كۇن رايى كوپ وزگەرمەيدى
دەمالىس كۇندەرى استانادا اۋا رايى قاتتى وزگەرمەيدى. سەنبى مەن جەكسەنبىنىڭ ءتۇنى ايتارلىقتاي ايازدى بولادى, الايدا كۇندىز ازداپ جىلىنادى.
سەنبى كۇنى ەلوردادا كۇن بۇلتتانعانمەن, جاڭبىر جاۋمايدى. سولتۇستىك-شىعىستان جىلدامدىعى سەكۋندىنا 5-10 مەتر جەل سوعادى. سىناپ باعاناسى تۇندە -7-9°C-قا دەيىن تومەندەيدى, كۇندىز -2-0°C سۋىق بولادى. جەكسەنبى كۇنى كوشپەلى بۇلت شىعادى, جاڭبىر جاۋمايدى. شىعىستان جىلدامدىعى سەكۋندىنا 5-10 مەتر جەل ەسەدى. اۋا تەمپەراتۋراسى تۇندە -7-9°C سالقىن, كۇندىز +1+3°C جىلى بولادى.
ءماندى ءماجىلىس
«نۇر وتان» حدپ-نىڭ استاناداعى ورتالىق اپپاراتىندا پارتيا ساياسي كەڭەسىنىڭ زاڭناما جانە نورما شىعارماشىلىعى جونىندەگى كوميسسياسىنىڭ وتىرىسى ءوتتى.
وندا «ازاپتاۋلارعا جانە باسقا دا قاتىگەز, ادامگەرشىلىككە جاتپايتىن جانە ار-نامىستى قورلايتىن ءىس-ارەكەتتەر مەن جازالاۋ تۇرلەرىنىڭ الدىن الۋعا باعىتتالعان ۇلتتىق الدىن الۋ تەتىگىن قۇرۋ» ماسەلەسى تالقىلاندى.
كەسەل كورسەتكىشى كەمىدى
استانادا قاتەرلى ىسىكپەن اۋىراتىندار سانى كەمىدى. قازىر ول 100 مىڭ ادامعا شاققاندا 169,4-ءتى قۇرايدى.
بۇل 2011 جىلمەن سالىستىرعاندا 3,2%-عا (100 مىڭ ادامعا – 175,1) كەمىگەن. سونىمەن قاتار, ول رەسپۋبليكاداعى ورتاشا كورسەتكىشتەن دە (100 مىڭ ادامعا – 188,4) از. ەلوردالىق مەديتسينا قىزمەتكەرلەرىنىڭ ايتۋىنشا, قاتەرلى ىسىكتەن ءولىم-ءجىتىم 2012 جىلى 0,5%-عا تومەندەپ, 100 مىڭ ادامعا شاققاندا 81,3-ءتى قۇرادى
سانسويلەم
2013 جىلدىڭ قاڭتار-اقپان ايلارىندا تۇرعىن ءۇي قۇرىلىسىنا باعىتتالعان ينۆەستيتسيا كولەمى 5085,1 ملن تەڭگە بولدى. بۇل 2012 جىلدىڭ قاڭتار-اقپان ايلارىمەن سالىستىرعاندا 107,7 پايىزعا ارتىق.
كەشە…
م.گوركي اتىنداعى اكادەميالىق ورىس دراما تەاترىندا بەلگىلى ۆەنگر جازۋشىسى ءارى ۆەنگر تەاترىنىڭ نەگىزىن قالاعان يشتۆان ەركەننىڭ «توت, مايور جانە باسقالار» نەمەسە «توتتار جانۇياسى» كومەدياسىنىڭ پرەمەراسى ءوتتى.
بۇگىن…
ل.ن.گۋميلەۆ اتىنداعى ەۇۋ-ءدىڭ وقۋ-اكىمشىلىك كورپۋسىندا 11.00-دەن 14.00-گە دەيىن تۋريزم سالاسىنداعى بوس جۇمىس ورنىنىڭ ءجارمەڭكەسى وتەدى. بوس جۇمىس ورىندارى جارمەڭكەسى ىشكى ءتۋريزمدى دامىتۋ جونىندەگى «مەنىڭ ەلىم» قاۋىمداستىعىمەن بىرگە وتكىزىلەدى.
ەرتەڭ…
«جاستار» سارايىندا ساعات 19.00-دە مۇمكىندىكتەرى شەكتەۋلى جاندارعا ارنالعان فەستيۆال اياسىندا دەكوراتيۆتىك-قولدانبالى ونەر شىعارماشىلىعىنىڭ كورمەسى وتەدى.
