Жылда бір айналып соғатын, қала тұрғындары асыға күтетін спорт апталығының биылғы бағдарламасы да өте ауқымды. Бұқараның қатысуымен өтетін сайыстардан бөлек, қаланың спорттық мекемелері мен нысандарында «Ашық есік» күндері өтеді.
Атап айтсақ 15 тамыз күні «Қазақстан» спорт сарайы, 16 тамыз күні №1 Балалар мен жасөспірімдердің мамандандырылған олимпиадалық резерв спорт мектебі, №2 Балалар мен жасөспірімдердің спорт мектебі, «Астана» су добынан спорт клубы, «Дәулет» спорт кешені, №10 Балалар мен жасөспірімдердің шайбалы хоккейден мамандандырылған спорт мектебі, 17 тамыз күні №7 Балалар мен жасөспірімдердің мамандандырылған олимпиадалық резерв спорт мектебі, Х.Омаров атындағы шахмат клубы балаларын қандай да бір үйірмеге жаздырғысы келетін қала тұрғындарының қызықтырған барлық сауалдарына жауап беріп, жан-жақты таныстырады. Келушілер алдында спорт мектебінің тәрбиеленушілері спорттық машықтарын көрсетіп, түрлі жарыстар ұйымдастырылады. Сондай-ақ, осы күндері «Мега» сауда, ойын-сауық орталығында құзға өрмелеуден көпшілік арасында жарыс және шеберлік сабақтары өтеді.
