قر قورعانىس ءمينيسترىنىڭ بۇيرىعىنا سايكەس, ەلىمىزدە اسكەري مىندەتتى ازاماتتاردىڭ جيىنى باستالدى.
جيىنعا بارلىعى 1500 ادامدى شاقىرۋ جوسپارلانىپ وتىر. اتالعان وقۋ-جاتتىعۋ جيىنى اسكەري مىندەتتىلەردىڭ ءبىلىمى مەن داعدىلارىن پىسىقتاۋ, جەتىلدىرۋ, سونداي-اق اسكەري دايارلىقتان وتكەن رەزەرۆتى تولىقتىرۋ ماقساتىندا ۇيىمداستىرىلۋدا.
«استانالىق 25 ازامات قىركۇيەك ايىندا جيىنعا قاتىسۋ ءۇشىن
س.نۇرماعامبەتوۆ اتىنداعى قر قك قۇرلىق اسكەرلەرى ينستيتۋتى مەن قر قم راديوەلەكترونيكا جانە بايلانىس اسكەري-ينجەنەرلىك ينستيتۋتىنا اتتاناتىن بولادى. ەستەرىڭىزگە سالا كەتسەك, وسى جىلدىڭ ماۋسىم ايىندا نۇر-سۇلتان قالاسى اكىمىنىڭ قاۋلىسى بويىنشا اۋماقتىق قورعانىس ىستەرى بويىنشا اسكەري جيىن ءوتىپ, وعان زاپاستاعى وفيتسەرلەر, سەرجانتتار مەن ساربازدار شاقىرىلعان بولاتىن. مۇنىڭ ءبارى – ەلىمىزدىڭ قورعانىس قابىلەتىن نىعايتا تۇسۋگە باعىتتالعان شارالار» دەيدى نۇر-سۇلتان قالاسى قورعانىس ىستەرى جونىندەگى دەپارتامەنتىنىڭ وكىلى, پولكوۆنيك عاني ارتىقوۆ.
ابۋباكىر سمايىلوۆ