ءانۋار الەم چەمپيوناتىنا بارادى
قازاقستاندىقتار ەسبەرگ قالاسىندا وتكەن «Danish Open-2013» حالىقارالىق تۋرنيرىندە مۇمكىندىگى شەكتەۋلى سپورتشىلار اراسىندا جوعارى شەبەرلىك ۇلگىسىن كورسەتتى.
وسى جىلدىڭ تامىز ايىندا كانادادا وتەتىن الەم چەمپيوناتىنا ىرىكتەۋ بولىپ تابىلاتىن تۋرنيرگە ون ەلدەن ەڭ مىقتى سپورتشىلار قاتىستى. قازاقستاندىق كوماندادا التى اتلەت بولسا, ولاردىڭ ۇشەۋى – ەلوردالىق «قايسار» كلۋبىنىڭ ءتاربيەلەنۋشىلەرى. بالالار بارلىعى 23 مەدالگە يە بولدى. ولاردىڭ 9-ى – التىن, 11-ءى – كۇمىس, 3-ەۋى – قولا مەدال.
سونىمەن قاتار, ىرىكتەۋ كەزەڭىنىڭ بارلىق نورماتيۆتەرىن ورىنداعان استانالىق ءانۋار احمەتوۆ پەن جامبىل وبلىسىنىڭ وكىلى زۋلفيا عابيدۋللينا الەم چەمپيوناتىنا جولداما الدى.
كوزىنەن مۇگەدەك 20 جاسار ءانۋار احمەتوۆ بىرنەشە جىل قاتارىنان جوعارى كورسەتكىشتەرگە قول جەتكىزىپ كەلەدى. بۇل جولى ول 50 جانە 100م قاشىقتىققا جۇگىرىپ, توپ جاردى. S-12 ەركىن كلاسىندا 50 م ارقاسىمەن جىلجىپ, 200 مەتردى باعىندىردى. ول وسى جەردەن ءتورت التىن العان بولاتىن. سونىمەن قوسا ونىڭ قورجىنىندا ءۇش كۇمىس مەدال بار ەكەندىگىن دە ايتقان ءجون. «قايسار» كلۋبىنىڭ تاعى ءبىر وكىلى ميحايل ەرەمەنكو S-6 كلاسىندا (سپودا) ارقاسىمەن جىلجۋدا 100 مەترلىك قاشىقتىقتا ەكى رەت ەكىنشى بولىپ كەلدى. وسى ساناتتا ونەر كورسەتەتىن سيازبەك ءداليەۆ دانيادان قولا جۇلدە الىپ كەلدى. استانا قالاسىنداعى «قايسار» سپورت كلۋبىنىڭ اعا جاتتىقتىرۋشىسى, جۇزۋدەن قر ەڭبەك ءسىڭىرگەن سپورت شەبەرى ۆلاديمير زاگورودنيدىڭ ايتۋىنشا, تۋرنيردە باسەكەلەستىك وتە ۇلكەن بولعان.
VI استانا ەكونوميكالىق فورۋمى وتەدى
مامىردا استاناعا نوبەل سىيلىعىنىڭ ون لاۋرەاتى كەلەدى. اتاپ ايتقاندا, بيىلعى 22-24 مامىر ارالىعىندا بۇۇ-نىڭ قولداۋىمەن ەلوردادا VI استانا ەكونوميكالىق فورۋمى جانە دۇنيەجۇزىلىك داعدارىسقا قارسى كونفەرەنتسيا ۇيىمداستىرىلادى. بۇل شارا ەلباسى نۇرسۇلتان نازارباەۆتىڭ باستاماسىمەن تۇڭعىش رەت وتكىزىلەدى.
ول الەمدىك داعدارىستى ەڭسەرۋ تۇرعىسىندا جوسپار جاساۋعا نەگىزدەلگەن. العاشقى استانا ەكونوميكالىق فورۋمىنا 40 مەملەكەتتەن 500 وكىل كەلگەن بولسا, V اەف-قا 100 ەلدەن 8 مىڭنان اسا قاتىسۋشى كەلدى. بيىلعى ءVى استانا ەكونوميكالىق فورۋمىنا قاتىسۋ ءۇشىن شەتەلدىكتەرگە 8 مىڭنان اسا شاقىرتۋ جىبەرىلدى. وسى ورايدا قازىرگى كەزدە 60 مەملەكەتتىڭ مارتەبەلى تۇلعالارى, نوبەل سىيلىعىنىڭ 10 لاۋرەاتى, 40-تان اسا ءىرى كورپوراتسيا باسشىلارى, سونىمەن قاتار 11 مەملەكەت جانە ۇكىمەت باسشىلارى, 15 مينيستر مەن ورتالىق بانكتەردىڭ باسقارۋشىلارى, حالىقارالىق ۇيىم جەتەكشىلەرى قاتىسۋعا نيەت ءبىلدىرىپ وتىر.
