ۋەفا چەمپيوندار ليگاسى توپتىق ويىندارىنىڭ ءبىرىنشى تۋرى وينالىپ بىتكەننەن كەيىن بۇرناعى كۇنى ەۋروپا ليگاسى كوماندالارىنا دا كەزەك كەلدى. «استانا» كلۋبى انگليادا اتاقتى «مانچەستەر يۋنايتەدپەن» كۇش سىناستى.
مانچەستەردىڭ «ولد تراففورد» ستاديونىندا وتكەن ماتچتىڭ 72-مينۋتىنا دەيىن ەسەپ اشىلماي, تارازى باسى تەڭ تۇردى. بۇعان الاڭ يەلەرىنىڭ باس جاتتىقتىرۋشىسى ۋلە-گۋنار سۋلشەردىڭ ستارتتىق قۇرامعا 4 جاس ويىنشىنى قوسقانى سەبەپ بولعان سياقتى.
الايدا ويىن مانچەستەرلىكتەردىڭ شابۋىلىمەن باستالدى. ءبىزدىڭ قاقپا الدىنداعى ءبىرىنشى قاۋىپتى جاعدايدى 3-مينۋتتا فرەد جاسادى.
ويىننىڭ ەكىنشى تايمىندا «ميۋ» ءوزىنىڭ باسىمدىق كورسەتۋىن جالعاستىرا ءتۇستى. اراسىندا «استانا» ويىنشىلارى دا قارسى شابۋىلعا شىعىپ تۇردى. بىراق تەپە-تەڭدىك 73-مينۋتتا كۇرت ءۇزىلدى. ءدال سول كەزدە 17 جاسار مەيسون گرينۆۋد قاقپا الدىنداعى قاربالاس ساتتە دوپتى تورعا قاراي تۋرا باعىتتاۋدىڭ جولىن تاۋىپ كەتتى. بۇدان كەيىن تارتىس قانشا قىزعانىمەن, تابلوداعى ەسەپ وزگەرگەن جوق. وسىلايشا «مانچەستەر يۋنايتەد» 1:0 ەسەبىمەن جەڭىسكە جەتتى.
بۇل كۇنى ءبىزدىڭ L توبىنداعى قالعان ەكى كوماندا – سەربيانىڭ «پارتيزانى» مەن گوللانديانىڭ «از الكمارى» بەلگرادتا كەزدەستى. ماتچ 2:2 ەسەبىمەن تەڭ اياقتالدى.
رۋسلان ايتقوجا
