استانادا كوكتەمگى كەزەڭدە تاسقىن سۋ باسۋدان تۋىندايتىن توتەنشە جاعدايلاردىڭ الدىن الىپ, زارداپتارىن جويۋ تاقىرىبىنا ارنالعان «كوكتەم-2013» رەسپۋبليكالىق كوماندالىق-شتابتىق جاتتىعۋلار باستالدى.
«شىعىستا, سولتۇستىكتە جانە قازاقستاننىڭ ورتالىعىندا 20 ناۋرىز بەن 10-15 ءساۋىر ارالىعىندا كوكتەمگى سۋ تاسقىنى بولۋى ىقتيمال. استانادا دا وسى ۋاقىتتا جاعداي تىم كۇردەلى بولماق» دەدى قر توتەنشە جاعدايلار ۆيتسە-ءمينيسترى جانبولات سمايىلوۆ. سوعان وراي, ەكى كۇندىك جاتتىعۋدا اۋا رايىنىڭ كۇرت جىلىنۋىنا بايلانىستى ىقتيمال ستسەناريلەر جاسالىپ, تىڭعىلىقتى دايىندىق تاعى ءبىر پىسىقتالماق. اتالمىش جاتتىعۋعا ورتالىق جانە جەرگىلىكتى اتقارۋشى ورگاندار, رەسپۋبليكالىق جانە جەرگىلىكتى توتەنشە جاعدايلار قىزمەتتەرى, وبلىستاردىڭ, استانا مەن الماتى قالالارىنىڭ توتەنشە جاعدايلاردىڭ الدىن الۋ جانە جويۋ جونىندەگى كوميسسياسى, سونىمەن قاتار باسقا دا مينيسترلىكتەردىڭ وكىلدەرى قاتىسۋدا.
ەركەجان ساتىمبەك
