كەشە فۋتبولدان قازاقستان چەمپيوناتىنىڭ سوڭعى تۋرى ءوتتى.
پاندەميا جاعدايىنا بايلانىستى ءبىر قالادا (الماتى), ءبىر اينالىم بويىنشا وتكەن چەمپيونات بارىسىندا الماتىنىڭ «قايرات» كومانداسى جەڭىمپاز اتاندى. كۇمىس جۇلدەگە قوستانايدىڭ «توبىل» كومانداسى, ال قولا جۇلدەنى ەلىمىزدىڭ 6 دۇركىن چەمپيونى «استانا» كومانداسى يەلەندى.
چەمپيوناتتىڭ سۇرمەرگەنى بولىپ 12 گول سوققان جواو پاۋلو («ورداباسى») تانىلدى.
پرەمەر-ليگا قاتارىنان «وقجەتپەس» (كوكشەتاۋ) جانە چەمپيونات باستالماي جاتىپ قارجىلىق جاعدايعا بايلانىستى بىرىنشىلىكتەن باس تارتقان پاۆلوداردىڭ «ەرتىس» كومانداسى شىعىپ قالدى. بۇل كوماندالار كەلەسى جىلى ءبىرىنشى ليگادا وينايتىن بولادى.
ال ءبىرىنشى ليگانىڭ ەكى ديۆيزيونى بويىنشا جەڭىمپازدارى اتانعان «اقتوبە» مەن «اتىراۋ» كوماندالارى الداعى جىلى پرەمەر-ليگا قاتارىنا قايتا قوسىلادى.
