Elbasy N.Nazarbaevtyŋ «Äleumettik-ekonomikalyq jaŋǧyrtu – Qazaqstan damuynyŋ basty baǧyty» atty halyqqa Joldauyn nasihattau maqsatynda Esil audanyndaǧy №45 orta mektepte Ekonomikalyq damu jäne sauda ministrligi Sauda komiteti töraǧasynyŋ orynbasary Aidar Äliaqparov pen Bilim jäne ǧylym ministrligi Bilim jäne ǧylym salasyn baqylau komiteti töraǧasynyŋ orynbasary Läzzat Bölebaeva bastaǧan top jiyn ötkizdi.
Elbasy memleket damuynyŋ jaŋa kezeŋinde – ekonomikany nyǧaitu jäne halyqtyŋ äl-auqatyn arttyruda jaŋa mindetter jüktedi. Bügingi kürmeui qiyn, qaişylyǧy mol almaǧaiyp zamanda, äsirese, jahandyq daǧdarysty eŋserude el ekonomikasy qai synaqqa da daiyn bolu qajet. Būl baǧytta Qazaqstan, eŋ aldymen, ekonomikalyq tabystar men qoǧamdyq igilikterdi qamtamasyz etudiŋ oŋtaily teŋgerimin taba otyryp, halyqtyŋ äleumettik jaǧdaiyna basymdyq berui qajet. Iаǧni, halyqty qai jaǧynan da qoldau Memleket basşysynyŋ «Äleumettik-ekonomikalyq jaŋǧyrtu – Qazaqstan damuynyŋ basty baǧyty» atty maŋyzdy qūjatynda erekşe män berilip otyr.
Respublikalyq aqparattyq-nasihattyq tobynyŋ tüsten keiingi jūmysy mūnan keiin atalmyş audandaǧy №17 bilim ordasynda jalǧasty. Būnda da äŋgime özegi Joldau jüktegen mindetter boldy. Söz barysynda Elbasy üş maŋyzdy mindetti saralap, soǧan den qoiǧany aityldy. Birinşiden, oqytu men jūmysqa ornalastyru, ekinşiden auyldyq jerdegi käsipkerlikti damytu jäne eŋbek resurstarynyŋ jinaqylyǧy, Qazaqstannyŋ ekonomikalyq tūrǧydan belsendi ortalyqtarynda jūmysqa orna-lastyruǧa basymdyq beru ekeni anyq. Būl oraida eldegi auqymdy jüzege asyrylyp jatqan «Jūmyspen qamtu-2020» baǧdarlamasynyŋ orny bölek. Būl – eldiŋ äleuetin arttyryp, ekonomikany ärtaraptandyrudaǧy ūtymdy qadamdardyŋ biri bolyp otyr.
Serikgül SŪLTANQAJY