دۇنيەجۇزىلىك دەنساۋلىق ساقتاۋ ۇيىمى الەمدە ءار توعىزىنشى ادام اۋانىڭ لاستانۋى كەسىرىنەن كوز جۇمادى دەپ دابىل قاعىپ وتىر.
اتموسفەرانىڭ لاستانۋى كۇللى عالامشاردا ۇلكەن ماسەلەگە اينالدى. اۋاعا زياندى قالدىقتار ەڭ كوپ تاراتاتىن اۆتوكولىكتەر ەكەن. بۇگىندە ەلوردادا ماشينالاردىڭ سانى 343 مىڭنان اسادى. دەمەك, اتموسفەرانىڭ تازالىعى استانا ءۇشىن دە تۇيتكىلدى ماسەلە.
جالپى, ەكولوگيالىق احۋالدىڭ ناشارلىعى دەنساۋلىققا كەرى اسەرىن تيگىزەدى. اسىرەسە, ينسۋلت, باسقا دا جۇرەك-قان تامىرلارى اۋرۋلارى, وكپەنىڭ ىسىگى, استما سەكىلدى اۋرۋلارعا جانە ولاردىڭ اسقىنۋىنا اۋانىڭ لاستانۋى سەبەپ بولادى. مىسالى, جىلۋەلەكتر ستانسالارى جاققان مازۋت پەن كومىردىڭ تۇتىنىنەن اۋاعا كۇكىرتتىڭ ەسەلەنگەن توتىعى تارالادى. ونىڭ اتموسفەراداعى كولەمى شامادان سال اسىپ كەتسە, تىنىس جولدارىن بۇزىپ, اللەرگيا, جوتەل تۋعىزادى.
دۇنيەجۇزىلىك دەنساۋلىق ساقتاۋ ۇيىمى اۋانىڭ لاستانۋىنان قانشا ادام زارداپ شەككەنى تۋرالى ستاتيستيكانى سوڭعى رەت وسىدان ءتورت جىل بۇرىن جاساعان ەكەن. ول كەزدە اتموسفەرانىڭ لاستانۋىنان الەمدە 3 ملن ادام قايتىس بولعانى بەلگىلى بولعان. ال بيىلعى ناتيجە دۇنيەجۇزىندە ءار توعىزىنشى ادام ەكولوگيانىڭ ناشارلىعىنان كوز جۇماتىنىن انىقتاعان. الەمدەگى 3 مىڭنان استام ەلدىمەكەندى سپۋتنيك ارقىلى باقىلاپ شىققان ساراپشىلار بۇل الاڭدارلىق توتەنشە جاعداي ەكەنىن ايتىپ وتىر. سوندىقتان ءوندىرىس ورىندارى, جىلۋ ورتالىقتارى اتموسفەراعا زياندى قالدىقتار ءبولۋدى ازايتاتىن تىڭ تەحنولوگيالاردى قولدانعانى ءجون.
مامانداردىڭ پىكىرىنشە, دۇنيەجۇزىندە اۋاسى ەڭ لاستانعان ەل قىتاي مەن ءۇندىستان ەكەن.
