Ауа райының қолайлы болуына байланысты елордада велосипед тебу маусымы 31 қазанға дейін ұзартылды. Бұл туралы CTS компаниясының баспасөз қызметі хабарлады.
«Ауа райы астаналықтарды қуантты. Осы апта жылы болады. Демек веломаусым аяқталғанша велосипедтеріңізбен қыдыруға әлі уақыт бар деген сөз. Ол үшін біз веложолдардың техникалық жағдайы мен тазалығын сақтаймыз. Биылғы велосипед тебу маусымы ауа райына байланысты 31 қазанға дейін ұзартылатынын мәлімдейміз» делінген хабарламада.
