Elbasynyŋ biylǧy Joldauynyŋ basym baǧyttaryn tüsindiru boiynşa respublikalyq aqparattyq nasihat tobynyŋ Saryarqa audany boiynşa köşpeli otyrysy būl joly aldymen atalmyş audan äkimdiginiŋ ǧimaratynda ötti.
Audan äkiminiŋ orynbasary Tölegen Ahmetov biylǧy Joldauda halyqtyŋ äl-auqatyn arttyruǧa, äleumettik jaǧdaiyn jaqsartuǧa meilinşe maŋyz berilgenin tilge tiek etti. Sonymen birge jalǧa beriletin tūrǧyn üi alaŋyn 1 million şarşy metrge jetkizip, ūzaq merzimdi jalǧa berude satyp alynatyn jäne satuǧa jatpaityn eki türli jol qarastyrylady. Oǧan qosa jalǧa alǧany üşin jasalatyn tölem äl-auqaty ortaşa otbasy mümkindigine sai bolady.
Memleket basşysynyŋ biylǧy «Äleumettik-ekonomikalyq jaŋǧyrtu – Qazaqstan damuynyŋ basty baǧyty» Joldauynda körsetilgendei, «Biz 2015 jylǧa qarai tabysy joǧary elderdiŋ qataryna qosyludy közdep otyrǧan elmiz. Birligimizdi saqtap, osylai eŋbek etetin bolsaq, ol maqsatqa da jetetin bolamyz». Köşpeli otyrys barysynda Qazaqstan Respublikasy Ekonomikalyq damu jäne sauda ministrliginiŋ Sauda komiteti töraǧasynyŋ orynbasary Qairat Telebaldinov osylai dedi. Bizdiŋ elde qazaqstandyqtardyŋ jūmysqa tartyluyna, qoljetimdi baspanaǧa ie bolularyna, öŋirlerdi damytuǧa barlyq mümkindikter qarastyrylumen qatar, tūrǧyndarǧa memlekettik qyzmet körsetudiŋ sapasyn arttyruda, elektrondyq ükimetti damytuda, basqaruşylardyŋ bilikti saiasi tobyn daiyndauda, sondai-aq sot jäne qūqyq qorǧau jüielerin jaŋǧyrtuda köptegen igi isterdiŋ jüzege asyrylyp jatqany belgili. QR Auyl şaruaşylyǧy ministrligi Qaita öŋdeu jäne agrarlyq azyq-tülik naryǧy departamentiniŋ direktory Aina Qūsaiynova bilim beru men densaulyq saqtau salasynda qazirgi zamanǧy ädistemeler men tehnologiialardy engizu qarastyrylyp otyrǧanyn basa aitty.
Odan keiin qalamyzdaǧy №1 matematika-ekonomikalyq liseiinde QR Densaulyq saqtau ministrligi äkimşilik-qūqyqtyq jūmystar jönindegi departamentiniŋ direktory Faizolla Bismildin men QR Eŋbek jäne halyqty äleumettik qorǧau ministrliginiŋ Jūmyspen qamtu departamentiniŋ direktory Däulet Arǧyndyqov elimizdegi industriialyq-innovasiialyq jobalardyŋ jüzege asyryluy men zeinetaqy jüiesin jetildiruge jäne auyl şaruaşylyǧyn damytu mäselelerine toqtaldy.
Jastar jaǧy qoljetimdi baspanaǧa bailanysty özderin tolǧandyrǧan sūraqtardy ortaǧa saldy. Ūstazdar qauymy bolsa, äiel mūǧalimderdiŋ jiyrma bes jyldyq eŋbek ötilimen zeinetkerlikke şyǧuyn qaitarudy ūsyndy. Osyǧan orai, elimizde jyl saiyn 6 million şarşy metr tūrǧyn üi paidalanuǧa berilip jatqany, aldaǧy uaqytta jarty millionnan astam jas otbasynyŋ jeke baspanamen qamtamasyz etiletindigin jetkizdi.
Sondai-aq, qūs eti baǧasynyŋ jyl saiyn köterilip kele jatqanyna alaŋdauşylyq bildirgenderge respublikalyq nasihat tobynyŋ müşesi būl rette otandyq önimderdi köptep öndirudiŋ mäseleni birşama şeşuge septigin tigizetinin eskertti. Jalpy, tūrǧyndar tarapynan köterilgen barlyq kökeikesti mäseleler esepke alynyp, olar keleşekte oŋ şeşimin tabatyn boldy.
Joldau jüktegen mindetter talqylanǧan otyrys barysynda aqparattyq-nasihattyq top müşeleri jinalǧandardy el igiligi jolyndaǧy eŋbekti eseleuge şaqyrdy.
Gülbarşyn ÖKEŞQYZY