ЖҰМЫСПЕН ҚАМТУ ЖАЛҒАСУДА
Биыл 322 мыңнан астам адамды жұмыспен қамту жоспарланып отыр. Бұл жөнінде ҚР Премьер-министрінің орынбасары Бердібек Сапарбаев ҚР Президенті жанындағы Орталық коммуникациялар қызметінде өткен баспасөз мәслихатында мәлімдеді.
«Президенттің Үкімет алдына қойып отырған ең басты міндеті – экономикалық өсу қарқынын сақтау, азаматтардың әл-ауқатын жоғарылату және жаңа жұмыс орындарын құру жолымен жұмыспен қамтамасыз ету», – деді Б.Сапарбаев.
Оның айтуынша, қазіргі уақытта 191 мың адам жұмыспен қамтылды. Ол – берілген тапсырманың 67 пайызы. Сонымен қатар, 2,2 млн адамның жалақысы мен жұмыс орнын сақтау жөніндегі 66 мыңнан аса меморандумға қол қойылған.
«Әлемдегі экономикалық дағдарысқа қарамастан мемлекет барлық әлеуметтік міндеттемелерді орындап отыр. Ағымдағы жылы халықтың осал тобына 11 млрд теңге көлемінде көмек көрсетіледі», – деді ол.
Күнайым СӘКЕН