«Астана Опера» опера және балет өнеріне іңкәрлік танытқандарды театр жанындағы студияға қабылдайды
Құжаттар қабылдау 30 тамызға дейін жалғасады. Конкурстық тыңдау 6-7 қыркүйек аралығында өткізіледі. Опера студиясына 7 мен 16, ал балет студиясына 8-10 жас аралығындағы балалар іріктеліп алынады.
Оқу ақылы негізде. Айына – 10 000 теңге. Алайда, бір отбасынан екі бала қатысқан жағдайда, екіншісіне 50 пайыз жеңілдік жасалады.
Конкурс талаптарымен және қатысу үшін толтыралатын өтінім формасымен www.astanaopera.kz сайтынан танысуға болады.
Айта кетерлігі, студия өз жұмысын былтыр қарашада бастады. Өткен оқу жылына іріктелген 150-ге жуық жасөспірім опера, балет, ансамбл сыныптары бойынша шеберліктерін шыңдады. Шәкірттер тек студиядадағы сабақпен шектелмей, театр репертуарындағы спектакльдерге қатысады.
