ءوندىرىس» جانە «كيرپيچنىي» تۇرعىن الاپتارىندا نوسەر سۋلارى كارىزىنىڭ قۇرىلىسى تولىعىمەن اياقتالماعاندىقتان جاڭا جەلىلەرگە قوسىلماعان. جاقىندا نۇر-سۇلتان قالاسى ءماسليحاتىنىڭ دەپۋتاتى زەينوللا شىبكەنوۆ ءماسليحاتتىڭ قۇرىلىس, ەكولوگيا, كولىك, ساۋدا جانە تۇرعىن ءۇي-كوممۋنالدىق شارۋاشىلىق ماسەلەلەرى جونىندەگى تۇراقتى كوميسسيانىڭ وتىرىسىندا وسى ماسەلەنى كوتەرىپ, «شۇبار» شاعىن اۋدانىندا دا ءتيىستى جۇمىستار جۇرگىزىلمەگەنىن اتاپ ءوتتى.
– «ءوندىرىس» پەن «كيرپيچنىيدى» جاڭا جەلىلەرگە قوسۋ نيەتى بولعان. بىراق سۋ قىسىمى قاتتى بولعاندىقتان, جەلىلەر شىدامادى. سوندىقتان بۇل جۇمىس توقتاتىلدى. بۇل تۇرعىن الاپتار اۋماعىن وندىرىستىك ايماققا اينالدىرۋ تۋرالى ايتىلدى. بىراق ناقتى ارەكەتتەر جاسالماعان. ونىڭ ۇستىنە سول كەنتتەردە ورتا مەكتەپ سالىنايىن دەپ جاتىر. №23 ورتا مەكتەپكە وتە جاقسى جاپسارجاي سالىندى. ونىڭ جانىندا تاعى №34 ورتا مەكتەپ بار. وندا جاڭا مەكتەپتى نەگە سالامىز؟ بۇل قىرۋار قارجىنى قاجەت ەتەدى عوي. اۋماق وندىرىستىك ايماققا اينالاتىن بولسا, قانشاما قارجى دالاعا كەتەدى عوي. ال «شۇبار» شاعىن اۋدانى قالانىڭ ورتالىعىندا ورنالاسقان. مۇندا كارىز جۇيەسى جوق. سۋمەن جابدىقتاۋ دا ءتيىستى دەڭگەيدە ەمەس. شاعىن اۋداندى ءسۇرۋ جوسپارى بار. بىراق بۇل ءىس تىم سوزىلىپ كەتتى. سول سەبەپتەن ونىڭ ينجەنەرلىك جەلىلەرىن رەتكە كەلتىرۋ ءىسى وتە وزەكتى بولىپ وتىر, – دەدى دەپۋتات.
«ينتەرناتسيونالنىي» تۇرعىن الابىندا دا كارىز جۇيەسى بويىنشا ماسەلە تۋىنداپ وتىر. تۇرعىندار وسى ماسەلەگە قاتىستى قالالىق ماسليحاتقا شاعىم تۇسىرگەن. مۇنى ءماسليحات حاتشىسىنىڭ مىندەتىن اتقارۋشى ءماجيت شايداروۆ ايتتى.
جۋىردا ول ازاماتتاردى ونلاين فورماتتا قابىلدادى. سول كەزدە «ۇركەر» كوپپاتەرلى تۇرعىن ءۇي كەشەنىنىڭ تۇرعىنى تولەگەن يبراەۆ وعان ءوزى تۇراتىن ە 583 كوشەسىنىڭ جاعدايىن جەتكىزدى. زەينەتكەردىڭ ايتۋىنشا,ءۇش جىل بويى بۇل كوشەنى كارىز قالدىقتارى باسىپ جاتىر. بىراق ءارتۇرلى جاۋاپتى ورگاندارعا قانشا شاعىمدانسا دا, ماسەلە ءالى شەشىلمەگەن كۇيى تۇر. قولقانى قاباتىن ءيىس توڭىرەكتى الىپ كەتكەن. بۇعان قوسا سۋ باسادى. تۇرعىندار سول سەبەپتەن كۇندە 109 نومىرىنە شاعىمدانادى. بۇل ماسەلە بويىنشا م.شايداروۆ قالالىق وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسىنىڭ باسشىسى تولەگەن قۇلىشەۆ پەن ەسىل اۋدانى اكىمدىگىنەن تۇرعىندار ءوتىنىشىن جەرگە تاستاماۋىن سۇرادى.
ءماسليحات دەپۋتاتى ميراس شەكەنوۆ قالانى سۋمەن قامتۋ جايىن كوتەرىپ, تالدىكولدى قۇرعاتۋ جوباسى قاشان اياقتالاتىنىن سۇرادى. «ۇركەر» تۇرعىن الابىنىڭ ينجەنەرلىك جەلىلەرى جايىن قوزعاپ, سونىڭ ىشىندە كنس-39 بويىنشا ماسەلە تۋىنداپ جاتقانىن ايتتى.
ت.قۇلىشەۆتىڭ مالىمدەۋىنشە, «ۇركەر» تۇرعىن الابىنىڭ ينجەنەرلىك جەلىلەرى ماسەلەسىمەن ەكى مەردىگەر اينالىسىپ جاتىر. 10 سورعىنىڭ جانىپ كەتىپ, كەيبىرەۋىنىڭ ۇرلانۋى جۇمىستى جەدەلدەتۋگە كەدەرگى كەلتىرگەن. ءتيىستى تاپسىرىس بەرىلدى. 10-15 كۇننىڭ ىشىندە جاڭا سورعىلار جەتكىزىلىپ, اۋىستىرىلادى. ال تالدىكول ەسىل اۋدانى اكىمدىگىنىڭ بالانسىنا بەرىلگەن. بولاشاقتا كول جاعاسىندا ساياباق سالۋ جوسپارلانىپ وتىر.
