كەشە ەلوردادا ونەرتاپقىشتار اراسىندا «شاپاعات-2015» جارىسى وتتى.
بايگەنىڭ وتۋىنە ادىلەت, ءبىلىم جانە عىلىم, ينۆەستيتسيا جانە دامۋ مينيسترلىكتەرى ۇلەس قوسىپ, بەس اتالىم بەلگىلەدى.
«جىل سايىن ەلiمiزدەگi ونەرتاپقىشتاردىڭ سانى, ولاردىڭ ويلاپ تاۋىپ جاتقان ادiستەرi مەن قۇرالدارىنىڭ ساپاسى ارتىپ كەلەدi. بولاشاقتا ونەرتاپقىشتار ەلiمiزدiڭ ونەركاسiبiنە ۇلكەن جاڭالىقتار اكەلiپ, قازاقستاندى تەحنولوگيالىق, يننوۆاتسيالىق دامىعان الەمنiڭ الدىڭعى قاتارلى ەلدەردiڭ قاتارىنا قوسۋىنا سەپتiگiن تيگiزەدi دەپ ويلايمىن» دەدi قر ينۆەستيتسيالار جانە دامۋ مينيسترلiگi تەحنيكالىق جانە ينۆەستيتسيالىق دامۋ دەپارتامەنتi ديرەكتورىنىڭ ورىنباسارى قۇرالباي بۇحارباي.
ونەرتاپقىشتار جارىسىندا «روتورلى-پورشەندi iشتەن جانۋ قوزعالتقىشىن» جاساپ شىعارعان فەدور وليفيرەنكو – «ەڭ ۇزدiك جىل ونەرتابىسى», جەلدi گەنەراتورلاردىڭ پاتەنتتەرiنە قوسانجار اۆتور الميرا جيلكاشينوۆا – «ەڭ ۇزدiك ونەرتاپقىش ايەل», جاڭارتىلعان ەنەرگيا سالاسىندا ون بەس پاتەنتتiڭ يەسi الەكساندر سلوجەنيكين – «ەڭ بەلسەندi ونەرتاپقىش», 17 جاسار نۇركەن ماراتوۆ – «ەڭ جاس ونەرتاپقىش» اتاندى. ال, قىزىلوردا وبلىسىنىڭ تۋماسى, 11-سىنىپ وقۋشىسى باعلان تولەباي توعىزقۇمالاق ويىنىنىڭ ەلەكتروندىق الiپپەسiن جاساپ, «جاس دارىن» اتالىمىن جەڭiپ الدى. جەڭiمپازدارمەن قاتار وسى سالاداعى بiرقاتار ازاماتتارعا قازاقستاننىڭ يننوۆاتسيالىق دامۋىنا قوسقان ۇلەسi ءۇشiن «شاپاعات» ديپلومدارى تابىس ەتiلدi.
ساعي ورال