ەڭ ۇزدىكتەر ەكشەلدى
ەلوردادا ەلىمىزدىڭ ۇزدىك جۇمىس بەرۋشىسىنە تاعايىندالعان «سەنىم-2012» بايقاۋىنىڭ جەڭىمپازدارى ماراپاتتالدى. جەڭىمپاز جۇلدەلەرى «ادام رەسۋرستارىن باسقارۋ: ءۇشىنشى مىڭجىلدىق HR ترەندتەرى» اتتى حالىقارالىق كونفەرەنتسيا بارىسىندا تاپسىرىلدى.
سونىمەن, «ەڭ وزات جۇمىس بەرۋشى ۇلتتىق كومپانيا» – «قازاقتەلەكوم» اق, «ەڭ وزات جۇمىس بەرۋشى ءوڭىر» – «CP Hotels Atyrau» كومپانياسى» جشس (اتىراۋ) مەن «قوستاناي مينەرالدارى» اق (قوستاناي), «استانا مەن الماتىداعى ەڭ وزات جۇمىس بەرۋشى» – «Prime Aviation» اق مەن «استانا قوناق ءۇيى» اق, «ەڭ ۇزدىك جۇمىس بەرۋشى ترانسۇلتتىق كومپانيا» – «پروكتەر ەند گەمبل قازاقستان» جشس اتاندى.
سونداي-اق, «ۇزدىك HP-جوبا» اتالىمىندا «قازاقتەلەكوم» اق – «توپ 50: «قازاقتەلەكوم» تالانتتاردى باسقارۋ» جوباسى, «پروكتەر ەند گەمبل قازاقستان» جشس – «P&G Vibrant Living – قىزمەتكەرلەردىڭ ءتيىمدى جۇمىس ىستەۋى مەن جەكە ءومىرىن ۇشتاستىرۋدىڭ كەشەندى باعدارلاماسى», «قازاقستان تەمىر جولى» ۇك» اق – «يننوۆاتسيالىق HR تەتىكتەر: 4 جۇيە – www.zhastemir.kz يننوۆاتسيالىق يدەيالاردىڭ اقپاراتتىق ينكۋباتورى جانە كورپوراتيۆتىك الەۋمەتتىك جەلىسى» ءۇشىن ماراپاتتالدى. ال, «بوگاتىر كومىر» جشس «Lean Six Sigma ادىستەمەسىن ەنگىزۋ» جوباسىنىڭ تيىمدىلىگى ءۇشىن «ۇزدىك HR جوبا» اتالىمى بويىنشا رەسپۋبليكالىق «HR-مەنەدجەرلەر قاۋىمداستىعى» قوعامدىق بىرلەستىگىنىڭ ارناۋلى سىيلىعىنا يە بولدى. سونداي-اق وسى اتالىمدا «KEGOس» اق «KEGOس» اق ديناستيالارى» جوباسى ءۇشىن الەۋمەتتىك ارىپتەستىك ورتالىعىنىڭ ارناۋلى سىيلىعىن الدى.
قارعىن سۋ قالامىزعا جايىلمايدى
ازىمبەك باسقانباەۆ, «استانا-تازالىق» جشس ديرەكتورى:
– سۋ تاسقىنىنا قارسى قانداي ءىس-شارالار جۇرگىزىلىپ جاتىر؟
– اۋا رايىنىڭ كۇندىز كۇرت جىلىنۋى مەن تۇندە سالقىنداپ, مۇزدىڭ قاتۋىنا بايلانىستى قالاداعى بارلىق مەنشىك يەلەرى نىساندار مەن عيماراتتاردى, تۇرعىن ءۇي قورلارىن قاردان تازالاپ جاتىر. سۋ تاسقىنىنا قارسى باعىتتالعان جۇمىستار جۇيەلى جۇرگىزىلۋدە. اسىرەسە ەرىگەن قار سۋىنىڭ جينالۋىنا جول بەرمەۋ ءۇشىن قارقىندى ءىس-شارالار اتقارىلۋدا.
