Süiındık JŪMAǦŪLOV, Astana qalasy Ädılet departamentı bastyǧynyŋ orynbasary: ATA ZAŊ – BARLYQ QŪJATTYŊ QAINARY
El tıregı – Ata zaŋ. Aǧymdaǧy aida Qazaqstan Respublikasynyŋ Konstitusiiasyna 17 jyl tolady. Konstitusiia künı qarsaŋynda basty qūjattyŋ basymdyǧy turaly Astana qalasy Ädılet departamentı bastyǧynyŋ orynbasary Süiındık Jūmaǧūlovpen tıldesken edık.
–Elımızdıŋ ärbır azamaty Ata zaŋymyzdy syilauǧa, qūrmetteuge mındettı. Degenmen, el azamattary üşın Ata zaŋnyŋ atqarar rölı qandai? Basty qūjattyŋ basymdyǧy nede?
–Ata zaŋ – Täuelsızdıgımızdıŋ negızı desek, qatelespeimız. Egemen eldıŋ demokratiialyq damuyna, örkendeuıne Konstitusiianyŋ tigızer yqpaly zor. Sondyqtan da eldegı barlyq qūjattyŋ qainar közı – osy Konstitusiia. Prezident Nūrsūltan Nazarbaev: «Egemen elımızdıŋ memlekettılıgın, täuelsızdıgın, demokratiialyq qūndylyqtaryn aiǧaqtaityn bırden-bır qūjat būl – Konstitusiia. Ata Zaŋymyzdyŋ aldynda ala-qūlasy joq, bärımız de bırdei jauapty, bärımız de bırdei mındettımız!»,- degen edı. Sondyqtan bızdıŋ Ata zaŋ otandastarymyzdyŋ qūqyn qorǧaudy maqsat etıp qana qoimai, azamattardyŋ qoǧam, el aldyndaǧy jauapkerşılıgın aiqyndap bergen basty qūjat.
– Ūlt pen ūlysqa bölmeitın, jalpyǧa ortaq Konstitusiia negızderın halyq qalai tüsınedı dep oilaisyz?
–Ata Zaŋ qabyldanǧannan berı qoǧamdyq kelisim men saiasi tūraqtylyq, ekonomikalyq damu ūstanymdary belgılendı. Konstitusiianyŋ bırınşı babynyŋ özınde basty qūndylyq retınde adam, onyŋ ömırı men erkındıgı aitylǧan. Adamdy aldyŋǧy orynǧa qoiǧan elımızde halyqqa qamqorlyq köptep jasalynuda. Jalpyǧa ortaq Konstitusiia negızderın el tüsınedı dep oilaimyn. Olar öz ömırlerın, bas bostandyqtaryn Konstitusiia arqyly qorǧalyp, qamtamasyz etıletının jaqsy bıledı.
–Byltyr Konstitusiia künı jasampazdyqqa toly el Täuelsızdıgınıŋ jiyrma jyldyǧymen säikes keldı. Konstitusiia künıne orai ūiymdastyrylǧan şaradan ne tüidıŋız?
–Byltyr Elbasynyŋ Jarlyǧymen resmi türde Qazaqstan Respublikasy Täuelsızdıgınıŋ jiyrma jyldyǧy bolyp jariialanǧany belgılı. Sol siiaqty Ata zaŋymyz qabyldanǧan tamyz aiynda erekşe şeru ūiymdastyryldy. Konstitusiia künı, iaǧni 30 tamyz künı Astananyŋ bas alaŋynda saltanatty äskeri şeru öttı. Elordaǧa respublikanyŋ barlyq aimaǧynan kelgen qaisar ruhty sarbazdar şara barysynda özderınıŋ şeberlıkterın paş ettı. Qazaq elı alaŋynda 250-den astam soǧys qūraly körsetılıp, el nazaryna äue şabuylyna qarsy tehnikalar ūsynyldy. Konstitusiia künı qūrmetıne Qazaqstan äskerınıŋ aibyny asqaqtap, demokratiialyq joldyŋ damu jolyna tüskenımızdı aŋǧartty.
Astana qalasynyŋ Ädılet departamentı de el Konstitusiiasyn basşylyqqa ala otyryp, zaŋdylyqtyŋ saqtaluyn qadaǧalau arqyly qūqyqtyq tärtıptı nyǧaitu, adam qūqyqtarynyŋ qorǧaluyn qamtamasyz etudı jüzege asyryp keledı. Azamattardyŋ konstitusiialyq qūqyqtaryn qorǧauǧa barynşa basymdyq beredı.
–Äŋgımeŋızge rahmet!
Gülmira AIMAǦANBET
