Elordadaǧy Ortalyqtandyrylǧan kıtaphanalar jüiesıne qarasty №3 balalar kıtaphanasy onlain rejimde «Jazda kıtappen bırge» degen fotobaiqau ūiymdastyrdy.
Būl igılıktı şaranyŋ maqsaty: balalardyŋ kıtapqa degen qyzyǧuşylyǧyn oiatu. Olar jazǧy demalysta oqyǧan kıtaptary jaiynda beinesiujet joldaidy, ūnatqanyn basqa da qatarlastaryna oquǧa ūsynady.
Fotobaiqauǧa qatysuǧa niet bıldırgender bas şahardan ǧana emes, elımızdıŋ är tükpırınen boldy. Mäselen, Batys Qazaqstan oblysy Bäiterek audany Dariian auylynanŞaşty Şarmandanova degen jetkınşek aqyn Bauyrjan Haliollanyŋ «Jan tebırenıs» kıtaby jaiynda beinesiujet jıbergen. Sondai-aq Pavlodar qalasynda tūratyn Maqsūt Äigerım Ybyrai Altynsarinnıŋ äserlı äŋgımelerı turaly joldasa, elordalyq Balym Aldabergenova Abai atamyzdyŋ qarasözderın oquǧa ūsynypty.
№3 Balalar kıtaphanasynyŋ meŋgeruşısı Maral Aqtaeva öz sözınde osy şaraǧa belsendı atsalysqan jetkınşekter men olardyŋ ata-analaryna alǧysyn jetkızdı. Baiqauda jeŋımpaz atanǧan balalar arnaiy syilyqtarmen marapattaldy.
