«استانا» باسكەتبول كلۋبى ۆتب بىرىڭعاي ليگاسىنىڭ ءبىرىنشى تۋرىندا ماسكەۋدىڭ تسسكا كومانداسىن قابىلدادى.
الاڭ يەلەرى ءا دەگەننەن باسىمدىق تانىتىپ, العاشقى كەزەڭدە العا شىققان ەدى. بىراق ويىننىڭ قالعان بولىكتەرىندە تۇگەلدەي قوناقتار بيلەپ-توستەدى. جالپى ەسەپ – 61:86.
«باسى قاتتى بولسا, اياعى ءتاتتى بولادى» دەگەندەي, ماۋسىم باسى بولعاندىقتان «استانا» كەلە-كەلە كوشكە ىلەسىپ كەتەر دەپ ۇمىتتەنەمىز. ەلوردالىقتاردىڭ اتالمىش ءتۋرنيردىڭ تاريحىنداعى ۇزدىك كورسەتكىشى سەگىزىنشى ورىن ەدى. ال قارسىلاس ماسكەۋلىكتەر – ليگانىڭ 9 دۇركىن چەمپيونى.
«استانا» ەندى ۇلتتىق ليگا اياسىندا بۇگىن ساعات 19:30-دا «سارىارقا» ۆەلوترەگىندە «اتىراۋ بارىستارى» كومانداسىن قابىلدايدى.
