مەكتەپتە تاماقتاندىرۋ قالاي ۇيىمداستىرىلادى؟

«جاڭارۋ» سىبايلاس جەمقورلىققا قارسى جالپىۇلتتىق قوزعالىسى ­رەسپۋبليكالىق قوعامدىق بىرلەستىگى مەن نۇر-سۇلتان قالاسى اكىمدىگى اراسىنداعى ىنتىماقتاستىق تۋرالى مەموراندۋمنىڭ مىندەتتەرىن ىسكە اسىرۋ شەڭبەرىندە جانە «ادال باقىلاۋ» مەملەكەتتىك الەۋمەتتىك جوبا اياسىندا «نۇر-سۇلتان قالالىق ءبىلىم بەرۋ ۇيىمدارىندا تاماقتاندىرۋدى ۇيىمداستىرۋ» تاقىرىبىندا ونلاين-قوعامدىق تىڭداۋ ءوتتى. قوعامدىق تىڭداۋ كەزىندە مەملەكەتتىك قىزمەتتەردى كورسەتۋ ساپاسى, مەملەكەتتىك قىزمەت سالاسىنداعى باقىلاۋ, سىبايلاس جەمقورلىققا قارسى مونيتورينگ, سىبايلاس جەمقورلىق تاۋەكەلدەرىن تالداۋ, قوعامدا سىبايلاس جەمقورلىققا قارسى مادەنيەتتى قالىپتاستىرۋ ماسەلەلەرى ءسوز بولدى.
نۇر-سۇلتان قالاسىنىڭ ءبىلىم بەرۋ مەكەمەلەرىندە قوعامدىق تاماقتاندىرۋدى ۇيىمداستىرۋعا ارنالعان تەندەرلەر وتكىزۋ كەزىندە كوپتەگەن زاڭ بۇزۋشىلىقتار انىقتالعانى كوتەرىلگەن ماسەلە بولدى. «اۋديت قورىتىندىلارى بويىنشا انىقتالعان زاڭ بۇزۋشىلىقتاردى جويۋ تۋرالى قالالىق مەملەكەتتىك ساتىپ الۋ بولىمىنە بۇيرىق شىعارىلدى. اۋديت بارىسىندا كوميسسيالاردىڭ دۇرىس جۇمىس جاساماعانى جانە جەكەلەگەن جەتكىزۋشىلەردىڭ مۇددەلەرىن قورعاعانى انىقتالدى» دەدى «جاڭارۋ» سىبايلاس جەمقورلىققا قارسى جالپىۇلتتىق قوزعالىس رەسپۋبليكالىق قوعامدىق بىرلەستىك توراعاسىنىڭ ورىنباسارى, نۇر-سۇلتان فيليالىنىڭ ديرەكتورى داۋلەتكەرەي راحمەتۋللين وسى ماسەلە بويىنشا جەلىدە وتكەن قوعامدىق تىڭداۋ كەزىندە. بايانداماشى ناقتى مىسال كەلتىردى. «مىسالى, ءبىر جەتكىزۋشى جەتى لوت بويىنشا جەڭىسكە جەتكەن, بۇل ­تك ­ناۋرىزباەۆ, ول كەلەسى بۇزۋشىلىقتارمەن كونكۋرس­قا جىبەرىلگەن ياعني نارىقتاعى تاجىريبەگە سايكەس وعان 6,8 باللدىڭ ورنىنا زاڭسىز تۇردە 10 بالل بەرىلدى, ونداي بۇزۋشىلىقتار بارلىق جەتى لوتتا كەزدەسەدى. ۇقساس بۇزۋشىلىقتار بايقاۋدىڭ بارلىق دەرلىك پارتيالارىندا انىقتالدى» دەدى. انىقتالعان فاكتىلەردەن باسقا ونىڭ ايتۋىنشا, الەۋەتتى ءونىم بەرۋشىلەرگە مەملەكەتتىك ساتىپ الۋ پروتسەدۋراسىنا قاتىسۋ ءۇشىن تەڭ مۇمكىندىكتەر بەرۋ جانە ولاردىڭ ءادىل باسەكەلەستىگى ءۇشىن مەملەكەتتىك ساتىپ الۋ قاعيداتتارى بۇزىلعان. «بۇدان شىعاتىنى, كوميسسيا مۇشەلەرى جەكەلەگەن جەتكىزۋشىلەردىڭ مۇددەلەرىن قولداۋمەن اينالىسقان. سونىمەن قاتار كوميسسيالاردىڭ قۇرامىن تاڭداۋدا زاڭ بۇزۋشىلىقتار بار. كوميسسيا توراعاسى ءبىرىنشى باسشىسىنىڭ ورىنباسارىنان تومەن ەمەس لاۋازىمدى ادام بولىپ تاعايىندالۋى كەرەك. الايدا بارلىق لوتتار بويىنشا بايقاۋ كوميسسيالارىنىڭ توراعالارى قوعام قايراتكەرلەرى مەن مەكتەپ ديرەكتورلارى بولىپ تابىلادى» دەپ قوستى داۋلەتكەرەي راحمەتۋللين.
