Бүгінгі таңда елордадағы «Үміт» дағдарыс орталығында 57 қызмет алушы тұрып жатыр. Оның 19-ы ересек адам да, 38-і – кәмелетке толмаған бала.
Мұнда, негізінен, отбасында тұрмыстық зорлық-зомбылыққа ұшыраған, қатыгездікке тап болған жандарға арнайы әлеуметтік көмек көрсетіледі. Орталық – 50 төсектік. Ал тұру уақыты – бір айдан алты айға дейін.
– Орталыққа келушілер, әсіресе, елде қауіпті індет басталған кейінгі екі жылда күрт өсті. Бұрын жылына «Үміт» дағдарыс орталығына 180 адам түсетін болса, қазір 270 адамға жетіп отыр. Оның 85-і ересек азаматша да, 185-і – кәмелет жасына толмаған бала. Бұған қарап біз көрсеткіш жылына 70 пайызға көтерілгенін көреміз, – дейді Нұр-Сұлтан қаласы әкімдігі «Үміт» дағдарыс орталығының директоры Ғалихан Куканбеков.
– «Үміт» дағдарыс орталығына биыл жазда үш баламмен келіп түстім. Бізді мұнда жақсы қарсы алды. Әсіресе, психологтар бізбен етене тығыз қарым-қатынаста жұмыс істеді. Балаларымның да жағдайы жақсы. Осындағы балабақшаға барады, – дейді орталықтан қызмет алушы Әйгерім Серікбаева.
https://www.youtube.com/watch?v=KV9M1VNSEb8
