TÄUELSIZDIK TURNİRI
Astanada Täuelsızdıktıŋ 25 jyldyǧyna arnalǧan blis boiynşa şahmat turnirı öttı. Balalar men jasöspırımder arasynda ötken dodanyŋ saltanatty aşyluyna Astana qalasynyŋ äkımı Äset İsekeşev, Halyqaralyq şahmat federasiiasynyŋ prezidentı Kirsan İliumjinov jäne şahmattan älem chempiony, halyqaralyq därejedegı grossmeister Anatolii Karpov qatysty.
Aşylu saltanatynda söz alǧan qala basşysy Äset İsekeşev alystan at aryltyp kelgen qūrmettı qonaqtarǧa rizaşylyǧyn bıldırıp, mereilı künnıŋ qarsaŋynda ūiymdastyrylǧan būl dodanyŋ maŋyzdy ekenın atap öttı.
– Täuelsızdıktıŋ toiy kezınde türlı igı ıs-şaralar ötkızılıp jatyr. Sonyŋ ışınde bügıngı şahmat turnirın de atauǧa bolady. Osyndai künı Anatolii Karpov sekıldı äigılı grossmeisterdıŋ ortamyzdan tabyluy jas şahmatşylardy jıgerlendırıp, jeŋıske talpyndyrady. Aramyzda Därmen Säduaqasov, Dinara Säduaqasova siiaqty daryndy astanalyq şahmatşylar otyr. Jaqynda Dinaranyŋ elordada şeberlık mektebı aşyldy, – dedı Astana äkımı.
Anatolii Karpov jinalǧan jūrtty Qazaqstan Täuelsızdıgınıŋ 25 jyldyǧymen qūttyqtap, osy uaqyt aralyǧynda būl elde şahmattyŋ jaqsy damyǧanyn, talai grossmeisterler tärbielengenın, myqty mektepter qalyptasqanyn aityp, Astananyŋ elorda bolyp, alǧaş ırgetasy qalanǧan sätterın esıne aldy.
Atalmyş oi jarysyna 90-ǧa juyq bala qatysuǧa niet bıldırdı. Olar jalpy 6 sanat boiynşa synǧa tüsedı. Dumandy doda retınde ötıp jatqan şaranyŋ jeŋımpazdaryna teledidar, Apple smartfondary men smartsaǧattary siiaqty syilyqtar tabystalady.
Orynbek ÖTEMŪRAT