ونىڭ مالىمدەۋىنشە, شارتتاردى بۇزىپ جانە انىقتالعان بۇزۋشىلىقتارعا جول بەرگەن لاۋازىم­دى ادامداردىڭ تارتىپتىك جاۋاپكەرشىلى­گىن قاراستىرۋدان باسقا, سونىمەن قاتار مەملەكەتتىك ساتىپ الۋعا قاتىسۋشىلاردىڭ بارلىعى, ونىڭ ىشىندە كونكۋرستىق كوميسسيانىڭ مۇشەلەرى دە جاۋاپ بەرۋى كەرەك. سونداي-اق بۇزۋشىلىقتارعا جول بەرگەن جەتكىزۋشىلەر مەملەكەتتىك ساتىپ الۋعا جوسىقسىز قاتىسۋشىلاردىڭ تىزىمىنە ەنگىزىلۋى ءتيىس. «جاڭارۋ» سىبايلاس جەمقورلىققا قارسى جالپىۇلتتىق قوزعالىس رقب توراعاسىنىڭ ورىنباسارى, نۇر-سۇلتان فيليالىنىڭ ديرەكتورى داۋلەتكەرەي ­راحمەتۋللين وسى ماسەلەلەردى شەشۋگە ارنالعان ۇسىنىستار مەملەكەتتىك ورگانداردىڭ جاۋاپتى تۇلعالارىن شاقىرا وتىرىپ جانە قارجىلىق باقىلاۋ ورگاندارى, قۇقىق قورعاۋ ورگاندارىنىڭ وكىلدەرى بارلىق ءىس-ارەكەتتەردىڭ زاڭدىلىعىن باعالاۋ ءۇشىن نۇر-سۇلتان قالاسى قوعامدىق كەڭەسىنىڭ تالقىلاۋىنا جىبەرىلۋى كەرەكتىگىن مالىمدەدى.
قوعامدىق تىڭداۋعا قاتىسقان نۇر-سۇلتان اكىمدىگىنىڭ جەرگىلىكتى ءوزىن-ءوزى باسقارۋ ورگاندارىنىڭ, قۇقىق قورعاۋ ورگاندارىنىڭ, ۇكىمەتتىك ەمەس ۇيىمداردىڭ, بۇقارالىق اقپارات قۇرالدارىنىڭ باسشىلارى, سونداي-اق «جاڭارۋ» رقب بەلسەندىلەرى قۇقىق بۇزۋشىلىقتارعا, سىبايلاس جەمقورلىققا مۇلدەم توزبەۋشىلىك اتموسفەراسىن قۇرۋ, سىبايلاس جەمقورلىق كورىنىستەرىنىڭ الدىن-الۋ جانە بولدىرماۋ, ولاردىڭ سالدارىن بارىنشا ازايتۋ تۋرالى ءوز ۇسىنىس-پىكىرلەرىن ايتتى.