Bas qaladaǧy Beibıtşılık jäne kelısım saraiynda «Elorda jastary syilyǧy – 2019» baiqauy öttı. 
Jiyn barysynda söz alǧan şahar basşysy Altai Kölgınov:
– Būl şara biylǧy «Jastar jylynda» atqarylǧan jūmystyŋ qorytyndysy desek te bolady. Ärine, būl baǧyttaǧy jūmystar öz jalǧasyn taba beredı. Memleket tarapynan özın damytamyn degen jastarǧa türlı mümkındık qarastyrylyp jatyr. Bızdıŋ jastarymyzdyŋ barlyq sala boiynşa auyz toltyryp aitatyn jetıstıkterı jetkılıktı. Mūnyŋ barlyǧy – eŋbektıŋ arqasy, – dedı.
Qyrküiekte bastalǧan baiqauǧa 1 myŋǧa juyq ötınım kelıp tüsken. Qalalyq äkımdıktıŋ jastarmen jūmys bölımı basşysy Baqytjan Jünısbekovtıŋ aituynşa, baiqau nominanttaryna qoiylǧan alǧaşqy talap retınde ümıtkerlerdıŋ 14 pen 29 jas aralyǧynda boluy mındettelıptı. Ekınşı kezeŋde ümıtkerdıŋ öz salasy boiynşa jyl boiy jasaǧan jūmystary men jetıstıkterı esepke alynyp, olar arnaiy qūrylǧan komissiianyŋ qarauyna jıberılgen. Olar 15 nominasiia boiynşa 3-ten 5-ke deiın ümıtkerdı taŋdap alǧan. Odan soŋ onlain dauys beru kezeŋı bastalyp, aqtyq synda eŋ köp dauys jinaǧan jeŋımpazdar anyqtaldy.
Saiys nätijesınde «Elorda jastary syilyǧy – 2019» baiqauynyŋ jeŋımpazdary bolyp «Estrada» atalymynda – Miras Jügınısov, «Ǧylym» atalymynda – Quanyş Ersahanov, «Jurnalistika» atalymynda – Riza Daniiar, «Kino jäne teatr» atalymynda – Samat Äzımqūlov, «Ūlttyq öner» atalymynda – Äsel Älıbekova, «Sport» atalymynda – Madiiar Musaifov, «Memlekettık qyzmet» atalymynda – Taŋşolpan Ermanova, «Äleumettık salanyŋ üzdık qyzmetkerı» atalymynda – Jünısälievter otbasy, «Qoǧamdyq qyzmet» atalymynda – Asylbek Äbduraşitov, «Öndırıstıŋ üzdık qyzmetkerı» atalymynda – Sabina Otarova, «Zamanaui şyǧarmaşylyq öner» atalymynda – Aqbota Toqtasynova, «Üzdık student» atalymynda – Abdrauf Oral, «Üzdık jastar teatry» atalymynda – «Şaŋyraq» teatry, «Jas käsıpker» atalymynda – Aigerım Bapanova jäne «Jyl volonterı» atalymynda Miras Mūrat tanyldy.
