Елордадағы Достық үйінде қалалық Қазақстан халқы ассамблеясының қолдауымен славян халықтарының дәстүрлі Масленица мерекесі аталып өтті.
Масленица – қыспен қоштасып, көктемді қарсы алу мерекесі. Дәстүр бойынша масленицада құймақ пісіріліп, араздасқан адамдар болса, бір-бірінен кешірім сұрап жатады.
Мерекелік жиынға «Лад» республикалық славян қозғалысының астаналық филиалы, «Злата» болгар этномәдени орталығы, «Радима» белорус мәдени орталығы, «Союз казаков степного края» қоғамдық бірлестігі және «Тан» татар-башқұрт мәдени орталығының өкілдері қатысты.
Мерекелік шара барысында жәрмеңке, шығармашылық ұжымдардың қатысуымен мерекелік концерт, ойын-сауық, конкурстар мен жарыстар, дәстүрлі тағам таратылуы ұйымдастырылды. Шара соңында Достық үйі маңында сабан қуыршағын салтанатты түрде өртеу рәсімі өткізілді.
