǧyndarǧa bererı mol bolmaq. Osyndai ortaq mındetke «Nūr Otan» partiiasy men Astana qalasynyŋ äkımdıgı ǧana emes, ardagerler, ziialy qauym ökılderı, jalpy qalalyq qauymdastyq üles qosuy qajet. Būl – tūrǧyndardyŋ Astanaǧa degen şeksız yqylasy, mereilı mereitoiyna degen syi-qūrmetı bolady. Astananyŋ on alty jyldyq damuy bolaşaqta qala aldynda tūrǧan qysqa jäne ūzaq merzımdı strategiialyq josparlardy jüzege asyrudyŋ ırgetasyn qalady. Atalmyş josparlardyŋ uaqtyly jäne sapaly oryndaluy är azamattyŋ ömır süru sapasyna äser etedı. Sondyqtan, bızdıŋ ortaq jauapkerşılıgımız, tuǧan qalaǧa degen ystyq yqylasymyz ǧana kün tärtıbınde tūrǧan mäselelerdı tez eŋseruge mümkındık beredı.

Biyl – «Nūr Otan» partiiasy men Astana qalasy üşın erekşe merzım. Öitkenı, Astana qalasynyŋ on alty jyldyq mereitoiy men «Nūr Otan» partiiasynyŋ on bes jyldyǧy tūspa-tūs kelıp otyr. Täuelsızdıktıŋ töl jemısı, qos tızgını – «Nūr Otan» partiiasy men elordamyz qatar aiaqqa tūryp, bırge örkendep, eldıŋ köşın örge qarai süirep kele jatyr. Partiia qūrylǧan uaqyttan bastap onyŋ müşesı atanǧan qūrylysşylar, mūǧalımder, därıgerler, ardagerler, är salanyŋ mamandary qalanyŋ ırgetasyn qalauǧa bır kısıdei atsalysty. Olar bügınde «Nūr Otan» partiiasynyŋ müşelerı retınde Astana qalasyndaǧy qoǧamdyq-saiasi ıs-şaralarǧa belsendı qatysyp, partiianyŋ baǧdarlamalyq maqsattaryn jüzege asyruǧa jäne qalany güldendıruge zor üles qosyp keledı.

«Nūr Otan» partiiasy Qazaqstannyŋ güldenuı men jetıstıkterınıŋ nyşany – Astanany damytu syndy strategiialyq maqsattaryn jüzege asyruda Memleket basşysy, partiia töraǧasy N.Ä. Nazarbaevtyŋ tūǧyrly tıregı bolyp keldı jäne bola beredı de. Bız, elordadaǧy nūrotandyqtar, naqty ıs-qimyldar men özara yqpaldasu, ärkımnıŋ derbes qūlşynysy men qalalyq qauymdastyqtyŋ bekemdıgı arqyly Astananyŋ körkeiuındegı jaŋa beleske köterılemız degen senımdemın.

Prezident joǧaryda atalǧan maqalasynda aitqandai: «Astana – Qazaqstandy älemge tanytqan, damudyŋ jaŋa biıkterıne bastaǧan, halyqty toptastyrǧan bızdıŋ bükıl qazaqstandyq jalpyūlttyq ideia». Al, Elbasy tızgının ūstaǧan «Nūr Otan» partiiasy elorda damuynyŋ maŋyzdy tetıgıne ainalǧanyna köz jetkızıp otyrmyz. Egemen el üşın mänı men märtebesı bölek «EKSPO-2017» halyqaralyq körmesınıŋ qūrylysy da osy jyldan bastau aldy. 2017 jyly qalamyzda «EKSPO – 2017» körmesımen qatar memlekettık maŋyzdy ıs-şara – kezektı parlamenttık sailau ötedı. Bızdıŋ basty maqsatymyz – mümkındıktı tiımdı paidalanu üşın bedelı biık ıs-şaralarǧa bar küş-jıgerımızdı salyp daiyndalu. Astana – Qazaqstannyŋ bügını men keleşegı. Endeşe, bügınımızdıŋ bedeldı, keleşegımızdıŋ kemeldı boluy – öz qolymyzda.