ء–بىرىنشى كەزەكتە قانداي اۋماقتار تازالانىپ جاتىر؟
– كوكتەم جاقىنداعاندا ساي-سالانى سۋ الىپ, قاتىپ قالعان مۇز ەرiپ, تۇرعىنداردىڭ جاقىن جەردەگi ايالدامالارعا, قوعامدىق ورىندارعا جەتۋى قيىن بولماس ءۇشىن الدىمەن بالاباقشا, مەكتەپ, ەمدەۋ مەكەمەلەرى, سونداي-اق جەكە سەكتورلاردىڭ اۋماقتارى تازالانىپ جاتىر.
– قانشا ادام, اۆتوتەحنيكا جۇمىلدىرىلدى؟
– 400 جول جۇمىسشىسى, 200 «كاماز» كولىگى, 45 سۋ سوراتىن ماشينا, مۇزدى ەرىتىپ اعىزاتىن كولىكتەرىمىز بار. سونداي-اق, سەبۋگە 600 مىڭ قاپ قۇم دايىنداپ قويدىق. قالاداعى ءۇش اۋداندا 3 ديسپەتچەرلىك پۋنكتىمىز بار. تۇرعىندار سوعان حابارلاسا الادى.
– وسى ۋاقىتقا دەيىن قانشا قار شىعارىلدى؟
– بيىل قىستا 4 ملن 100 مىڭ تەكشە مەتر قار شىعارىلدى. بىلتىرعىعا قاراعاندا بىرنەشە ەسە كوپ. وتكەن جىلى 2 ملن تەكشە مەتر قار شىعاردىق. سوڭعى ەكى كۇندە 85 مىڭ تەكشەسى تاسىلدى. كۇندىزگى ۋاقىتتا – 180, تۇندە 220 «كاماز» كولىكتەرى جۇمىلدىرىلادى.
كيبەرقىلمىس جونىندە كەڭەستى
كيبەرقىلمىس – كومپيۋتەرلىك تەحنولوگيالاردى قولدانۋ سالاسىندا جاسالاتىن قىلمىس. ۇلتتىق قاۋىپسىزدىككە قاتەر توندىرەتىن كيبەرقىلمىسكەرلەرگە توسقاۋىل قويۋعا ءبىر عانا مەملەكەتتىڭ كۇشى جەتپەيدى.
كۇرەسۋدىڭ ءتيىمدى تەتىكتەرى ءازىرگە ءناتيجەسىز بولعاندىقتان, بۇل ماسەلە حالىقارالىق دەڭگەيدە كوتەرىلىپ ءجۇر. عالام ەكونوميكاسىنا جىل سايىن ميللياردتاعان دوللار شىعىن اكەلەتىن اتالمىش تۇيتكىل استانادا دا تالقىلاندى. قارجى پوليتسياسى اكادەمياسىندا اقش, تۇركيا, ۋكراينا جانە ەلىمىزدىڭ قۇقىق قورعاۋ ورگاندارى وكىلدەرى جينالىپ, كيبەرقىلمىسقا توسقاۋىل قويۋدىڭ جولدارىن قاراستىردى. ەۋروپاداعى قاۋىپسىزدىك جانە ىنتىماقتاستىق ۇيىمى ۇيىمداستىرعان بۇل سەمينارعا اقش-تىڭ فەدەرالدى بارلاۋ بيۋروسىنىڭ (فبر) ماماندارى ارنايى قاتىستى. سەبەبى, ەلەكتروندى جۇيەدە جاسالاتىن قىلمىستارعا قارسى الەمدەگى ەڭ العاشقى ورتالىق وسى ۇيىم جانىنان 1999 جىلى اشىلعان بولاتىن.
جيىندا اقپاراتتىق تەحنولوگيالار قارىشتاپ دامىعان سايىن ۆيرتۋالدى جۇيەدەگى قىلمىستاردىڭ دا سانى ارتقانى ايتىلدى. شەتەلدەن كەلگەن مەيماندار وزگەنىڭ جەكە ەلەكتروندى پوشتاسىن بۇزۋ, قۇپيا قۇجاتتاردى ۇرلاۋ, بانكتەگى شوتتاردى قولدى قىلۋ, ۇيالى تەلەفوندار مەن تولەم قابىلدايتىن تەرمينالداردان اقشا ۇرلاۋ, كينو ونىمدەرىن زاڭسىز كوشىرۋ سەكىلدى ارەكەتتەردى الەمدىك سيپاتتاعى قىلمىس دەپ باعالادى.
ەركەجان ساتىمبەك
