Elordadaǧy Ūlttyq muzeide tarihymyzǧa, aituly tūlǧalarǧa qatysty qūndy jädıgerler köptep kezdesedı. Sonyŋ bırı retınde asa körnektı aqyn Jūmeken Näjımedenovtıŋ pidjagı men galstugın aitsaq deimız.
Būl ekı jädıgerdı 2015 jyly «Muzeige syi tartu» aksiiasy aiasynda aqynnyŋ qyzy Äiken Jūmekenqyzy Näjımedenova tapsyrypty. Ardaqty azamattyŋ iısı sıŋgen pidjak ekı tüimelı, qara tüstı bylǧarydan tıgılgen. Qolda jaqsy saqtalǧan dep aituǧa bolady.
Aitpaqşy, aldaǧy 28 qaraşada aqynnyŋ tuǧanyna 85 jyl tolady. Äp degennen poeziiaǧa özgeşe örnegımen kelıp, qazaq öleŋın biıkke kötergen sanauly saŋlaqtardyŋ qataryna qosylǧan qalamgerdıŋ qalamynan tereŋ oi men şynaiy sezım qatar örılgen tamaşa tuyndylar tudy. Ol kısı proza janrynda da qajyrly eŋbek etıp, «Aq şaǧyl», «Daŋq pen daqpyrt», «Kışkentai» degen süiektı romandar jazdy. Sondai-aq Jūmeken aǧamyzdyŋ memlekettık änūran avtorynyŋ bırı retınde de esımı qūrmetpen atalady. Qabyrǧaly suretker ömırden ötkennen keiın bıraz jyldardan soŋ, iaǧni 2010 jyly «Menıŋ Qazaqstanym» atty öleŋder men dastandar jinaǧyna Memlekettık syilyq berıldı.
Aqynnyŋ dosy, belgılı jazuşy, Memlekettık syilyqtyŋ laureaty Orazbek Särsenbai «Jūmekennıŋ jüregı» degen estelıgınde: «Qazaq poeziiasynyŋ oqşau tūrǧan üş bäiteregı – Qasym, Mūqaǧali, Jūmeken bır-bırımen taǧdyrlas ömır keşıptı. Jas jaǧynan üşeuı de qyryqtyŋ qyrqasyna şyqqanymen, eludıŋ etegınen ūstap ülgermegender. Al şyǧarmaşylyq ömırbaian tūrǧysynan kelsek, bızdıŋşe būl üşeuı de negızınen aitaryn aityp, jazaryn jazyp ketkender» deptı. Osydan artyq aitu da mümkın emes.
