Kün raiy salqyn tartqannan dene qyzuy köterılıp, tūmauǧa şaldyǧatyndardyŋ qatary jiılep ketetını bar. Al Astana qysy qaharyn erte baiqatady. Auyryp, emdelgennen, auyrmaudyŋ jolyn ızdegen äldeqaida tiımdırek. Osy oraida Memlekettık sanitarlyq-epidemiologiialyq qadaǧalau komitetı Astana qalasy boiynşa departamentınıŋ direktory Sarhat Beisenova naqty şaralardyŋ bastalǧandyǧyn äŋgımeledı.
– Sarhat Saǧyntaiqyzy, tūmau köp taraityn aurulardyŋ bırı. Onyŋ köp taraityn mezgılı qai aida baiqalady?
– Tynys joldarynyŋ jūqpaly aurulary qazan jäne qaraşa ailarynda qoza tüsedı. Jeltoqsannyŋ soŋyna qarai tūmau virusynyŋ taraluy bastalady. Sondyqtan qyrküiek, qazan jäne qaraşa ailarynda ekpe saldyru kerek. Osy üş aidyŋ ışınde kez kelgen uaqytta ekpe saldyruǧa bolady. Bıraq, immunitettıŋ qalyptasuyna ekı apta qajet ekenın de esten şyǧarmaǧan jön.
– Köpşılıgımız mūndaiǧa salǧyrt qarap jatamyz. Bälkım, elordadaǧy mekemeler egudı ūjymdy türde ūiymdastyrǧan tiımdırek bolar…
– Älbette, vaksinasiia – tūmauǧa qarsy eŋ tiımdı şara. Egılgen ūjymda auru on esege tömendeidı. Eger egılseŋız de auyryp qalsaŋyz, klinikalyq kezeŋı jeŋıl ötedı, aurudan tez jazylasyz jäne asqynudyŋ aldyn alady.
– Būl būqaralyq şara bolǧandyqtan tegın qyzmet körsetıle me?
– Joq, elımızdıŋ Ūlttyq küntızbesıne kırmegendıkten, halyqty egu jūmystary aqyly türde ötedı. Qalada 15 egu punktı ūiymdastyrylǧan – 8 qalalyq emhana jäne 7 medisinalyq ortalyq.
– Mäselen, qai nüktelerde?
Mäselen, «İntertich» (Kenesary köşesı №1, tel: 51-53-00), «Medlain» (Jangeldin köşesı №4, tel: 44-34-54), «Mediker» (Qabanbai batyr daŋǧyly №17, tel: 55-80-41), «Open Clinik» (Otyrar köşesı №8/2, tel: 21-95-72), «Farmakom» KFK JŞS (Mailin köşesı №7/1, tel: 35-07-16), «İntertich Astana medisinalyq assistans» (Mäskeu köşesı №38 A, tel: 53-96-18), «Medikal Assistans grupp» JŞS (Syǧanaq köşesı №21/1, tel: 50-41-35) medisinalyq punkterı 17 qyrküiekten bastap azamattardy qabyldai beredı. Auruǧa qarsy immunitettıŋ qalyptasuyna bır ret egılu jetkılıktı.
