نۇر-سۇلتان قالاسى ءدىن ىستەرى جونىندەگى باسقارماسىنىڭ قولداۋىمەن دىندەردى زەرتتەۋ ورتالىعى ەلوردالىق جاماعات اراسىندا فۋتبولدان سپورتتىق جارىس ۇيىمداستىردى. ءىس-شارا «استانا-ارەنا» ستاديون كەشەنىندە ءوتتى.
جارىس بىرلىك پەن ىنتىماقتى ناسيحاتتاۋ ماقساتىندا ۇيىمداستىرىلدى. وتكىزىلگەن سپورتتىق ءىس-شارا بارلىق قاتىسۋشىلارعا جاقسى كوڭىل-كۇي مەن ەستەن كەتپەس كۇن سىيلادى.
جارىستىڭ اشىلۋ راسىمىنە ءسوز سويلەگەن نۇر-سۇلتان قالاسىنىڭ ءدىن ىستەرى جونىندەگى باسقارماسى باسشىسى ءنۇرداۋ لەت ءالمۇحانوۆ ەلىمىزدىڭ ءاربىر ازاماتى ءوز دەنساۋلىعىن كۇتىپ, ەلدەگى سپورتتىق ءىس-شارالاردى قولداپ, ۋاقىتتارىن پايدالى وتكىزۋ كەرەكتىگىن اتاپ ءوتتى.
«بۇل تۋرنير بۇقارالىق سپورتتى, سالاۋاتتى ءومىر سالتىن ناسيحاتتاۋ باعىتىندا ۇيىمداستىرىلىپ وتىر. ەلوردالىق جاماعات فۋتبولدى حالىقتىڭ اراسىندا كەڭىنەن ناسيحاتتاۋدا, دارىپتەۋدە ۇلكەن ۇلەس قوسىپ ءجۇر. جاستارعا ۇلگى بولادى دەپ سەنەمىز» دەدى ن.ءالمۇحانوۆ.
فۋتبولدان وتكەن جارىستا «اق نيەت» كومانداسى ءبىرىنشى ورىندى يەلەندى, «سامعاۋ» ەكىنشى ورىنعا جايعاستى, ال «بايقوڭىر» كومانداسى ءۇشىنشى ورىندى قانجىعاسىنا بايلادى. جارىس جەڭىمپازدارى مەن جۇلدەگەرلەرىنە مەرەكەلىك شارا ۇيىمداستىرۋشىلارىنىڭ اتىنان سىيلىقتار تابىستالدى.
