ۋكراينادا پرەزيدەنت سايلاۋى وتەدى
ۋكراينادا پرەزيدەنت سايلاۋى وتەتىن كۇن بەلگىلى بولدى. بۇل تۋرالى RBC باسىلىمى حابارلادى.
جوعارعى رادا دا باسشىسى اندرەي پارۋبي مەملەكەت باسشىسىن سايلاۋ ۋاقىتىن 2019 جىلدىڭ 31 ناۋرىزىنا وتكىزۋ تۋرالى №9342 قارارىنا قول قويدى.
مۇنداي شەشىم ەل پارلامەنتىندە وتكەن داۋىس بەرۋ ناتيجەسىندە بەلگىلى بولعان. بۇل قۇجاتتى
298 دەپۋتات قولداعان. ال ءوز كەزەگىندە پرەزيدەنت پەتر پوروشەنكو ۋكراين حالقىنا جولداۋىندا ەلدە اسكەري رەجيم ەنگىزىلگەنىنە قاراماستان مەملەكەت باسشىسىن سايلاۋ كونستيتۋتسياعا سايكەس ءوتۋى ءتيىس ەكەنىن مالىمدەدى.
مارستا تىرشىلىك بار ما؟
اقش-تىڭ ۇلتتىق اۋەدە ۇشۋ جانە عارىش كەڭىستىگىن زەرتتەۋ باسقارماسىنىڭ InSight اپپاراتى مارسقا قوندى.
NASA-نىڭ حابارلاۋىنشا اپپارات مارسقا قونعان بويدا باتارەيالارى اشىلىپ, كۇن ساۋلەسىنەن قۋات الا باستاعانى تۋرالى بەلگى بەرگەن. InSight 26 قاراشا كۇنى قىزىل عالامشارداعى العاشقى فوتولارىن جىبەرگەن. عالىمدار جاڭا فوتولاردان توزاڭداردىڭ ءبىر بولىگىن جانە مارستىڭ كوكجيەگىن كورۋگە بولاتىنىن ءمالىمدەدى.
اپپاراتتىڭ بارلىق جۇيەسى ورنىندا, اقاۋلارى جوق. ەندى ول الدىمەن عالامشاردىڭ توپىراعىن سۋرەتكە تۇسىرەدى. كوپ ۇزاماي بۇرعى ارقىلى 5 مەتر تەرەڭدىككە دەيىن قازۋعا كىرىسەدى. وسى جىلدىڭ مامىر ايىندا كاليفورنيادان ۇشىرىلعان InSight 458 ملن كم قاشىقتىقتى باعىندىرعان. ول الداعى 2 جىل بويى پلانەتانى زەرتتەيتىن بولادى.
كۇنىنە 5 مىڭ ادام كوشىپ كەتەدى
بۇۇ-نىڭ حابارلاۋىنشا الەۋمەتتىك-ەكونوميكالىق قيىندىقتارعا بايلانىستى ۆەنەسۋەلا ەلىنەن كۇنىنە 5 مىڭعا جۋىق ادام كوشىپ كەتەدى.
«ۆەنەسۋەلادان كۇنىنە 5 مىڭعا تارتا ادام كەتىپ جاتىر. بۇل لاتىن امەريكاداعى ەڭ ۇلكەن كورسەتكىش. بۇگىنگە دەيىن 2,6 ملن ادام كەتكەن» دەپ مالىمەتتى بۇۇ حابارلاماسىندا. ۆەنەسۋەلادا تاۋار تاپشىلىعى بەلەڭ الىپ, ەكونوميكالىق داعدارىستىڭ ورناعانىنا ءبىراز ۋاقىت بولعان. حالىقارالىق ۆاليۋتا قورىنىڭ حابارلاۋىنشا وسى جىلدىڭ سوڭىنا تامان ينفلياتسيا دەڭگەيى ميلليون پايىزعا جەتۋى مۇمكىن.
قازىر بوسقىندار كورشىلەس پەرۋ, ەكۆادور ەلدەرىنە باسساۋعالاپ بارىپ جاتىر. ال ءبىر عانا كولۋمبيانىڭ ءوزىن دە 1 ملن-عا جۋىق ۆەنەسۋەلالىق بارعان كورىنەدى.
