ەلورداداعى №83 مەكتەپتىڭ الدىندا قازاق دالاسىندا العاشقى قوڭىراۋ سوققان اعارتۋشى پەداگوگ ىبىراي التىنسارين ءمۇسىنى ورناتىلدى.
تۇعىرى گرانيتتەن, نەگىزى قولادان قۇيىلعان ءمۇسىننىڭ اشىلۋ راسىمىنە نۇر-سۇلتان قالاسى اكىمىنىڭ ورىنباسارى اسحات ورالوۆ, نۇر-سۇلتان قالاسى ءماسليحاتىنىڭ دەپۋتاتى, ل.گۋميلەۆ
اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ, اقىن نەسىپبەك ايتۇلى جانە باسقا دا زيالى قاۋىم وكىلدەرى قاتىستى. «ەل تاريحىنداعى ەلەۋلى تۇلعالاردى ۇلىقتاۋ – ءبىزدىڭ پارىزىمىز. بۇگىن ءبىز قازاق حالقىنىڭ اياۋلى پەرزەنتى, سانالى عۇمىرىن, قاجىر قايراتىن بالا تاربيەلەۋگە جانە حالىقتىڭ اعارتۋ ىسىنە ارناعان ۇلى تۇلعا ى.ءالتىنساريننىڭ بيۋستىن اشۋعا جينالىپ وتىرمىز. بۇل اعارتۋشىنىڭ 180 جىلدىق مەرەيتويىنا ارنالعان يگى شارا دەپ ەسەپتەيمىز. الداعى ۋاقىتتا ءدال وسى №83 ورتا مەكتەبىنە ى.ءالتىنساريننىڭ ەسىمى بەرىلەدى دەگەن جوسپارىمىز بار. مۇنداي يگى باستامالاردى ءارى قاراي دا جالعاستىرا بەرەمىز» دەدى اسحات ورالوۆ.
شاراعا قاتىسقان قوعام قايراتكەرلەرى دە ۇستاز مارتەبەسىن ۇلىقتاۋ, ءبىلىم بەرۋدىڭ ساپاسىن ارتتىرۋ باعىتىنداعى ءالتىنساريننىڭ ارمانى بۇگىندە اقيقاتقا اينالعانىن تىلگە تيەك ەتتى.
