Жаңалықтар
ТҮРКІ ХОРЫНЫҢ ТАБЫСЫ
Германияның Магдебург қаласында өткен ІІ Еуропалық хор өнері сайысында ТҮРКСОЙ Жастар камералық хоры «Рухани музыка» аталымы бойынша алтын медаль алды.
Еуропаның 35 мемлекетінен келген 100-ден астам хор ұжымдарының қатысуымен өткен бәйгеде өнерпаз түркі жастары Еркеғали Рахмадиевтің «Қамар сұлу» операсынан «Хорал» поэма-реквиемін орындады. Биылғы маусымда Әзербайжан, Қазақстан, Қырғызстан, Татарстан (РФ) мен Түркия елдерінің музыкалық академиялары мен консерваториялары түлектерінен құралған ТҮРКСОЙ Жастар камералық хор ұжымы құрамында 32 жас өнерпаз бар.
Өнер сайысына Қазақстаннан «Астана Опера» театры мен Астана қаласы мемлекеттік филармониясының өнерпаздары шақырылған.
Айгүл УАЙСОВА