JAŊA MODEL JAŊA MINDETTER JÜKTEIDI
Būrnaǧy künı Qazaqstannyŋ Ortalyq kommunikasiialar qyzmetınıŋ jyl qorytyndylaryna arnalǧan brifingter toptamasy bastalyp, oǧan qatysqan Prezident äkımşılıgı basşysynyŋ orynbasary Ǧabidulla Äbdırahymov pen Memlekettık qyzmet ısterı agenttıgınıŋ töraǧasy Älihan Bäimenov memlekettık qyzmettıŋ jaŋa modelı boiynşa kadrlardy ırıkteu jäne joǧarylatu qaǧidattarymen tanystyrdy.
Memlekettık qyzmetkerler biyl «A» jäne B» korpusyna bölıngenı belgılı. «A» korpusyna enşılı 540 joǧary lauazymdy qyzmetke tūru üşın 2024 ötınış kelıp tüsken eken. Bılıktılık talaptary boiynşa 1851 ümıtker testıleuge qatysyp, qorytyndysynda 1122 adam äŋgımelesuge jıberılgen. Sonyŋ nätijesınde «A» korpusy 30 paiyzǧa jaŋartylyp, olarmen 4 jylǧa eŋbek kelısımşarty jasaldy. Osyndai statistikamen tanystyrǧan Ǧabidulla Äbdırahymov Elbasy Nūrsūltan Nazarbaevtyŋ «A» korpusyna ötkenderge jüktegen mındetter legıne toqtaldy.
Ortalyq jäne jergılıktı atqaruşy organdar arasynda uäkılettıkterdıŋ bölınıp, nätijesınde jergılıktı atqaruşy organdar qosymşa uäkılettıkke, infraqūrylymdar men qarjyǧa jäne kadrlarǧa ie boldy. Äleumettık, äkımşılık jäne kommunaldyq qūrylymdar boiynşa auyl äkımderıne 67 funksiia belgılenıp berılgen. Sonymen bırge, Prezident äkımşılıgı jetekşısınıŋ orynbasary tamyz aiynda ötken auyl äkımderınıŋ sailauy Qazaqstan üşın ülken synaq pen täjıribe bolǧanyn, jalpy, biyl Elbasynyŋ Jarlyǧymen türlı deŋgeidegı äkımderdıŋ halyq aldynda esep beru tärtıbınıŋ özgergenın aitty.
Qazaqstandaǧy memlekettık qyzmettıŋ jaŋa modelın alys-jaqyn şetelder joǧary baǧalaǧanyn aitqan Älihan Bäimenov onyŋ artyqşylyqtary jönınde äŋgımeledı.
Amanǧali QALJANOV